San Lucas 24:44 - Zoque Copainalá New Testament

⁴⁴ Y ñʌjayaju: Yʌ'šejta'mbʌ tiyʌ'ʌsmij ndzamjaytyamu nʌma'ʌj nwijtu'c miji'ŋda'm: Ijtupʌte' pyena wa'y tyujcu mumutiyʌ tzambamʌ'yʌj te' Totojaye's, te' Moisejsis 'yaŋgui'mguy-libro'ojmo, y tza'maŋwa'oye's tyoto'ojmo y Salmo-libro'ojmo.

San Lucas 24:44 ပူးပေါင်းရင်းမြစ်များ

San Mateo 1:22

Cʌtʌjcu yʌ'šejta'mbʌ tiyʌ wa'y tyujcu chamušej tʌ Ngomi Diojsis te' tza'maŋwa'oyepit, nʌmu'c:

San Mateo 16:21

Pijche'ctʌj tza'maŋwajcʌ'yjayu Jesujsis, tʌj te' quiʌ'aŋmayeta'm. Nʌjayutʌj que ijtu inʌc pyena wa'y myaŋu Jerusale'ŋojmo wa'y maŋu yajtoyapʌquiaju te' tzamupʌndʌcwa'yista'm y te' sacerdote-cowi'na'sta'm y te' aŋgui'mguy-tyayu'sta'm. Pyʌcpa inʌc wa'y yajca'yaju y wa'y wyinsa'u tuca'y jamacʌsi.

San Mateo 26:54

Juca yʌ'še'ʌs nwa'cpa, ¿jutza' inʌc maŋba tyujcu te' chambašej te' Totojaye's que te'šejte' pyʌcpa wa'y tyujcu?

San Mateo 26:56

Pero mumu yʌ'wʌ nʌ quiʌtʌjcu wa'ytye' tyujcu chambašej Totojaye's, ja'yʌyajušej te' tza'maŋwa'oye'sta'm. Pijche'ctij jujche'ŋdʌj ñe' quiʌ'aŋmaye, ndzajcutʌs ñaytyumʌ Jesús, y poyutʌj.

San Marcos 9:31

porque nʌte' inʌc 'yaŋmayaju te' quiʌ'aŋmayeta'm. Y ñʌjayajpa inʌc: Ʌj, te' Pʌ'nis 'Yune, maŋba'ʌj tzi'oquiu'yajyaju pʌ'nista'm quiʌ'ojmo, y maŋba'ʌj yajca'yaju. Y yajca'yaju'camʌj, maŋba'ʌj nwinsa'u tuca'y jamacʌsi.

San Lucas 21:22

Porque ta'nu'cande' jama wa'y quio'aŋgʌyu, wa'y tyujcu mumu te' ja'yʌyušej.

San Lucas 22:37

Porque ʌsmij nʌjaytyamba que ijtupʌte' pyena wa'y tyujcumaj ʌjcʌsi te' ja'yʌyušej: Yatzita'mbʌji'ŋ ñʌcma'yʌyaju, porque ja'yʌyajuše'ʌj, maŋbapʌte' tyujcu.

San Lucas 24:46

Y Jesujsis ñʌjayaju: Te'šejte' ja'yʌyu: Y te'šejte' inʌc pyʌcpa wa'y tyoyapʌjcu inʌc te' Cristo, y tuca'y jamacʌsi wa'y wyinsa'u ca'yajupʌ'ojmoc.

San Lucas 9:22

Y ñʌjayajque'tu: Ijtupʌte' pyena wa'yʌj ʌj, te' Pʌ'nis 'Yune, ndoyapʌjcu soneta'mbʌ tiyʌcʌsi. Ja'nʌj maŋu pʌjcʌchoŋyaju te' tzamupʌndʌcwa'yis ni te' sacerdote-cowi'na'sta'm ni te' aŋgui'mguy-tyayu'sta'm. Ijtupʌte' pyena wa'yʌj yajca'yaju pʌ'nista'm y wa'yʌj nwinsa'u tuca'y jamacʌsi.

San Lucas 9:44

Matoŋdamʌ oye'c, y umis njambʌ'tamu te' nʌ'ʌsmij ndzamupʌ tiyʌ: Maŋba'ʌj tzi'oquiu'yajyaju ʌj, te' Pʌ'nis 'Yune, pʌ'nista'm quiʌ'ojmo.

San Juan 3:14

Jujcha' Moisejsis yajqui'mu te' tzandzʌqui cuquiʌsi ja'itʌnʌmʌmʌy, te'šejte' pyʌcpa ʌj, te' Pʌ'nis 'Yune, wa'yʌj yajqui'myaju cruzcʌsi,

San Juan 5:39

Ndacsoctu'ndambamis te' Totojayeta'm porque nwʌ'aŋjamdambamis que te'wʌcʌsi mba'ttambamis te' ja'n yayepʌ quenguy. Te'wʌ'sʌjte' cotestigosajyajpa ʌj,

San Juan 5:46

Juca inʌc mis nwʌ'aŋjamdamba Moisés, nwʌ'aŋjamdaŋgue'tpamisʌj inʌc ʌj, porque ʌjte' ja'yʌyu ñe'cʌ's.

Hechos 13:33

Y te'wʌte' chʌcta'nwa'a Diojsis tʌ ndata'sta'm 'yunecotoya yajwinsa'u'c te' Jesús. Y tʌta'm ñe'ta'mdʌyʌ' 'yune. Yʌ'šej ñʌjayu Diojsis te' Jesús myetzo'mopʌ salmo'ojmo: Mijte' ʌs une, ʌjte' mis ndataj.

Hechos 13:40

Coquendamʌ jeque cuenta umij ŋguiʌtʌcjaytyamu chamnitzaquiajušej tza'maŋwa'oye'sta'm, nʌmyaju'c:

Hechos 2:27

Ja'nmis maŋu ndzacjayu ʌs ŋguenguy ijtyajumʌy ca'yajupʌ. Ni ja'nmis maŋu ndzajcu mis Masanbʌ wa'y pyutzpʌ'u.

Hechos 3:18

Pero te'šej chʌcwa'a Diojsis chamušej wina te' cha'maŋwa'oye'sta'm 'yaŋnacapit que maŋba inʌc tyoyapʌjcu te' Cristo.

Hechos 7:37

Yʌ'wʌte' te' Moisés ñʌjayajupʌ's te' Israel-pʌnda'm: Mis ndʌwʌ'ojmocta'm maŋba yajtzu'cumu tʌ Ngomi Diojsis tza'maŋwa'opyawʌ mijcotoyata'm jujcha' ʌj. Ñe'cʌ mis maŋba ŋgʌmato'ŋʌytyamu.

Hebreos 10:1

Ʌwyo'mošejtijte' yajnʌctʌ'yoyu te'šejta'mbʌ aŋgui'mgu'yis te' maŋba inʌc miñajupʌ tiyʌ oyeta'mbʌ tʌcotoyata'm. Y ja'ndʌ inʌc yajnʌctʌ'i te' wiyuŋšejta'mbʌ tiyʌ. Te'cotoya te' aŋgui'mgu'yis ja'n inʌc musi yajcota'nu te' quiʌna'tzʌyjojcʌtʌquiajpapʌ's inʌc Dios tumdumʌ ame copʌn-yajca'oquiupyit.

Hebreos 3:5

Wiyuŋšej Moisés, jujcha' coyosa, myato'ŋoyjayu Dios mumutiyʌcʌsi yojsu'c te' Diojsis pyʌ'nojmota'm. Chamjayaju tiyʌta'm inʌc maŋba chamu Diojsis.

Hebreos 7:1

Yʌ' Melquisedec Salem-gumgu'yojmopʌ reytye', y tzajpojmo ijtupʌ mʌja'ŋbʌ Diojsis šacerdotete'. Te'wʌ tiju choŋu Abrahán nʌ'c wyitu'u tijumʌy wyʌyaju reytya'm quipcu'yojmo, y ñicomasa'nʌyu te' Abrahán.

Hebreos 9:8

Yʌ'wʌcʌsitʌ yajnʌctʌ'ytyamba te' Espíritu Santo's que ja'n inʌc musi ñempe'iwʌ tyʌjcʌyu te' Más Masanbʌ Luga'rojmo nʌmaj yojsu'c te' winbʌ Masanbʌ Lugar.

1 Pedro 1:11

Te' Cristo's 'Yespiritu te' ijtupʌ inʌc tza'maŋwa'oye'sta'm choco'yojmo, te'wʌ's cha'maŋwajpa inʌc jutz inʌc maŋba tyoyapʌjcu te' Cristo, y jutz Diojsis maŋba inʌc yajmʌja'ŋaju Cristo toyapʌjcu'ca. Y te' tza'maŋwa'oye'sta'm chʌcme'chaju wa'y ñʌctʌ'yaju iwʌte' chamba te' Cristo's 'Yespiritu's y tiyʌ jama maŋba inʌc tyujcu te'šejta'mbʌ tiyʌ.

El Apocalipsis 19:10

Y mucscʌne'cu'ʌj te' angelejsis ñe'ŋbajcʌ'y wa'yʌs ŋgʌna'tzʌyu. Y ñe'cʌ's nʌjayu'ʌj: Uy mucsnay ʌs nwi'naŋdʌjqui. Coyosati'ʌjyʌ'que' pʌnšej, jujcha' mij y mis atzita'm, te' quiotestigosajyajpapʌ's Jesucristo. Mucsnayja, pero Dios. Porque ŋgotestigosajpa'ctʌ Jesús, pyʌcpa wa'ytyʌ ndumʌquipsoyu quipsoyajušej Diojsis cha'maŋwa'oye.