San Lucas 4:42 - Zoque Copainalá New Testament

⁴² Y taŋbʌ'nʌmu'ca pujtu Jesús y maŋu ja'itʌnʌmʌmʌy. Y mye'chajpa inʌc te' pʌ'nista'm. Y nu'quiaju'ca ijtumʌy ñe'cʌ, ñuctzʌ'yajpa inʌc wa'y jana chaquiatʌju.

San Lucas 4:42 ပူးပေါင်းရင်းမြစ်များ

San Marcos 1:45

Pero tzu'cumu te' pʌn y yʌmʌc teymʌc chamgopuŋu, y yʌ'wʌ te'wʌ inʌc chamjapya jutz tzojcu. Te'wʌcotoyate' Jesús ja'na inʌc musi tyʌjcʌyu quejuqueju'c te' cumgu'yojmo. Itcʌwʌ'nu wyin ja'itʌnʌmʌmʌy. Y teymʌ inʌc maŋba mye'chaju yʌmʌc teymʌcta'mbʌ pʌ'nis.

San Lucas 24:29

Pero ñe'cʌ'sta'm chi'yaju pena wa'y chʌ'yu, y ñʌjayaju: Tzʌ'yʌ tʌji'ŋ porque tza'ʌpya'yʌ', y nʌwa' tyʌ'pu jama. Y tʌjcʌyu wa'y chʌ'yu ñe'cʌji'ŋda'm.

San Lucas 6:12

Y ʌ'ta'mbʌ jamo'oyj maŋu Jesús pu'mnacʌsi, y tumʌ tzu' 'yoto'ŋʌyu Dios.

San Juan 4:34

Nʌjayutʌj Jesujsis: Ʌs, cu'tcuyše'ʌs nʌ'ijtu wa'yʌs ndzʌcjayu ʌs Ndata Diojsis šu'noquiuy. Porque ñe'cʌ'sʌjyʌ' cʌ'weju, y sunba'ʌs nyajtucjayu ñe' yoscuy.

San Juan 4:40

Quiʌnu'cʌyaju tey Jesús te' Samaria'ojmocta'mbʌ's y 'yojquita'yaju wa'y chʌ'yu ñe'cʌji'ŋda'm te' cumgu'yoyj. Y tzʌ'yu jeque metza jama.

San Juan 6:24

Quieñaju te' pʌ'nista'm que ja'ndiyʌ inʌc tey Jesús ni tʌj te' quiʌ'aŋmayeta'm. Pijche'ca tʌjcʌyaju te' barco'ojmota'm y maŋyaju te' Capernau'ŋojmo wa'y mye'chaju Jesús.