San Lucas 23:34 - Zoque Copainalá New Testament

³⁴ Y Jesús nʌmba inʌc: Tatay, yajcotocoya, porque ja'n myujšay tiyʌte' nʌ chʌquiaju. Y quiosijayaju te' pyama wa'y wye'nbʌ'yaju ñe'co'mota'm.

San Lucas 23:34 ပူးပေါင်းရင်းမြစ်များ

San Mateo 11:25

Te' aŋsʌ'ŋoyjtyijque' 'yoto'ŋʌyu Jesujsis te' Dios, y nʌmu: Tatay, tzajpis y najsacopajquis Quiomi, mʌja'ŋwʌcotzamba'ʌsmij porque ŋgʌwʌ'numis yʌ'šejta'mbʌ tiyʌ wa'y jana ñʌctʌ'yaju te' mujsoye's y nʌctʌ'yoye's, y nyajnʌctʌ'yajumis te' ja'n myujsoyapyʌ.

San Mateo 11:26

Te'šej jeque oye Tatay, porque te'šej mis nwʌcomʌ'yu wa'mis ndzʌjcu.

San Mateo 5:44

Pero ʌsmij nʌjaytyamba: Sundamʌ te' ŋgui'nišajpapʌ'smij, y oyecotzamdamʌ te' nyatzicotzamyajpapʌ'smij. Tzʌcjaytyamʌ bien te' ŋgui'nišajpapʌ'smij. Iwʌ'smij ñisujtzʌyajpa y nyacsnutzʌquiajpa, wa'coyjaytyamʌ Dioscʌsi ñe'cʌcotoyata'm.

San Marcos 15:24

Y soldado'sta'm mya'mʌyaju Jesús cruzcʌsi. Pijche'ca quiosijayaju te' pyama wa'y quieñaju jutiwʌ inʌc ma pyʌjcu tumduma'ŋbʌ'nis, y te'šej wye'nbʌ'yaju ñe'co'mota'm.

San Lucas 22:42

Nʌmu: Tatay, yʌ' toya maŋbapʌ'ʌs nʌcʌtʌjcupʌ, juca sunbamis wa'yʌs jana nʌcʌtʌjcu, yajʌcʌ'ja. Pero uy tzʌqui ʌs sunbašej, sino que mis sunbašej.

San Juan 17:9

Ʌj nʌ'ʌj nwa'coyu ñe'cʌcotoyata'm. Ja'ʌs nwa'coyjayay te' ja'nʌj wʌ'aŋjamyapyʌcotoya, sino que nʌ'ʌj nwa'coyu te' misʌj ndzi'yajupʌcotoya porque miste'ne'ta'm.

San Juan 19:11

Aŋdzoŋu Jesús: Nijutzpʌ aŋgui'mʌtʌjcuy mis inʌc jañʌ'itʌ ʌjcʌsi, juca inʌcmij jañchi'ʌ tzajpojmopʌ Diojsis. Te'cotoya te' tzi'oquia'upʌ'sʌj mijcʌsi más ijtu quiowa que ja'n mij.

Hechos 16:28

Pero weju'c ñʌjayu Pablo's: Uy tzʌcjay toya nwin, yʌytyij tʌ itpʌ'u.

Hechos 3:17

Tʌwʌta'm, muspa'ʌs que como ja'nmis inʌc nʌctʌ'ytyame, te'cotoya nyajca'tamumis te' Jesús, mista'm y mista'm ŋgowi'na's.

Hechos 7:60

Y cutcʌne'cu y wejqui'mu'c nʌmu: Tatay, uy mayjayay yʌ' quiowa. Te'še'a nʌmu'c, ca'u.

Romanos 12:14

Wʌcotzamdamʌ te' nyacsnutzʌctambapʌ'smij. Wʌcotzamdamʌ y uy yatzicotzamyay.

1 Corintios 2:8

Nijutipʌ najsacopac aŋgui'moye's jañʌctʌ'ya. Juca inʌc ñʌctʌ'yaju, jamya'mya inʌc te' cruzcʌsi tʌ mʌja'ŋbʌ Comi.

1 Corintios 4:12

Ngʌ'pittʌj yospa ne'cʌ. Yatzicotzamyajpatʌj y tʌs oyecotzamyajpatʌs. Yacsnutzʌquiajpatʌj y mbʌ'mgopajcʌpyatʌs.

1 Timoteo 1:13

Tzi'u'ʌj yʌ' yoscuy, ñempe wina otowewʌ'ajapya'ʌs inʌc Dios, y yacsnutzʌjcopya inʌjcʌj, y winʌcnʌ'mnʌ'mwʌ'opya inʌjcʌj. Pero to'ya'ŋʌyu'ʌj Diojsis porque ndzʌjcu'cʌs te'šej, ja'nma'ʌste' inʌc mujsi'c te' evangelio, ni janwʌ'aŋjamʌ'cma'ʌste'.

1 Pedro 3:9

Juca iwʌ'smij nyajquendamba toya, uy toya yajwitu'tame, y juca iwʌ'smij nyatzicotzamdamba, uy yatzipʌ tzame yajwitu'tame. Oyecotzamya te'šejta'mbʌ porque mustambamis que Diojsismij nwyejtamu wa'mis mbʌjcʌchoŋjaytyamu ñe' ñicomasa'nʌ'oquiuy.