San Lucas 4:18 - Zoque Copainalá New Testament

¹⁸ Tʌ Ngomi's 'Yespiritu ijtu ʌjcʌsi, Porque copiŋu'ʌj wa'yʌs minu ndzamgopuŋu oyeta'mbʌ tiyʌ pobreta'mbʌcotoya. Y cʌ'weju'ʌj wa'yʌs nyajtzoquiaju te' toya'ojmo ijtyajupʌ, Y wa'yʌs ŋgoquipyaju preso'mo ijtyajupʌ wa'y pyujtyaju, Y wa'y šʌ'ŋyaju to'tita'mbʌ's wyitʌm, Y wa'y chʌcʌpʌ'yatʌju te' nʌ yacsnutzʌquiatʌjuwʌ.

San Lucas 4:18 ပူးပေါင်းရင်းမြစ်များ

San Mateo 11:5

Nʌ šʌ'ŋyaju te' to'tita'mbʌ's wyitʌm. Nʌ quia'ŋyaju oye te' mʌ'ŋyajpawʌ. Nʌ quiowajyaju te' yatziputzi'ʌyajupʌ. Nʌ 'yaŋwajyaju quiowi cowita'mbʌ'sñe'. Nʌ wyinsa'yaju te' ca'yajupʌ, y nʌ chamgopuŋjayatʌju te' evangelio te' yacsnu'ajcu'yojmo ijtyajupʌ.

San Mateo 12:18

Yʌy ijtu ʌs ŋgoyospapʌ, te' ʌs ŋgopiŋupʌ, Te' jene sunbapʌ'ʌs, porque yajtzocopyacjapya ʌs ndzocoy. Maŋba'ʌs njo'ʌyu yʌ'wʌ ʌsne' Espiritupit, Y maŋba chamgopuŋu genti'lojmota'm que te' Dios Cʌme'tzopya wiyuŋbʌ tiyʌ'ojmo.

San Mateo 12:20

Juca ijtu pʌn mochipʌ's wyʌ'aŋjamguy jujcha' mochi tzinindʌjcʌyupʌ cape, ñe'cʌ's maŋba pyʌmitzi'u. Juca ijtu pʌn ja'nʌj yosjapyʌ's oye jujcha' candil-chi'mchi'mnapyapʌ ja'n yosepʌ oye, ñe'cʌ's maŋba quiotzoŋu. Te'šej maŋba chʌjcu hasta que tucta'nbʌ'pa justopʌ tiyʌ.

San Mateo 4:16

Entero teymʌ ijtyajupʌ pʌn, pi'tza'ŋajcu'yojmo ijtyajupʌ's chocoy, Maya'aŋbʌ sʌ'ŋgʌ's minu šʌ'ŋgʌtzʌcjayaju. Te'še'a inʌc maŋba quia'yajupʌ pi'tza'ŋajcu'yojmo, Te' maya'aŋbʌ sʌ'ŋgʌ's minu šʌ'ŋjojpacjayaju.

San Mateo 5:3

Dichoso te' ñʌctʌ'yajpapʌ's que ja'ndiyʌ oyepʌ tiyʌ choco'yojmota'm, porque ñe'cʌcotoyata'mde' te' aŋgui'mbaše'ŋ te' tzajpojmopʌ Dios.

San Lucas 4:17

Chi'yaju te' toto te' jya'yʌyupʌ te' tza'maŋwa'opyapʌ Isaiajsis. Y quiete'aŋwaju te' toto y pya'tu te' ja'yʌyumʌy inʌc yʌ'šej:

San Lucas 6:20

Y ñique'nʌyaju Jesujsis te' quiʌ'aŋmayeta'm y nʌmu: Dichoso mij pobreta'm, porque mijcotoyata'mde' te' aŋgui'mbaše'ŋ Dios.

San Lucas 7:22

Y aŋdzoŋu Jesús y ñʌjayaju: Ma tzamjaytyamʌ te' Juan tiyʌ mis nʌ ŋguendamu y tiyʌ mis nʌ matoŋdamu. Nʌ šʌ'ŋyaju te' to'tita'mbʌ's wyitʌm. Nʌ quia'ŋyaju oye te' mʌ'ŋyajpapʌ. Nʌ quiowajyaju te' yatziputzi'ʌyajupʌ. Y nʌ 'yaŋwajyaju quiowi cowita'mbʌ'sñe'. Nʌ wyinsa'yaju te' ca'yajupʌ, y nʌ chamgopuŋjayatʌju te' evangelio te' yacsnu'ajcu'yojmo ijtyajupʌ.

San Juan 1:41

Yʌ' Andrejsis wina pya'tu ñe' 'yatzi Simón y ñʌjayu: Mba'twa'ndʌs te' Mesías (juca ndza'maŋwajpatʌ, sunbate' ñʌmu: Te' Cristo).

San Juan 12:46

Ʌj minu'ʌj najsacopajcʌsi wa'yʌs sʌ'ŋgʌtzʌcjayaju pʌ'nista'm chocoy wa'y mumu iwʌ'sʌj wʌ'aŋjamba ʌj u'ya wyijtyaju pi'tza'ŋajcu'yojmo.

San Juan 3:34

Iwʌ pʌn Diojsis quiʌ'weju, Diojsis chame chamjapya. Diojsis ja'n quiotzu'tzajay ñe'cʌ te' Espíritu Santo, sino que chi'pa jana yaye.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

Hechos 26:18

Myaŋbamij teymʌ wa'mis nyajsʌ'ŋjayaju wyitʌm, wa'y chaquiaju pi'tza'ŋajcʌ' y wa'y quieñaju sʌ'ŋgʌ', wa'y chacjayaju Satanajsis 'yaŋgui'mʌtʌjcuy y wa'y mye'chaju Dios. Te'šej wa'yʌs nyajcotocoyjayaju quiowa y wa'y pyʌjcʌchoŋyaju pyarte te' masa'najyajupʌji'ŋ jujche'ŋʌj wʌ'aŋjamyajpapʌ's.

Hechos 4:26

Tu'mʌyaju najsacopajcʌsita'mbʌ mʌja'ŋ aŋgui'moye, Y tu'mʌyaju te' cowi'nata'm contra tʌ Ngomi Dios y te' ñe' Cristo.

Hechos 4:27

Porque wiyuŋšejte' tu'mʌyaju yʌ' cumgu'yojmo te' Herodes, y te' Poncio Pilato, y te' gentilta'm te' Israel-pʌnji'ŋda'm contra mis masanbʌ Une Jesús, te' ŋgopiŋupʌmis.

Colosenses 1:13

Diojsistʌ yajcotzojcu uytyʌ ittamu Satanajsis 'yaŋgui'mʌtʌjcuquiʌ'mʌ pi'tza'ŋajcu'yojmo sino que wa'ytyʌ ittamu te' Diojsis šunbapʌ 'Yune's 'yaŋgui'mʌtʌjcuquiʌ'mʌ.

Santiago 2:5

Sundambapʌ atzita'mʌsmij, cʌmato'ŋʌytyamʌ'ʌj: Diojsis quiopiŋwa'a te' pobreta'm najsacopajcʌsi wa'y tumʌtzocoy wyʌ'aŋja'moyaju y te'ta'mbʌ's wa'y ijtyaju pyarte aŋgui'mbamʌy Dios. Yʌ'šej jeque chamdzi'yaju Diojsis mumu jujche'ŋ šuñajpapʌ's ñe'cʌ.

1 Pedro 2:9

Pero mijta'm ja'nmij tye'šejta'm porque Diojsismij ŋguiopiŋdamu. Yʌtij mumu wʌ'aŋja'moye, sacerdotete', masanbʌnda'mde' jujche'ŋ Diojsisa ñe'ajyajupʌ pyʌnda'm. Y Diojsismij ñe'ajtamu wa'mis ndzamgopuŋjaytyamu ñe' yajya'moquiuy, porque ñe'cʌte' te' 'yaŋbʌctamupʌ'smij wa'mis ndzactamu te' pi'tza'ŋajcu'yojmopʌ itcuy y wa'mij mindamu ñe' maya'aŋbʌ sʌ'ŋgʌ'ojmo.