San Lucas 22:30 - Zoque Copainalá New Testament

³⁰ Y maŋbamij mbyocspactamu aŋgui'mʌtʌjcuy-pyocscu'yojmota'm wa'mis ŋgʌme'tztamu te' macwʌstʌjca'pyʌ Israe'lis 'yune-winboyata'm.

San Lucas 22:30 ပူးပေါင်းရင်းမြစ်များ

San Mateo 19:28

Jesús aŋdzoŋu y nʌmu: Wiyuŋše'ʌsmij ndzamjaytyamba tiyʌmij maŋba ñchi'ʌtʌjtamu porque nʌmisʌj ŋgo'ŋdamu: Ʌ'ta'mbʌ aŋsʌ'ŋoyj, jomecotzʌjcu'ca mumutiyʌ, ʌj, te' Pʌ'nis 'Yune, maŋba'ʌj mbocspajcu ʌs tzi'muŋbapʌ aŋgui'mʌtʌjcuy-pyocscu'yojmo. Pijche'c mis maŋba mbʌjcʌchoŋdamu aŋgui'mʌtʌjcuy, y maŋbamij mbyocspactamu macwʌstʌjca'pyʌ aŋgui'mʌtʌjcuy-pyocscu'yojmo wa'mis ŋgʌme'tztamu te' macwʌstʌjca'pyʌ Israe'lis 'yune-winboyata'm.

San Mateo 5:3

Dichoso te' ñʌctʌ'yajpapʌ's que ja'ndiyʌ oyepʌ tiyʌ choco'yojmota'm, porque ñe'cʌcotoyata'mde' te' aŋgui'mbaše'ŋ te' tzajpojmopʌ Dios.

San Mateo 8:11

Y ʌsmij nʌjaytyamba que jene maŋba miñaju pʌnda'm chojtaŋgʌsmʌc y tyʌ'paŋgʌsmʌc, y maŋba tyʌjcʌyaju aŋgui'mbamʌy te' tzajpojmopʌ, y oma'ojmo maŋba pyocšaju Abrahaŋji'ŋ, Isaacji'ŋ y te' Jacobji'ŋ.

San Lucas 12:37

Dichoso ʌ'ta'mbʌ coyosa juca tzu'quenu'c nʌ jyo'coyaju y te'šej pya'tyajpa te' quiomi's, minba'ca. Wiyuŋše'ʌsmij ndzamjaytyamba que te' quiomi's wyatwʌtzʌjcu'c wyin maŋba yajpocšatʌju mesa'ojmo y minba chi'yaju quiu'tcuy.

San Lucas 14:15

Tey te' mesa'ojmo tumʌpocšajumʌy inʌc, tuma'ŋbʌ'nis myatoŋu yʌ'šejta'mbʌ tiyʌ y ñʌjayu Jesús: Dichoso iwʌ's maŋba wyi'cu pan te' aŋgui'mbamʌy Dios.

2 Timoteo 2:12

Juca sʌ'mnayu'ctʌ mbʌ'mgopajcʌpya toya, Te'šejtijtʌ maŋba aŋgui'mdaŋgue'tu ñe'cʌji'ŋ. Juca nʌmbatʌ que ja'ndʌ ŋgo'ispʌqui Cristo, Te'šejtijque' ñe'cʌ maŋba ñʌmu que ja'ndʌ co'ispʌqui.

Santiago 1:1

Ʌjte' te' Santiago te' Diojsis y Ngomi Jesucristo's quioyosa. Nʌ'ʌs ŋgʌ'weju yʌ' carta wa'yʌsmij ñdyujchi'tamu mijta'm, te' macwʌstʌjca'pyʌ Israe'lis 'yune-winboyata'm, puŋditnayajupʌ najsacopajcʌsi.

El Apocalipsis 19:9

Nʌjayu'ʌj te' angelejsis: Mij Juan, ja'yʌ yʌ'šejta'mbʌ tiyʌ: Dichoso 'yaŋbʌquiatʌjpapʌ Ñchowambe Jesucristo's quio'tʌjcajcu'yojmo maŋba'ca pyʌjcʌchoŋu ñe' yomo. Y te' angelejsis nʌjaquie'tu'ʌj: Yʌ'wʌ wiyuŋda'mbʌ tzameyʌ' Diojsisñe'.

El Apocalipsis 3:21

Iwʌ's ñʌwʌ'ajpa, te'wʌ maŋba'ʌs nyajpocsu ʌji'ŋ wa'ytyʌj tumʌ'aŋgui'mu ʌsne' aŋgui'mʌtʌjcuy-pyocscu'yojmo, jujcha' ʌs nʌwʌ'aju y pocsu'ʌj Ndataji'ŋ ñe' 'yaŋgui'mʌtʌjcuy-pyocscu'yojmo.

El Apocalipsis 4:4

Y te' aŋgui'mʌtʌjcuy-pyocscuy ñe'ŋgʌwitu'u inʌc ips-co-macšcu'pyʌ pocscu'yis, y ips-co-macšcu'pyʌ anciano'sta'm inʌc ñʌpocsʌyaju te' pocscuytya'm, sujpopota'mbʌ's myeque, y parejo inʌc yamyaju oropʌ corona.