San Lucas 4:23 - Zoque Copainalá New Testament

²³ Y Jesujsis ñʌjayaju: Yʌtij sunbamis išo'oyj nyajyostamu yʌ' tzame nʌmbawʌ: Tzo'yʌ'opyapʌ, tzo'yʌ ne' nwin. Tiyʌta'mandʌs matoŋu ndzʌjcupʌmis Capernaum-gumgu'yojmo, tzʌjque'ta yʌy misne' najsoyj.

San Lucas 4:23 ပူးပေါင်းရင်းမြစ်များ

San Mateo 13:54

Minu te' ñe' quiumgu'yojmo, y aŋma'yoyu te' judio'sta'm wyindʌjcojmo. Y ñʌmayajayajpa inʌc 'yaŋma'yoquiuy, y nʌmyaju: ¿Juta' jequeyʌ' aŋmayu yʌ'wʌ wa'y minu yʌy 'yaŋma'yoyu y wa'y chʌjcu yʌ'šejta'mbʌ isaŋwʌ'ajcuy?

San Mateo 4:13

Y tzu'cumu te' Nazaret-cumgu'yojmo y maŋu ijtu Capernaum-gumgu'yojmo ma'ra'acapoyo'oyj ijtupʌ, Zabulón y Naftali-najsojmo.

San Mateo 4:23

Y wyitjojca'mu Jesujsis mumu te' Galilea-nas, y aŋma'yopya inʌc te' judio'sta'm wyindʌjcojmo. Chamgopuŋba inʌc te' evangelio chambapʌ's jutz aŋgui'mopya Dios. Y yajtzojcu mumu ca'eta'mbʌ y mumu toya'ojmota'mbʌ te' pʌ'nojmota'm.

San Marcos 6:1

Tzu'cumu tey te' Jesús y minu ñe' ñajsojmo y te' quiʌ'aŋmaye maŋyajque'tu ñe'cʌji'ŋ.

San Lucas 2:39

Y chʌquiaju'ca mumutiyʌ chambašej tʌ Ngomi's 'yaŋgui'mgu'yis, maŋwʌtzʌquiaju Galilea-najsojmo, te' ñe'ta'm Nazaret-cumgu'yojmo.

San Lucas 2:51

Y wanajcu Jesús tyataji'ŋda'm y minu Nazarejtojmo y myato'ŋoyjayajpa inʌc ñe'cʌta'm. Y te' ñana's quioquenba inʌc mumu yʌ'šejta'mbʌ tiyʌ choco'yojmo.

San Lucas 4:16

Y maŋu Jesús te' Nazaret-cumgu'yojmo te' mʌja'umʌy. Y chʌcpašejtij inʌc Jesujsis, tʌjcʌyu judio'sta'm wyindʌjcojmo sabado-jamo'oyj y tenaqui'mu wa'y tyototu'nu.

San Lucas 4:31

Pijche'ca maŋu Jesús Capernaum-gumgu'yojmo te' Galilea's quiowindzʌmbapʌ y aŋma'yopya inʌc sabado-jamo'oyjtya'm.

San Lucas 4:35

Y Jesujsis 'yotoŋwindujcu y ñʌjayu: Numumña y putʌ ñe'co'moc. Pijche'cande' te' yatzipʌ espiritu's yajcunu te' pʌn ñe'ta'm wyi'naŋdʌjqui y pujtu ñe'co'moc, y yajtiyʌ toya jachʌcja.

San Lucas 6:42

¿Tiyʌcotoya nʌjapya mis atzi: Atzi, jo'ca, maŋba'ʌs nyajʌcʌ'jayu te' putzij ijtupʌ mis nwitʌ'mojmo? Y ja'nmis ŋgue'nʌy que sa'csʌjte' ijtu mis nwitʌ'mojmo. Mij, chʌquichʌquipʌ 'yatzitijmijyʌ'. Yajʌcʌ'ʌ winac te' sa'csʌj ijtupʌ mis nwitʌ'mojmo, pijche'c mis maŋba ŋguenu oye wa'mis nyajʌcʌ'jayu mis atzi's wyitʌ'mojmo ijtupʌ putzij.

San Juan 4:28

Pijche'ca chajcu te' yomo's te' myajcuy, y maŋu te' cumgu'yojmo. Maŋu chamjayaju te' quiumguy-tyʌwʌ.

2 Corintios 5:16

Te'cotoya desde yʌtijše'ŋoyj ja'nandʌs nique'nʌy pʌn jujcha' eyata'mbʌ's ñique'nʌyajpa. Wina tʌs nique'nʌyu te' Cristo eyata'mbʌ pʌ'nis ñique'nʌyajpašej, pero yʌtij ja'ndʌs ndzʌqui te'šej.