San Lucas 22:32 - Zoque Copainalá New Testament

³² Pero ʌs oto'ŋʌwya'mʌs te' Dios mijcotoya uy myocha'u mis nwʌ'aŋja'moquiuy. Y mij, mbyaquipʌjcu'camij ndzoco'yojmo, paquitzi'ya mis atzita'm.

San Lucas 22:32 ပူးပေါင်းရင်းမြစ်များ

San Mateo 18:3

y nʌmu: Wiyuŋše'ʌsmij ndzamjaytyamba: Pyʌcpa wa'y quiacpʌ'u mista'm ŋguipsoquiuy. Juca ja'ne, ja'nmij maŋu ñdyʌjcʌytyamu aŋgui'mbamʌy te' tzajpojmo ijtupʌ Dios.

San Mateo 26:75

Y jyamwʌtzʌcjayu Pedro's te' Jesujsis chame, te' ñʌjayu'c: Antes que wejpa te' gallo, maŋbamij ñʌmu tuca'y ñaca que ja'nmisʌj ŋgo'ispʌqui. Y ca'ŋbujtu Pedro fuera'ojmo, y sininba jʌyu.

San Marcos 14:72

Pijche'ctij weju te' gallo myetza naco'oyj. Y jyamwʌtzʌcjayu Pedro's te' Jesujsis chame, te' ñʌjayu'c: Antes que wejpa te' gallo myetza naco'oyj, maŋbamij ñʌmu tuca'y ñaca que ja'nmisʌj ŋgo'ispʌqui. Y quipsoyu yʌ'šejta'mbʌ tiyʌcʌsi, y jʌyu.

San Marcos 16:7

Pero maŋdamʌ, ma tzamjaytyamʌ te' quiʌ'aŋmayeta'm y nimeque te' Pedro, que ñe'cʌ'smij maŋba nwyi'najaytyamu te' Galilea-najsojmo. Y teymʌmis maŋba ŋguendamu ñchamjaytyamušejmij.

San Lucas 8:13

Y te' tʌmbu cuñajupʌ tza'cotʌjcojmo, yʌ'wʌte' te' pʌnda'm myatoŋyajupʌ's y oma'oma pyʌjcʌchoŋyajupʌ's te' tzame. Pero te' choco'yojmota'm ja'n wyatzipʌqui te' tzame, uša'ŋ horacotoyatij wyʌ'aŋjamyajpa, y minba 'yoc'išatʌju, chaquiajpa te' tzame.

San Juan 14:19

Uša'ŋ horacʌsi ja'nʌj wʌ'aŋjamyapyʌ's ja'namʌj queñajque'temaj, pero mis maŋbamisʌj ŋguenwʌtzʌctamu. Porque ijtu ʌs ŋguenguy ʌsne', te'šejtijque' mista'mne' maŋba itque'tu mista'm ŋguenguy.

Hechos 3:19

Te'cotoya, quipswitu'tamʌ y tzi'tamʌ ndzocoy Dios wa'y quiotocoyu mista'm ŋgowa. Tey jʌ'ʌ, nimeque'ctijmij maŋba ñchi'tamu tʌ Ngomi's te' sʌ'mnayupʌ itcuy, nu'cu'ca aŋsʌŋ.

Romanos 8:32

Te' jatyo'ya'ŋʌpʌ's ni te' ñe' 'Yune, sino que chi'oquia'u mumu tʌcotoyata'm, ¿ja'nsʌ'ŋdʌ tzi'taŋgue'te ñe'cʌji'ŋ mumutiyʌ? Tzi'wa'ndʌ.

Romanos 8:34

¿Iwʌ'sasʌ'ŋdʌ yajnʌco'aŋgʌpya tiyʌ'iwʌ? Cristo Jesús te' ca'u, y te'wʌtijque' te' winsa'que'tupʌ. Y yʌtij Diojsis chʌ'na'ŋojmo ijtu, y te'wʌ'stʌte' tzamdʌjcʌytyamba.

2 Timoteo 2:18

Te'ta'mbʌ's chaquiaju te' wiyuŋšejpʌ Tuŋ, y nʌmyajpa que te' winsa'cuy cʌtʌjcuwa'nde', y chʌcjopi'tjayajpa wyʌ'aŋjamguy iwʌjutiwʌ'sta'mñe'.

Tito 1:1

Ʌjte' te' Pablo, Diojsisʌjyʌ' quioyosa, y Jesucristo'sʌjyʌ' quiʌ'wej, wa'yʌs ŋgotzoŋu te' Diojsis quiopiwita'm wa'y tumʌtzocoy wyʌ'aŋja'moyaju. Te'šejtijque' wa'y myujšaju te' wiyuŋbʌ tiyʌ Dios-cʌna'tzʌ'oquiupyit.

Hebreos 12:15

Coquendamʌ cuenta oye'c uy ya'iwʌ's myatzwindujcu Diojsistʌ sunba tzi'upʌ yajya'moquiuy wa'ytyʌ cotzoŋu. Juca te'šej chʌcpa nʌte' tyaca'yaju chocoy, y te' tacapyʌ tzocopyit maŋba yajtaca'yaju eyata'mbʌ's chocoy.

Hebreos 7:25

Te'cotoya ñe'cʌ's muspa yajcotzojcoctuquiaju iwʌ'sta'mis quiʌnu'cʌyajpa Dios ñe'cʌpit. Y como ñe'cʌ ja'n quia'e tzamdʌjcʌyjojcʌtʌctambatʌ.

1 Pedro 1:1

Ʌjte' te' Pedro, Jesucristo's quiʌ'wej. Atzita'm, nʌ'ʌsmij njayjaytyamu mijta'm te' myacpujtyatʌjupʌ tʌta'm najsojmoc, y yʌtij puŋditnayajupʌ Ponto'ojmo, Galacia'ojmo, Capadocia'ojmo, Asia'ojmo y Bitinia-najsojmota'mbʌ.

1 Pedro 1:13

Te'cotoya paquic ittamʌ nʌctʌ'yoquiu'yojmo y aŋgui'mdamʌ ne' nwin, y tumʌtzocoy nite'tzʌytyamʌ Dios te' maŋbapʌ'smij ñchi'tamu ñe' yajya'moquiuy maŋba'camis ŋguendamu Jesucristo.

1 Pedro 1:5

Nʌmis nwʌ'aŋjamdamu'ŋmʌjcʌ Dios, ñe'cʌ'smij nʌ ŋguiopʌ'ctamu y ŋguiotu'stamu hasta ŋguiotzojcoctuctamu te' ultimota'mbʌ jamo'oyj. Jʌ'ʌ, pijche'cpʌ jamo'oyj, quipsušej Diojsis, maŋba yajqueju jutzte' mʌja'ŋbʌ tiyʌ tʌta'm ŋgotzojcuy.

2 Pedro 3:14

Te'cotoya, tʌwʌy, como nʌmis njo'ctamu yʌ'šejta'mbʌ tiyʌ, tzʌcme'tztamʌ oye'c wa'mij sʌ'mnayu'c ittamu Diosji'ŋ, y 'yaŋguejtamba'camij ñe' wyi'naŋdʌjqui wa'mij cowajuwʌ y cowatacapʌ ñu'ctamu.

1 Juan 2:19

Yʌ'ta'mbʌ tʌste' ndu'mʌquiu'yojmoc tzu'cumyaju pero ja'nde' wiyuŋšejta'mbʌ wʌ'aŋja'moye. Juca inʌc tumo'oyj wʌ'aŋja'moyajpa tʌji'ŋ, tzʌ'yjojcʌtʌquiaju inʌc tʌji'ŋ. Pero tzu'cumyaju wa'y quieju que ja'n mumu wyʌ'aŋja'moyay jujcha' tʌta'm.