San Lucas 22:57 - Zoque Copainalá New Testament

⁵⁷ Pijche'ca Pedro nʌmu: Ja'ne, yomo, ja'ʌs ŋgo'ispʌqui.

San Lucas 22:57 ပူးပေါင်းရင်းမြစ်များ

San Mateo 10:33

Y iwʌ'sʌj ja'n cowʌ'aŋjame pʌ'nista'm wyi'naŋdʌjqui, te'šejti'ʌs ja'n maŋu ŋgowʌ'aŋjamu te' tzajpojmo ijtupʌ ʌs Ndata's wyi'naŋdʌjqui.

San Mateo 26:70

Pero Pedro nʌmu mumu pʌ'nis wyi'naŋdʌjqui: Ja'ʌs ŋgo'ispʌqui. Ja'ʌs musi tiyʌ miste' nʌ ndzamu.

San Lucas 12:9

Pero iwʌ'sʌj ja'n cowʌ'aŋjame ʌj pʌ'nista'm wyi'naŋdʌjqui, te'šejtijque' ʌs ja'nʌs maŋu ŋgowʌ'aŋjamu te'wʌ Diojsis 'yangelejsis wyi'naŋdʌjqui.

San Lucas 22:56

Quienu'ctij tumʌ coyomo's que tey inʌc pocsu Pedro jucʌtʌjcaŋi, quiengʌpʌjcu y nʌmu: Y yʌ'wʌ ñe'cʌji'ŋyʌ' inʌc nʌ wyijtu.

San Lucas 22:58

Y jʌsa'ca quiengue'tu eyapʌ's y ñʌjayu: Y mijte' ñe'ta'm tyʌwʌ. Y Pedro's ñʌjayu te' pʌn: Ja'nʌjyʌ'pit.

San Juan 18:25

Tepyʌ aŋgo'oyj jequete' inʌc tenayu Pedro nʌ šamumʌy. Y ñʌjayaju: ¿Y mij, ja'njamijyʌ' ñe' quiʌ'aŋmaye? Y nʌmu Pedro: Ja'nʌjyʌ'pit.

San Juan 18:27

Y nʌmwʌtzʌjque'tu Pedro: Ja'ne. Pijche'ctij weju te' gallo.

Hechos 3:19

Te'cotoya, quipswitu'tamʌ y tzi'tamʌ ndzocoy Dios wa'y quiotocoyu mista'm ŋgowa. Tey jʌ'ʌ, nimeque'ctijmij maŋba ñchi'tamu tʌ Ngomi's te' sʌ'mnayupʌ itcuy, nu'cu'ca aŋsʌŋ.

1 Juan 1:9

Juca ŋgowʌ'aŋjamdambatʌ tʌta'm ŋgowa Dioscʌsi, ñe'cʌ justopʌte' y nijamdambatʌ que maŋba yajcotocoyjayu tʌta'm ŋgowa, y yajcowajayu mumu tʌta'm nyacha'cuy.