20 Quienu Jesujsis jutz wʌ'aŋja'moyajpa y ñʌjayu te' wocšijpʌ: Tʌwʌy, nyajcotocoyjapya'ʌs mis ŋgowa.
Y tey ñʌminjayaju wocšijpʌ pʌn cape-ʌŋguquiʌsi. Quienu Jesujsis jutz wʌ'aŋja'moyajpa, ñʌjayu te' wocšijpʌ: Nʌ'oma' tʌwʌy, nyajcotocoyjapya'ʌs mis ŋgowa.
¿Tiya'sʌ'ŋde' más fácil wa'ytyʌ ndzʌjcu wa'ytyʌ nʌmu: Nyajcotocoyjapya'ʌs mis ŋgowa, o wa'ytyʌ nʌmu: Tenaqui'mʌ y ca'ŋʌ?
Quienu Jesujsis jutz wʌ'aŋja'moyajpa y ñʌjayu te' wocšijpʌ: Tʌwʌy, nyajcotocoyjapya'ʌs mis ŋgowa.
Y ñʌjayu te' yomo: Mis ŋgowa nyajcotocoyjawya'mʌs.
Ja'ndiyʌ inʌc pyena iwʌ's wa'y chamjayu tiyʌ quipspa pʌ'nis, porque ñe'cʌ's myuspʌ'pa tiyʌ ijtu pʌ'nis choco'yojmo.
Jʌsa'ca pya'tu Jesujsis te' templo'ojmo, y ñʌjayu: Yʌtij ñchocwa'mij, u'ya cowapa'tque'temaj umis maŋu maŋgopa'tʌyu más jene jenepʌ ca'cuy.
Y nu'cu yʌ'wʌ y quienu jutz chi'yaju Diojsis yajya'moquiuy, y ñʌ'omu. Y pyʌmitzi'yaju chamepit mumuta'mbʌ wa'y tyumʌtzocoy quio'ŋjojcʌtʌcjayaju tʌ Ngomi.
Yʌ'wʌ's myatoŋu tiyʌ inʌc nʌ chamu Pablo's, y Pablo's quiengʌpʌjcu y ñʌctʌ'yu que wʌ'aŋja'mopya inʌc te' pʌn wa'y chojcu.
Y iwʌ mis nyajcotocoytyamba, te'šejtijque' ʌs. Porque te'še'ʌs nyajcotocoquie'tu mijcotoyata'm Cristo's wyi'naŋdʌjqui, juca ijtu tiyʌ'iwʌ wa'yʌs nyajcotocoyu.
Juca ijtu tiyʌ'iwʌ qui'šca'cuy mi'ojmota'm, napyʌ'mgopajcʌtʌjtamʌ ne'co'mota'm y yajcotocoytyamʌ ndʌwʌ ne'co'mota'm. Te' nyajcotocoytyamušejmij Cristo's, te'šej yajcotocoytyamʌ mista'm ndʌwʌ.
Jowi'cšej nʌmba iwʌjutiwʌ: Mis, nʌ'ijtumis nwʌ'aŋja'moquiuy y ʌs, ŋgo'ŋba'ʌs oyeta'mbʌ tzʌqui. Ja'nmisʌj musi nyajquenu mis nwʌ'aŋja'moquiuy juca ja'nmis ndzʌqui oyeta'mbʌ tiyʌ, pero ʌs muspa'ʌsmij nyajquenu ʌs nwʌ'aŋja'moquiuy porque ndzʌcpa'ʌs oyeta'mbʌ tiyʌ.