San Lucas 22:19 - Zoque Copainalá New Testament

¹⁹ Pyʌjcu Jesujsis te' pan y ñʌjayu Dios yʌscotoya. Wyenu y chi'yaju y nʌmu: Yʌ'wʌte' ʌs ŋgüerpo maŋbapʌ'ʌs ndzi'oquia'u mijcotoyata'm. Tzʌctamʌ yʌ'šej wa'misʌj njamwʌtzʌctamu.

San Lucas 22:19 ပူးပေါင်းရင်းမြစ်များ

San Mateo 14:19

Y 'yaŋgui'myaju Jesujsis te' pʌnda'm wa'y pyocsquequiaju te' pe'chmu'cʌsi. Pyʌjcu'ca te' mosa'pyʌ pan y te' metzawʌ coquej, quengui'mu tzajpojmo y ñicomasa'nʌyu. Pijche'c wyenu te' pan, y tzi'utʌj, tʌj te' quiʌ'aŋmayeta'm. Tʌsa maŋutʌs sajne'ŋbʌ'u te' pʌ'nojmota'm.

San Mateo 15:36

Y pyʌjcu te' cu'ya'pyʌ pan y te' nama coquejta'm y ñʌjayu Dios yʌscotoya. Y wyenbʌ'u, y tzi'utʌj, tʌj te' quiʌ'aŋmayeta'm, y maŋutʌs sajne'ŋbʌ'u te' wʌwʌpʌ pʌ'nojmota'm.

San Lucas 22:17

Y pyʌjcu te' vaso, y ñʌjayu Dios yʌscotoya, y nʌmu: Pʌctamʌ yʌ'wʌ, y to'ŋne'ŋbʌ'tamʌ tumduma'ŋbʌn.

San Lucas 22:20

Ujcaŋbajcu'ca, pyʌjque'tu te' vaso, y nʌmu: Yʌ' vasote' te' jomepʌ trato ʌs nʌ'pinbit. Yʌ'wʌ maŋba 'yumbʌ'u mijcotoyata'm.

San Lucas 24:30

Yʌ'šej tujcu: Te'ya' pocsu'c ñe'cʌji'ŋda'm mesa'ojmo, pyʌjcu te' pan y ñicomasa'nʌyu. Wyenu y chi'yaju.

San Juan 6:23

Pero miñaju eyata'mbʌ barco Tiberias-cumgu'yojmoc. Y nu'quiaju tome quienbamʌy te' lugar tijumʌy wyi'quiaju pan te' pʌ'nista'm, ñʌjayu'c yʌscotoya Dios tʌ Ngomi's.

San Juan 6:51

Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

1 Corintios 10:16

Nʌjaytyamu'candʌ Dios yʌscotoya, mbʌcpatʌ te' nicomasa'nʌyupʌ vaso, ¿y ja'nsʌ'ŋdʌ nicomasa'nʌytyame muma'ŋgʌ'y Cristo's te' ñʌ'pinbit? Y nwe'nbʌ'tamu'candʌ te' pan y ŋgu'ttamu'candʌ muma'ŋgʌ'y, ¿ja'nsʌ'ŋdʌ nicomasa'nʌytyame muma'ŋgʌ'y Cristo's te' ñe' cuerpopit?

1 Corintios 10:4

Y myuma'ŋgʌ'y 'yuquiaju tumo'pyʌ ujcuy chi'yajupʌ Diojsis, porque 'yuquiajpa inʌc te' ujcuy te' Diojsis chi'yajupʌ tza'ojmoc, te' quio'ŋyajpapʌ's inʌc. Y te' tza', Cristote'.

Gálatas 1:4

Yʌ' Cristo's chi'oquia'u wyin wa'y quioca'jayu tʌta'm ŋgowa, y wa'ytyʌ yajcotzoctamu yʌmyajtʌ nʌ nwittamu'cše'ŋoyj yʌ' yatzita'mbʌ tiempo'ojmo. Te'šej šunu tʌ Ndata Diojsis wa'y tyujcu.

Gálatas 4:25

Porque Diojsis chambʌjcu yʌ' Agar jujcha' Sinai-pu'mna te' Arabia-najsojmo ijtupʌ. Y chambʌjque'tu te' ñʌjayajpapʌ Jerusalén. Te'wʌ y te' cumguy-itita'm mumu coyoscuy-ñuyu'ajyajpa.

Efesios 5:2

Chi'oquia'u'c Cristo's te' wyin y ca'u'c tʌcotoyata'm, yajqueju que jene sundambatʌ. Te'cotoya pyʌcpa wa'ytyʌ tʌ našunʌtʌjtamu ne'co'mo. Porque Cristo's chi'oquia'u ñe' wyin jujcha' tzi'oquiuy Dioscotoya y te'šej tzocopyajcu Dios.

1 Tesalonicenses 5:18

Mumutiyʌcʌsi nʌjaytyamʌ Dios yʌscotoya, porque yʌ'šejte' šunba ñe'cʌ's wa'mis ndzʌctamu Cristo Jesuspit.

Tito 2:14

Yʌ' Jesucristo's chi'oquia'u wyin wa'y quia'u tʌcotoyata'm wa'ytyʌ jupyuttamu y yajcotzoctamu mumu tʌta'm nyacha'cu'yojmoc. Y te'šej chʌjcu wa'y yajcowajayu tʌta'm ndzocoy wa'ytyʌ pʌjcʌchoŋu jujcha' ñe' 'yune, quiʌñʌñajpapʌ's wa'y chʌquiaju oyeta'mbʌ tiyʌ.

1 Pedro 2:24

Yʌ' Cristo'ste' chi'oquia'u wyin tʌcotoyata'm y ñʌmaŋjayu tʌta'm ŋgowa ñe' cuerpocʌsi ca'u'c cruzcʌsi. Te'cotoya pyʌcpa wa'ytyʌ ca'uwʌšej ndzʌctamu nwin cowa's wyi'naŋdʌjqui u'yandʌ ŋgowapa'ttamu. Y pyʌjque'tpa wa'ytyʌ ndzʌcjojcʌtʌctamu justota'mbʌ tiyʌ. Porque te' ñe' tyoyapʌjcu'yis yajʌcʌ'jawya'a tʌta'm ŋgowa.