San Lucas 4:5 - Zoque Copainalá New Testament

⁵ Y ñʌmaŋu te' diablo's ye'ŋupʌ cotzʌjcʌsi y chʌlʌpʌ hora'oyj ya'ocnʌque'nʌyu tey mumu najsacopajcʌsita'mbʌ aŋgui'mʌtʌjcuy.

San Lucas 4:5 ပူးပေါင်းရင်းမြစ်များ

San Mateo 24:14

Y naswindumʌ maŋba chamgopuŋyaju te' evangelio chambapʌ's jutz aŋgui'mba Dios, wa'y myujšaju mumu najsacopajcʌsita'mbʌ pʌ'nis. Pijche'cte' maŋba yaju najsacopac.

San Mateo 4:8

Pijche'ca ñʌmaŋu te' diablo's jene ye'ŋupʌ cotzʌjcʌsi, y ya'ocnʌque'nʌyu tey mumu najsacopajcʌsita'mbʌ aŋgui'mʌtʌjcuy y te' myʌja'ŋajcuy.

1 Corintios 15:52

pero jʌnʌjtij quenmecša'ŋoyj maŋba'ca yajwejyaju te' co'yajcu'yojmopʌ mu'cuy. Maŋba yajwejyaju te' mu'cuy y maŋba wyinsa'yaju te' ca'yajupʌ wa'y jana pyutzpʌ'yaju, y tʌta'm maŋbatʌ cacpʌ'tamu.

1 Corintios 7:31

Y ya'ijtya te' yajyojšajpapʌ's najsacopajcʌsita'mbʌ tiyʌ jujcha'nde' ja'n yajyosepʌ's, porque tiyʌta'm tʌ ŋguenba najsacopajcʌsi, maŋba yaju.

2 Corintios 4:17

Porque yʌtijtʌs nʌ ŋguenupʌ toya chʌlʌy horacotoya. Te'wʌ's nʌtʌj nimejcʌyjayu maya'aŋbʌ y ja'n yayepʌ mʌja'ŋajcuy.

Efesios 2:2

Y wina ŋguiowapa'ttambamij inʌc cowapa'tyajpašej ja'n wyʌ'aŋja'moyapyʌ. Y ndzʌcjaytyambamis inʌc te' diablo's 'yaŋgui'mguy. Y te' diablo jeque yatzipʌ cowi'na-espiritute' y 'yaŋgui'mba mumu pʌmi'ʌyajupʌ yatzi-espiritu sawo'mo ijtyajpapʌ, y te'šejtijque' 'yaŋgui'mba te' pʌnda'm ja'n myato'ŋoyjayapyʌ's Dios.

Efesios 6:12

Porque ja'ndʌte' mbʌndʌwʌ maŋu nʌquiptamu yʌy najsacopajcʌsi, sino que nʌtʌ nʌquiptamu te' yatzita'mbʌ espíritu y cowi'na tzʌquiajpapʌ 'yaŋgui'myajpapʌ's mumu jujche'ŋ qui'nišajpapʌ's Dios. Y nʌtʌ nʌquiptaŋgue'tu eyata'mbʌ yatzi-espiritu, sawo'mo ijtyajpapʌ chʌquiajpapʌ's yacha'cuy.