San Lucas 4:6 - Zoque Copainalá New Testament

⁶ Y ñʌjayu te' diablo's: Maŋba'ʌsmij ndzi'u ñe'ta'm myʌja'ŋajcʌ' y wa'mis aŋgui'mu mumu yʌ'wʌ, porque ʌjyʌ' tzi'yajupʌ y iwʌ ʌs sunba ndzi'u, ndzi'pa'ʌs.

San Lucas 4:6 ပူးပေါင်းရင်းမြစ်များ

San Lucas 4:7

Juca cujnayu'cmisʌj ŋgʌna'tzʌ'pya, mumu yʌ'wʌ mis maŋba ne'aju.

San Juan 12:31

Yʌtij nʌ cho'tzu wa'y quio'aŋgʌyaju najsacopajcʌsita'mbʌ's porque yʌ'še'ʌj nʌ tzʌquiaju. Yʌtij te' najsacopajcʌsipʌ yatzi-cowi'na ndʌŋgʌtejwa'mʌs.

San Juan 14:30

Ja'na'mʌj jene maŋu ndzamdzamnayu miji'ŋda'm porque jʌ'nʌ'a maŋba minu yʌ' najsacopajqui's yatzi-cowi'na. Pero te'wʌ's ja'nʌj aŋgui'mi ʌj.

San Juan 8:44

Mijta'm diablo's mijyʌ' 'yuneta'm, te'wʌte' mista'm ndataj. Y mista'm ndata's šu'noquiuy, te'wʌ mis sunba ndzʌcjaytyamu. Ñe'cʌ yajca'opyapʌte' desde cho'tzcu'yojmo, y yajujche'c ja'n chʌqui wiyuŋbʌ tiyʌ porque ja'ndiyʌ wiyuŋbʌ tiyʌ ñe' choco'yojmo. Chamba'c sutzi ñe' quio'quips chamba, porque sutzpapʌte' y ñe'cʌ sutzi's te' pyo'c.

2 Corintios 11:14

Uy nʌmaya'tame, porque yajtya' Satanajsis chʌcpa wyin tzi'muŋbapʌ angelesšej.

Efesios 2:2

Y wina ŋguiowapa'ttambamij inʌc cowapa'tyajpašej ja'n wyʌ'aŋja'moyapyʌ. Y ndzʌcjaytyambamis inʌc te' diablo's 'yaŋgui'mguy. Y te' diablo jeque yatzipʌ cowi'na-espiritute' y 'yaŋgui'mba mumu pʌmi'ʌyajupʌ yatzi-espiritu sawo'mo ijtyajpapʌ, y te'šejtijque' 'yaŋgui'mba te' pʌnda'm ja'n myato'ŋoyjayapyʌ's Dios.

1 Pedro 1:24

Wiyuŋšej chamba te' Totojaye's: Jujcha' tʌjchajpa te' ta'nʌ, Te'šej maŋba yaju pʌ'nista'm yʌpyʌ quienguy. Y jujcha' yajpa te' ta'nʌ's jyʌyʌ, Te'šej maŋba yaju tʌta'm najsacopajcʌsipʌ mʌja'ŋajcuy.

1 Juan 5:19

Mustambatʌ que Diojsistʌyʌ' 'yuneta'm, pero mumu ja'n wyʌ'aŋja'moyapyʌ 'yaŋgui'mba yatziwʌ's.

El Apocalipsis 12:9

Y tyʌŋdzi'po'tyaju tzajpojmoc te' maya'aŋbʌ dragón, te' ya'acpʌ tzan, ñʌjayajpapʌ diablo y Satanás, te' 'yaŋgoma'cʌ'pyapʌ's mumu najsacopac-pʌn. Tyʌŋdzi'po'tyaju jeque ñe'cʌ y te' 'yangelesta'm najsacopajcʌsi.

El Apocalipsis 13:2

Y te' ŋguenupʌ copʌ'nʌs mʌja caŋšej inʌc quenba, y te' ñe'ŋbac oso'sñe'šej inʌc, y 'yaŋnaca tzapas ca'ŋisñe'šej inʌc. Y te' drago'ŋis chi'u ñe' pyʌmi y aŋgui'mʌtʌjcuy-pyocscuy wa'y 'yaŋgui'mu pyʌmi'ojmo.

El Apocalipsis 13:7

Y chi'yaju lugar te' copʌn wa'y ñʌquipyaju Diojsis myasanbʌnda'm, hasta wa'y wyʌyaju. Te'šejtij chi'yajque'tu wa'y 'yaŋgui'myaju mumu raza, jujche'ŋ najsacopac-iti, wi'ni eya otoweta'mbʌ y mumu nacio'ŋojmota'mbʌ.