San Lucas 24:30 - Zoque Copainalá New Testament

³⁰ Yʌ'šej tujcu: Te'ya' pocsu'c ñe'cʌji'ŋda'm mesa'ojmo, pyʌjcu te' pan y ñicomasa'nʌyu. Wyenu y chi'yaju.

San Lucas 24:30 ပူးပေါင်းရင်းမြစ်များ

San Mateo 14:19

Y 'yaŋgui'myaju Jesujsis te' pʌnda'm wa'y pyocsquequiaju te' pe'chmu'cʌsi. Pyʌjcu'ca te' mosa'pyʌ pan y te' metzawʌ coquej, quengui'mu tzajpojmo y ñicomasa'nʌyu. Pijche'c wyenu te' pan, y tzi'utʌj, tʌj te' quiʌ'aŋmayeta'm. Tʌsa maŋutʌs sajne'ŋbʌ'u te' pʌ'nojmota'm.

San Mateo 15:36

Y pyʌjcu te' cu'ya'pyʌ pan y te' nama coquejta'm y ñʌjayu Dios yʌscotoya. Y wyenbʌ'u, y tzi'utʌj, tʌj te' quiʌ'aŋmayeta'm, y maŋutʌs sajne'ŋbʌ'u te' wʌwʌpʌ pʌ'nojmota'm.

San Mateo 26:26

Y te'yandʌj nʌ ŋgu'tu'c, pyʌjcu Jesujsis te' pan y ñicomasa'nʌyu, y wyenu y tzi'utʌj, tʌj te' quiʌ'aŋmaye, y nʌmu: Pʌctamʌ y wi'ctamʌ, yʌ'wʌ ʌsyʌ' ŋgüerpo.

San Marcos 14:22

Y te'ya nʌ quiu'tyaju'c, pyʌjcu Jesujsis te' pan y ñicomasa'nʌyu, y wyenu y chi'yaju, y nʌmu: Pʌctamʌ, yʌ'wʌ ʌsyʌ' ŋgüerpo.

San Marcos 6:41

Y pyʌjcu Jesujsis te' mosa'pyʌ pan y te' metzapʌ coquej, quengui'mu tzajpojmo y ñicomasa'nʌyu. Wyenu te' pan y chi'yaju te' quiʌ'aŋmayeta'm wa'y maŋu šajne'ŋbʌ'yaju te' pʌ'nojmo. Y te' metzapʌ coquej wye'nbʌ'que'tu mumucotoyata'm.

San Marcos 8:6

Pijche'ca Jesujsis 'yaŋgui'myaju te' wʌwʌta'mbʌ pʌn wa'y pyocsquecpʌ'yaju te' nascʌsi. Pyʌjcu te' cu'ya'pyʌ pan y ñʌjayu Dios yʌscotoya. Pijche'ca wyenbʌ'u y chi'yaju te' quiʌ'aŋmayeta'm wa'y šajne'ŋbʌ'yaju. Y maŋu šajne'ŋbʌ'yaju te' pʌ'nojmo.

San Lucas 22:19

Pyʌjcu Jesujsis te' pan y ñʌjayu Dios yʌscotoya. Wyenu y chi'yaju y nʌmu: Yʌ'wʌte' ʌs ŋgüerpo maŋbapʌ'ʌs ndzi'oquia'u mijcotoyata'm. Tzʌctamʌ yʌ'šej wa'misʌj njamwʌtzʌctamu.

San Lucas 24:29

Pero ñe'cʌ'sta'm chi'yaju pena wa'y chʌ'yu, y ñʌjayaju: Tzʌ'yʌ tʌji'ŋ porque tza'ʌpya'yʌ', y nʌwa' tyʌ'pu jama. Y tʌjcʌyu wa'y chʌ'yu ñe'cʌji'ŋda'm.

San Lucas 24:35

Pijche'ca yʌ' metzata'mbʌ's chamgʌ'yaju jutz quiʌtʌcjayaju tu'ŋojmo, y jutz ispʌquiaju Jesús nʌ'c wyenu te' pan.

San Lucas 9:16

Y pyʌjcu Jesujsis te' mosa'pyʌ pan y te' metzapʌ coquej, quengui'mu tzajpojmo y ñicomasa'nʌyu y wyenu y chi'yaju te' quiʌ'aŋmaye wa'y šajne'ŋbʌ'yaju te' pʌ'nojmo.

San Juan 6:11

Pijche'c pyʌjcu Jesujsis te' pan y ñʌjayu Dios yʌscotoya. Pijche'ca we'nbʌ'jayutʌj jujche'ŋdʌj quiʌ'aŋmaye, y tʌsa maŋutʌs sajne'ŋbʌ'u mumu te' pocšajupʌ'ojmo. Y sajque'tutʌs te' coquej, y cu'tyaju šuñajuše'ŋ.

Hechos 2:42

Y quio'ŋjojcʌtʌquiaju te' cʌ'we'is 'yaŋma'yoquiuy, y našuñatʌju ñe'co'mo. Tumo'oyjtya'm inʌc chima y 'yawa' y quiomicu'tcuy, y 'yoto'ŋʌyjojcʌtʌquiajpa inʌc Dios.

Hechos 2:46

Tumdumʌ jama inʌc itjojcʌtʌquiajpa myuma'ŋgʌ'y te' templo'ojmo. Y tumʌ'ajcu'yoyj inʌc wye'nbʌ'yajpa te' pan tumdumʌpʌ tʌjcojmo. Y myuma'ŋgʌ'y inʌc cu'tyajpa pumñayu'c y sʌ'mnayupʌ chocopyit.

Hechos 27:35

Y yʌ'še'a nʌmu'c, pyʌjcu te' pan, y ñʌjayu Dios yʌscotoya mumu pʌ'nista'm wyi'naŋdʌjqui, y wye'nbʌ'u'ca cu'tcʌ'yu.