San Lucas 3:13 - Zoque Copainalá New Testament

¹³ Y Jua'ŋis 'yaŋdzoŋyaju: Jujche'ŋmij 'yaŋgui'mʌtʌjtamu, te'še'ŋ wa'ctamʌ, uy wa'cniqui'mdame.

San Lucas 3:13 ပူးပေါင်းရင်းမြစ်များ

San Mateo 7:12

Te'šej jeque, jutz mis sundamba wa'y chʌquiaju pʌ'nis mijcotoyata'm, te'šej tzʌctaŋgue'ta mis, ñe'cʌcotoyata'm. Yʌ'šej chamba te' aŋgui'mgu'yis y te' tza'maŋwa'oyajpapʌ's.

San Lucas 19:8

Pijche'ca Zaqueo's tenayu'c ñʌjayu tʌ Ngomi: Señor, jujche'ŋ ijtu ʌs ndiyʌjanatiyʌ, cucwene ndzi'yajpa'ʌs pobreta'm. Juca aŋgoma'cʌwya'mʌs iwʌjutiwʌ tiyʌ'iwʌcʌsi, nyajwitu'pa'ʌs macšcu'y ñaca te'še'ŋ.

San Lucas 3:12

Y quiʌ'miñajque'tu Juan te' tze'coyajpapʌ's wa'y yajnʌ'yʌyatʌju y ñʌjayaju: Maestro, ¿tiya'ndʌs ndzʌcpa?

San Lucas 3:14

Y quiʌ'aŋwa'quiajque'tu soldado'sta'm y nʌmyaju: Y tʌs, ¿tiya'ndʌs ndzʌcpa? Y ñe'cʌ's 'yaŋdzoŋyaju: Uy nijuptame ya'iwʌ ni uy nisujtzʌ'oytyame, y tzocopyactamʌ ŋguioyowatʌjtambaše'ŋmij.

1 Corintios 6:10

ni te' nu'myajpapʌ's, ni te' quiʌñʌñbapʌ's itʌpa'tcuy, ni te' no'tyajpapʌ's, ni te' otowewʌ'ajpapʌ's, ni te' ninu'moyajpapʌ's ja'n maŋu pyʌjcʌchoŋyaju yajtiyʌ aŋgui'mbamʌy Dios.

Efesios 4:28

Juca nu'mbapʌ inʌc, u'ya ñu'mgue'tumaj, sino que yajyosa ñe' quiʌ'pit oyepʌ yoscu'yojmo wa'y ijtu tiyʌ wa'y chi'yaju te' quieñajpapʌ's toya.

Hebreos 12:1

Wʌwʌta'mbʌ pʌ'nis que'naŋgʌschi'ʌyajpatʌ ñe'ta'm wyʌ'aŋjamguy, te'cotoya ndzacta'mitʌy mumu ja'n 'yoyeta'mbʌ tiyʌ y tʌ ŋgowa yajwinducpapʌ'stʌ. Ngʌtzipitta'mitʌy pacienciapit nʌwa'ndʌ ndu'ŋajupʌ tiyʌ'ojmo,