San Lucas 5:21 - Zoque Copainalá New Testament

²¹ Pijche'ca te' aŋgui'mguy-tyayuta'm y te' fariseota'm quipsoyaju y nʌmyaju: ¿Iwa' jequeyʌ' yʌ'wʌ 'yotowewʌ'ajapyapʌ's Dios? Ya'iwʌ's ja'n musi yajcotocoyu cowa juca ja'n Diojsis.

San Lucas 5:21 ပူးပေါင်းရင်းမြစ်များ

San Mateo 26:65

Pijche'cande' te' mʌja'ŋbʌ sacerdote's, myatoŋu'ctij te'šej, chijtzu pyama y nʌmu: Nʌ 'yotowewʌ'ajayu Dios, porque Diosšej chʌcpa wyin. ¿Tiyajcandʌ me'tztaŋgue'tpamaj testigos? Yʌtij ne'cʌ mis matoŋdamwa'a jutz 'yotowewʌ'ajayu Dios.

San Mateo 9:3

Pijche'c ijtyaju inʌc aŋgui'mguy-tyayu, y metza tuca'y ñe'co'mota'm nʌmyaju choco'yojmo: Yʌ'wʌ's 'yotowewʌ'ajapya Dios.

San Lucas 3:8

Yajquejtamʌ jeque te' mista'm ndzʌquipit que nʌmij ŋguipswitu'tamu. Uy nʌcʌpo'tame wa'mij ñʌmdamu ndzoco'yojmo: Abrahaŋde' tʌs ndataj, porque ʌsmij ndzamjaytyamba que Diojsis muspa yajqueju uneta'm Abrahaŋgotoya ñempe yʌ' tza'pitta'm.

San Lucas 5:17

Y tumnaca nʌ'c inʌc 'yaŋma'yoyu Jesús, tey inʌc pocšaju fariseo y te' aŋgui'mguy-'yaŋma'yoye. Yʌ'ta'mbʌ miñajupʌte' te' Jerusale'ŋojmoc y te' cumgu'yojmocta'm quiowindzʌmbapʌ inʌc te' Galilea-najsis y te' Judea-najsis. Y tʌ Ngomi Diojsis pyʌmi ijtu inʌc Jesujsojmo wa'y yajtzoquiatʌju.

San Lucas 5:22

Pero ñʌctʌ'yjayaju Jesujsis ñe'ta'm quipsoquiuy y ñʌjayaju: ¿Tiyʌcotoya te'šej ŋguipsoytyamba ndzoco'yojmo?

San Lucas 7:49

Y te' tumʌpocšajupʌ mesa'ojmo ñe'cʌji'ŋ nʌmgʌ'yaju ñe'co'mo: ¿Iwa' jequeyʌ' yʌ'wʌ, yajcotocoquie'tpapʌ's cowa?

San Juan 10:33

Y 'yaŋdzoŋyaju judio'sta'm y nʌmyaju: Oyepʌ tzʌquicotoya ja'ndʌsmij ndʌŋga'e tza'pit, sino porque otowewʌ'ajapyamis Dios, porque mij mbyʌnmijyʌ' y nʌmij ñʌmu que Diosmijte'.

Romanos 8:33

¿Iwʌ'sasʌ'ŋ ñicotza'mʌyjayajpa Diojsista'm quiopiwi? Te'ta'mbʌ Diojsiste' jyustococojtyajpapʌ.