San Lucas 24:47 - Zoque Copainalá New Testament

⁴⁷ Y pyʌcpa wa'y chamgopuŋyaju ñe' ñʌquiʌsi wa'y quipswitu'yaju, y wa'y yajcotocoyjayatʌju Diojsis te' quiowa mumu pʌ'nista'mñe', y wa'y ñʌcʌtzo'chaju wa'y chamgopuŋyaju Jerusale'ŋojmo.

San Lucas 24:47 ပူးပေါင်းရင်းမြစ်များ

San Mateo 28:19

Te'cotoya maŋdamʌ, ma aŋmaytyamʌ mumu nacio'ŋojmota'mbʌ pʌn wa'yʌj co'ŋyaju jujcha' Maestro. Yajnʌ'yʌ'oytyamʌ te' Tata Diojsis ñʌquiʌsi, y ʌj, te' 'Yune's ñʌquiʌsi, y te' Espíritu Santo's ñʌquiʌsi.

San Mateo 3:2

Y nʌmba inʌc: Quipswitu'tamʌ, porque jʌ'nʌ'a maŋba 'yaŋgui'moyu te' tzajpojmopʌ Dios.

San Mateo 9:13

Ma aŋmaytyamʌ jutz sunba ñʌmu yʌ'šej: Sunba'ʌs wa'mij ñdyo'ya'ŋʌ'oytyamu, y ja'n copʌn-yajca'oquiupyʌ cʌna'tzʌ'oquiuy. Jaminʌ'ʌs me'cha justota'mbʌ sino que te' cowatzʌquita'mbʌ wa'y quipswitu'yaju.

San Lucas 13:34

Jerusaleŋ-bʌnda'm ñu'ŋʌytyamwa'mij wa'mis nyajca'tamu tza'maŋwa'oyeta'm. Y ndʌŋga'tambamis tza'pit Diojsismij ŋguiʌ'wejaytyambapʌ pʌnda'm. Sone naca'mʌsmij sunu nyajtu'mʌytyamu jujcha' te' cajši's yajtu'mʌpya te' 'yune ša'acʌ'mʌ, y jašundamʌmis.

Hechos 10:43

Yʌ' Jesuste' inʌc chamyajpa mumu tza'maŋwa'opyapʌ's yʌ'šej: Mumu jujche'ŋ wyʌ'aŋjambapʌ's ñe'cʌ, maŋba quiotocoyaju quiowa ñe' ñʌquiʌsi.

Hechos 11:18

Y myatoŋyaju'ca yʌ'šejta'mbʌ tiyʌ numumgʌñe'quiaju. Y myʌja'ŋwʌcotzamyaju Dios, y nʌmyaju: Entonces te'šejtij yajquipswitu'yajque'tu Diojsis te' gentilta'm wa'y chi'yajque'tu quenguy.

Hechos 13:46

Pijche'ca jana na'chcuy nʌmyaju te' Pablo y te' Bernabé: Wiyuŋšej pyʌcpapʌte' inʌc wa'ytyʌsmij mijta'm wina ndzamgopuŋjaytyamu te' Diojsis chame. Pero como ja'nmis suni mbʌjcʌchoŋdamu y como ŋgomʌ'ytyambamis que ja'nmis merecetzʌctame wa'mis mbʌjcʌchoŋdamu te' ja'n yayepʌ quenguy, yʌtij ŋgʌ'maŋyajpatʌs gentilta'm.

Hechos 2:38

Y Pedro's ñʌjayaju: Quipswitu'tamʌ, y nʌ'yʌytyamʌ tumduma'ŋbʌn Jesucristo's ñʌquiʌsi, wa'y quiotocoytyamu mis ŋgowa. Y Diojsismij maŋba ñchi'tamu te' Espíritu Santo.

Hechos 20:21

Ndzamjo'yjayaju'ʌs judiota'm y gentilta'm wa'y quipswitu'yaju Diojsis wyi'naŋdʌjqui y wa'y wyʌ'aŋjamyaju Ngomi Jesucristo.

Hechos 26:18

Myaŋbamij teymʌ wa'mis nyajsʌ'ŋjayaju wyitʌm, wa'y chaquiaju pi'tza'ŋajcʌ' y wa'y quieñaju sʌ'ŋgʌ', wa'y chacjayaju Satanajsis 'yaŋgui'mʌtʌjcuy y wa'y mye'chaju Dios. Te'šej wa'yʌs nyajcotocoyjayaju quiowa y wa'y pyʌjcʌchoŋyaju pyarte te' masa'najyajupʌji'ŋ jujche'ŋʌj wʌ'aŋjamyajpapʌ's.

Hechos 26:20

Wina'ʌs ndzamgopuŋgʌ'yjayaju Damasco'ojmota'mbʌ, pijche'ca Jerusale'ŋojmota'mbʌ y mumu Judea-najsojmota'mbʌ, y genti'lojmota'mbʌ. Ndzamgopuŋu'ʌs wa'y quipswitu'yaju y quiʌna'tzʌyaju Dios, y wa'y chʌquiaju pyʌcpašej wa'y chʌjcu te' quipswitu'yajupʌ's.

Hechos 28:28

Yʌtij jeque, mustamʌ que Diojsis nʌ quiʌ'weju ñe' quiotzojcoquiuy gentilcotoya y ñe'cʌ'sta'm maŋba myatoŋyaju.

Hechos 3:19

Te'cotoya, quipswitu'tamʌ y tzi'tamʌ ndzocoy Dios wa'y quiotocoyu mista'm ŋgowa. Tey jʌ'ʌ, nimeque'ctijmij maŋba ñchi'tamu tʌ Ngomi's te' sʌ'mnayupʌ itcuy, nu'cu'ca aŋsʌŋ.

Hechos 4:12

Y eyawʌ's ja'ndʌ musi yajcotzojcu, porque na' ñe' ñʌquiʌsi cotzoquiajpa najsacopajcʌsita'mbʌ pʌn.

Hechos 5:31

Y yʌ'wʌ yajmʌja'ŋaju Diojsis ñe' chʌ'na'ŋojmo y quiojtu jujcha' Rey y Yajcotzojcopyapʌ wa'y yajquipswitu'u te' Israel-pʌnda'm y wa'y yajcotocoyjayu ñe'cʌ's te' quiowa.

Romanos 5:20

Tʌjcʌyu te' aŋgui'mguy wa'y quieju que wʌwa'u te' cowa. Pero wʌwa'u'cande' te' cowa, más wʌwa'u te' yajya'moquiuy.

Efesios 1:6

Te'cotoya wʌcotzamda'mitʌy Dios porque sa'sapʌte' te' ñe' yajya'moquiuy. Jenetʌ yajyamdamba jeque porque ñe' šunbapʌ 'Yune'stʌ yajcotzojcu.

Efesios 3:8

Ñempe'ʌj más cʌmaŋ que ja'nde' te' más cʌmaŋda'mbʌ masanbʌn, pero Diojsisʌj tzi'u yʌ' yajya'moquiuy wa'yʌsmij ndzamgopuŋjaytyamu yʌ' evangelio mijta'm, gentil-pʌn. Tzi'u'ʌj jeque wa'yʌsmij ndzamjaytyamu jutzte' mʌja'ŋ te' Cristo's yajya'moquiuy mijcotoyata'm.

Colosenses 1:27

Porque Diojsis nʌ inʌc jyo'cu hasta yʌtij wa'mij nyajquendamu mij, te' gentilta'm, te' oyepʌ y mʌja'ŋbʌ myujsoquiuy jayajqueyapʌ wina. Yʌ'šejte': Itjojcʌtʌcpa Cristo mista'm ndzoco'yojmo y ñe'cʌpit njo'ctambamis mʌja'ŋda'mbʌ tiyʌ minbapʌ aŋsʌ'ŋojmo.

1 Juan 2:12

Nʌ'ʌsmij njayjaytyamu tʌwʌy, porque Diojsis yajcotocoyjaytyamwa'a mista'm ŋgowa tʌ Ngomi Jesucristo's ñʌquiʌsi.