San Lucas 4:43 - Zoque Copainalá New Testament

⁴³ Pero Jesujsis ñʌjayaju: Ijtupʌte' pyena eyata'mbʌ cumgu'yojmo wa'yʌs ndzamgopuŋu yʌ' evangelio chambapʌ's jutz aŋgui'mba Dios, porque te'wʌcotoya'ʌjte' cʌ'wejyaju.

San Lucas 4:43 ပူးပေါင်းရင်းမြစ်များ

San Mateo 4:23

Y wyitjojca'mu Jesujsis mumu te' Galilea-nas, y aŋma'yopya inʌc te' judio'sta'm wyindʌjcojmo. Chamgopuŋba inʌc te' evangelio chambapʌ's jutz aŋgui'mopya Dios. Y yajtzojcu mumu ca'eta'mbʌ y mumu toya'ojmota'mbʌ te' pʌ'nojmota'm.

San Marcos 1:35

Y tzu'sa'u Jesús pichpi'chʌcmaj. Tzu'cumu y maŋu ja'itʌnʌmʌmʌy, y tey 'yoto'ŋʌyu Dios.

San Juan 20:21

Pijche'ca nʌmwʌtzʌcjaquie'tutʌj Jesujsis: Yajsʌ'mnaytyamʌ ndzocoy. Jujcha'mʌj ʌj cʌ'weju te' Tata Diojsis wa'yʌs minu ndzʌcjayu ñe' yoscuy, te'še'ʌsmij ŋgʌ'wejtaŋgue'tpa mijta'm.

San Juan 9:4

Nʌ'cše'ŋo'yʌj tzi'yaju lugar wa'yʌj nyojsu pyʌcpa wa'yʌs ndzʌcjayu Diojsis yoscuy, porque ñe'cʌ'sʌj cʌ'weju. Porque maŋba minu te' aŋsʌŋ ja'nandʌ maŋu tzi'yaju lugar wa'ytyʌ nyostamu.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

2 Timoteo 4:2

Aŋgui'mba'ʌsmij jeque: Tzamgopuŋjaya te' Diojsis chame, juca sunba myatoŋyaju o ja'n suni myatoŋyaju, pero mis nʌtzamya. Pacienciapit y oyepʌ aŋma'yoquiupyit otoŋwinduquia, tzamnʌctʌ'ya y paquitzi'jaya chocoy.