San Lucas 3:11 - Zoque Copainalá New Testament

¹¹ Y 'yaŋdzoŋyaju Jua'ŋis: Iwʌ's ijtu metza yamwingʌšoj, yajtzi'ʌ tumʌc ja'ndipʌ'sñe', y iwʌ's ijtu quiu'tcuy, yajnʌwe'ngue'ta ja'ndipʌ'sñe'.

San Lucas 3:11 ပူးပေါင်းရင်းမြစ်များ

San Mateo 25:40

Y maŋba 'yaŋdzoŋyaju te' Re'yis: Wiyuŋše'ʌsmij ndzamjaytyamba te' ndo'ya'ŋʌyjaytyamu'cmis iwʌjutiwʌ ʌs cʌmaŋda'mbʌ atzita'm, misʌjte' ndo'ya'ŋʌytyamu.

San Lucas 11:41

Pero tzi'oquiu'yajtamʌ te' ndzocoy jujcha' limosna y pijche'ca mumutiyʌ cowaju mijcotoyata'm.

San Lucas 18:22

Y myatoŋu'ca Jesujsis yʌ'šej, ñʌjayu: Faltamaj tumʌpʌ tiyʌ. Ma ma'ʌpyʌ'ʌ ndiyʌta'm mis ijtu, y tzi'ya te' tumin te' yacsnuwijtyajpapʌ. Te'šej maŋbamij itʌpa'tu tzajpojmo. Y minʌ co'ŋa'ʌj.

San Lucas 19:8

Pijche'ca Zaqueo's tenayu'c ñʌjayu tʌ Ngomi: Señor, jujche'ŋ ijtu ʌs ndiyʌjanatiyʌ, cucwene ndzi'yajpa'ʌs pobreta'm. Juca aŋgoma'cʌwya'mʌs iwʌjutiwʌ tiyʌ'iwʌcʌsi, nyajwitu'pa'ʌs macšcu'y ñaca te'še'ŋ.

San Juan 13:29

Wenepʌn ŋguipsutʌs que ñʌjayu te'šej Jesujsis wa'ytye' maŋu jyuyu tiyʌ'iwʌ sʌŋgotoya, o wa'y maŋu chi'yaju tiyʌ'iwʌ pobreta'm. Te'šej tʌs ŋguipsu porque Judajsiste' inʌc quioquenba te' tumin-dzunu.

Hechos 10:2

Yʌ' pʌ'nis tumʌtzocoy inʌc wyʌ'aŋjamba y quiʌna'tzʌpya Dios fyamiliaji'ŋducu. Y šajpa inʌc yajya'moquiuy pʌ'nojmota'm y wyejwindzoŋjojcʌtʌcpa inʌc Dios.

Hechos 10:31

Y nʌjayu'ʌj: Cornelio, myatoŋwa' Diojsis que oto'ŋʌyumis, y ja'n jyambʌ'i jutz mis sajpa yajya'moquiuy pobre'ojmota'm.

Hechos 10:4

Y quiengʌpʌjcu ñe'cʌ's y na'tzinʌmu: ¿Tiya'a Señor? Y ñʌjayu: Myatoŋu Diojsis oto'ŋʌyu'cmis, y quienwa'a nʌmis saju'c yajya'moquiuy, y ñe'cʌ's ja'n jyambʌ'i.

Efesios 4:28

Juca nu'mbapʌ inʌc, u'ya ñu'mgue'tumaj, sino que yajyosa ñe' quiʌ'pit oyepʌ yoscu'yojmo wa'y ijtu tiyʌ wa'y chi'yaju te' quieñajpapʌ's toya.

1 Timoteo 6:17

Aŋgui'mya yʌ' najsacopajcʌsita'mbʌ rico uy myʌja'ŋdzʌquiaju wyin, uy quiojtyaju chocoy rico'ajcuquiʌsi, porque cʌtʌcpapʌ tiyʌte'. Yajcojtya chocoy te' quenbapʌ Dioscʌsi, te' tzi'tambapʌ'stʌ mumutiyʌ jana yaye wa'ytyʌ nʌ'omdamu.

1 Timoteo 6:18

Yajtzʌquia oyeta'mbʌ tiyʌ, y wa'y pajcupajcu'c quiotzo'ŋoyaju, wa'y wye'nbʌ'yaju y šajyaju tyiyʌta'm ijtyaju.

Hebreos 6:10

Porque Dios ja'n pʌnšej yatzitzocopyʌ wa'y jyambʌ'u jujche'ŋamis nyosjaytyamu ñe'cʌ porque sundambamis. Ja'n jyambʌ'i jujche'ŋamis ŋgotzoŋyaju wyʌ'aŋjamyajpapʌ's ñe'cʌ, y nʌmajmis ŋgotzoŋdamu.

Santiago 1:27

Juca iwʌ's sunba ñʌtu'ŋaju oye te' masanbʌ y wiyuŋšejpʌ cʌna'tzʌ'oquiuy tʌ Ndata Diojsis wyi'naŋdʌjqui, pyʌcpa wa'y quiotzoŋyaju yaŋbacta'm y se'aŋ-yomota'm nʌ quieñajupʌ's toya, y wa'y quioquenu wyin masanbʌnšej uy chʌquiaju jana wʌ'aŋja'moye's chʌquiajpašej.

Santiago 2:14

Atzita'm, juca iwʌ nʌmba que wʌ'aŋja'mopya y ja'n chʌqui oyeta'mbʌ tiyʌ, ja'n maŋu ñʌwʌ'aju yajtiyʌ. ¿Muspasʌ'ŋ quiotzojcu te'šejpʌ wyʌ'aŋjamgupyit?

1 Juan 3:17

Pero iwʌ's pya'tpatij jyamacʌtʌjcuy, y quienba 'yatzi nʌ quienupʌ's toya y ja'n quiotzowe tiyʌ'iwʌpit, ¿jutza yajquejpa juca ijtu ñe' choco'yojmo te' Diojsis šu'noquiuy?

1 Juan 4:20

Juca iwʌ nʌmba: Ʌs sunba'ʌs Dios. Y juca te'wʌ'stij qui'nispa 'yatzi, sutzpapʌte'. Porque iwʌ's ja'n šuni te' 'yatzi nʌ quienupʌ, ¿jutza' jeque muspa šunu Dios ja'n nʌ quienupʌ?