San Lucas 22:29 - Zoque Copainalá New Testament

²⁹ Ʌs nima'yʌyjaytyamba'ʌsmij tumʌ aŋgui'mʌtʌjcuy, jujcha' ʌs Ndata'sʌj nima'yʌyjayu ʌj. Yʌ'še'ʌs ndzʌjcu wa'mij ŋguiu'ttamu y 'yuctamu ʌsne' mesa'ojmo maŋbamʌ'yʌj aŋgui'mu.

San Lucas 22:29 ပူးပေါင်းရင်းမြစ်များ

San Mateo 24:47

Wiyuŋše'ʌsmij ndzamjaytyamba que te' quiomi's maŋba quiojtu te'wʌ mumupʌ ñe' itʌpa'tcuquiʌsi jujcha' co'aŋgui'moye.

San Mateo 25:21

Y te' quiomi's ñʌjayu: Oye'aŋgʌtʌqui, nijamba'ʌsmij porque oyepʌ ŋguioyosamij. Nijambaše'ʌsmij uša'ŋbʌ tiyʌcʌsi, más wʌwʌpʌ tiyʌcʌsi maŋba'ʌsmij ŋgojtu. Tʌjcʌ, y mejtzji'ŋdʌ maŋba omdzocopyactamu.

San Mateo 25:34

Como ʌjte' te' Rey, mbiŋwe'ñaju'camʌs te'šej, maŋba'ʌs nʌjayaju te' ʌs ndzʌ'na'ŋojmoc ijtyajupʌ: Mindamʌ mijta'm, ʌs Ndata Diojsismij nyajdichoso'ajtamupʌ. Tʌjcʌytyamʌ, minʌ aŋgui'mdamʌ, porque te'šej ñimejcʌyu ʌs Ndata's chʌjcu'c yʌ' najsacopac.

San Mateo 28:18

Y ca'ŋmi'ŋa'ŋʌyu Jesús wa'ytyʌj oto'ŋʌyu y nʌjayutʌj: Ʌs Ndata Diojsis tzi'u'ʌj aŋgui'mʌtʌjcuy wa'yʌj aŋgui'moyu tzajpojmo y najsacopajcʌsi.

San Mateo 5:10

Dichoso te' yacsnutzʌquiatʌjpapʌ porque justota'ma, porque ñe'cʌcotoyata'mde' te' aŋgui'mbaše'ŋ te' tzajpojmopʌ Dios.

San Mateo 5:3

Dichoso te' ñʌctʌ'yajpapʌ's que ja'ndiyʌ oyepʌ tiyʌ choco'yojmota'm, porque ñe'cʌcotoyata'mde' te' aŋgui'mbaše'ŋ te' tzajpojmopʌ Dios.

San Lucas 12:32

Ʌsne' uša'ŋ tu'mʌyajpapʌ ñchowambe, uy na'tztame porque mista'm Ndata's šu'noquiuy wa'mijte' ñchi'tamu aŋgui'mbamʌy Dios.

San Lucas 19:17

Y te' re'yis ñʌjayu: Oye'aŋgʌtʌqui, jene oyepʌ ŋguioyosamij. Nijambaše'ʌsmij uša'ŋbʌ tiyʌcʌsi, maŋbamij 'yaŋgui'moyu majca'pyʌ cumguquiʌsi.

1 Corintios 9:25

Y wiyuŋšej iwʌ's chʌcme'tzpa wa'y pyoquiʌspa'tu, 'yaŋgui'mba wyin mumutiyʌcʌsi. Yʌ'šej chʌquiajpa te'ta'mbʌ's wa'y pyʌjcʌchoŋyaju yajpapʌ corona, pero tʌta'm wa'ytyʌ mbʌjcʌchoŋdamu ja'n yayepʌ corona.

2 Corintios 1:7

Te'cotoya wiyuŋšej nwʌ'aŋjambatʌs que maŋbamij mbyuttamu oye. Porque muspatʌs que ñdyoyapʌctambašejmij tʌji'ŋ, te'šejtijmij maŋba nyajtzocopyacʌtʌjtaŋgue'tu tʌji'ŋ.

2 Timoteo 2:12

Juca sʌ'mnayu'ctʌ mbʌ'mgopajcʌpya toya, Te'šejtijtʌ maŋba aŋgui'mdaŋgue'tu ñe'cʌji'ŋ. Juca nʌmbatʌ que ja'ndʌ ŋgo'ispʌqui Cristo, Te'šejtijque' ñe'cʌ maŋba ñʌmu que ja'ndʌ co'ispʌqui.

Santiago 2:5

Sundambapʌ atzita'mʌsmij, cʌmato'ŋʌytyamʌ'ʌj: Diojsis quiopiŋwa'a te' pobreta'm najsacopajcʌsi wa'y tumʌtzocoy wyʌ'aŋja'moyaju y te'ta'mbʌ's wa'y ijtyaju pyarte aŋgui'mbamʌy Dios. Yʌ'šej jeque chamdzi'yaju Diojsis mumu jujche'ŋ šuñajpapʌ's ñe'cʌ.

1 Pedro 5:4

Y minba'ca Cristo te' Coque'noye-cowi'na, ñe'cʌ'smij maŋba ñchi'tamu jujcha' ja'n yayepʌ corona, mista'm mbarte ñe' chi'muŋgʌ'ojmo y myʌja'ŋajcu'yojmo.

El Apocalipsis 21:14

Y te' cumgu'yis cha'no'tze'ojmo ijtu inʌc macwʌstʌjca'y aŋguinʌ-jequiajupʌ tza'cowi'na y tumdumʌpʌ tza'cʌsi, tey inʌc ja'yʌyu nʌy tumdumʌpʌ cʌ'we'ista'mñe', Ñchowambe Jesucristo's quiʌ'wejyajupʌ.