San Lucas 21:8 - Zoque Copainalá New Testament

⁸ Pijche'ca nʌmu Jesús: Coquendamʌ cuenta umij ya'iwʌ's 'yaŋgoma'cʌytyamu. Porque maŋba miñaju wʌwʌ pʌn ʌs nʌquiʌsi sujchajpapʌ y nʌmyajpapʌ: Ʌjte' te' Cristo. Y maŋba ñʌmyajque'tu: Nʌ tyo'mʌyu te' aŋsʌŋ. Te'cotoya'ʌsmij nʌjaytyamba, uy co'ŋdame.

San Lucas 21:8 ပူးပေါင်းရင်းမြစ်များ

San Mateo 24:11

Y jene maŋba ijtu chʌquichʌquita'mbʌ tza'maŋwa'oye, y wʌwʌ pʌn maŋba 'yaŋgoma'cʌyaju.

San Mateo 3:2

Y nʌmba inʌc: Quipswitu'tamʌ, porque jʌ'nʌ'a maŋba 'yaŋgui'moyu te' tzajpojmopʌ Dios.

San Mateo 4:17

Pijche'c chamgopuŋgʌ'yu Jesujsis y nʌmu: Quipswitu'tamʌ, porque jʌ'nʌ'a maŋba 'yaŋgui'moyu te' tzajpojmopʌ Dios.

San Lucas 17:23

Y juca ñʌjatʌjtambamij: Yʌ'ya ijtu te' Cristo, o juca nʌmyajpa: Teymʌ ijtu, ʌsmij nʌjaytyamba: Uy maŋdame ni uy co'ŋdame.

San Lucas 21:7

Y quiʌ'aŋwa'quiaju: Maestro, ¿jujche'casʌ'ŋde' maŋba tyujcu? ¿Tiyʌ'sasʌ'ŋ jeque maŋba quiotzamu maŋba'ca cho'tzu wa'y tyujcu yʌ'šejta'mbʌ tiyʌ?

San Lucas 21:9

Pero maŋbamis mustamu que nʌ quipʌnʌmu, y nʌ ñʌcʌpo'yaju quipcuy. Pero uy na'tztame, porque pyʌcpa wa'y winac tyujcu te'šejta'mbʌ tiyʌ, pero ja'nmajte' maŋu yaju najsacopac.

San Juan 5:43

Ʌj minu'ʌj ʌs Ndata Diojsis ñʌquiʌsi y ja'nmisʌj mbʌjcʌchoŋdame. Juca minba pʌn ñe' wyin chambapʌ's, te'wʌ jʌ'ʌ, mbʌjcʌchoŋdambamis.

San Juan 8:24

Te'cotoya'ʌsmijte' nʌjaytyamu que cowatzʌquimij maŋba ŋguia'tamu. Juca ja'nmisʌj nwʌ'aŋjamdame que ʌjte' te' ndzamuše'amʌs, cowatzʌquimij maŋba ŋguia'tamu.

San Juan 8:28

Te'cotoya ñʌjayajque'tu Jesujsis: Ʌjte' te' tzajpojmoc minupʌ. Nyajqui'mdamba'camisʌj cruzcʌsi, pijche'c mis maŋba nʌctʌ'ytyamu que ʌjte' maŋba minupʌ inʌc, y que ja'ʌs ndzʌqui ne' su'noquiuy. Aŋmayuše'ʌj Ndata's, te'wʌ ʌs ndzamba.

1 Corintios 6:9

¿Ja'nja mustame que te' ja'n jyustota'mbʌ's ja'n maŋu pyʌjcʌchoŋyaju yajtiyʌ aŋgui'mbamʌy Dios? Uy aŋgoma'cʌytyame nwin, ja'n maŋu pyʌjcʌchoŋyaju yajtiyʌ te' ispʌquitzʌcpapʌ's, ni te' comichʌqui quiʌna'tzʌpyapʌ's, ni te' cʌtzʌjcʌ'opyapʌ's, ni te' yomoše'ajpapʌ's, ni te' jyaya'ŋdʌwʌji'ŋ jowitzʌcpapʌ's,

Efesios 5:6

Coquendamʌ cuenta umij 'yaŋgoma'cʌtʌjtamu ya'iwʌ's ñe' chamepitta'm, porque te' ñe' chameta'm jojtacapʌ tiyʌšejpʌte'. Y Diojsis maŋba yajnʌco'aŋgʌyaju te' ja'n myato'ŋoyjayapyʌ's ñe'cʌ porque chʌquiajpa te'šej yatzita'mbʌ chʌqui.

2 Tesalonicenses 2:3

Umij 'yaŋgoma'cʌytyamu ya'iwʌ's yajtiyʌcʌsi, porque ja'n maŋu minu ʌ' jama hasta que nu'cpa te' aŋsʌŋ nimeque'ctij maŋba qui'nišaju'c Dios, y maŋba quieju te' nimeque yajcowapa'topyapʌ pʌn, te' nima'yʌyupʌ tocoquiuquiotoya.

2 Timoteo 3:13

Pero te' yatzita'mbʌ pʌn y te' aŋgoma'cʌ'oyajpapʌ, maŋba chʌcjojcʌtʌquiaju yacha'cuy wa'y 'ya'ŋʌyaju yatzipʌ tiyʌ, aŋgoma'cʌ'oyajpa y te'šejtij 'yaŋgoma'cʌyatʌjque'tpa.

1 Juan 4:1

Tʌwʌy, sundamba'ʌsmij. Uy wʌ'aŋjamdame ñempe'iwʌ pʌn nʌmbapʌ que Diojsis 'Yespiritupit aŋma'yopya. Tzʌjquistamʌ winac juca Diojsiste' 'Yespiritupit aŋma'yopya. Porque sone nʌ wyijtyaju sujchajpapʌ tza'maŋwa'oye yʌ' najsacopajcʌsi.

2 Juan 1:7

Porque jene ijtyajwa'a aŋgoma'cʌ'oyajpapʌ najsacopajcʌsi. Yʌ'ta'mbʌ nʌmyajpa que jaminʌ pyʌ'na jujcha' pʌn te' Jesucristo, te'šej aŋgoma'cʌ'opyapʌte' y qui'nispapʌ's te' Cristo.

El Apocalipsis 1:3

Dichoso iwʌ's tyu'nba yʌ' tza'maŋwa'oquiuytyoto wʌwʌ pʌ'nis wyi'naŋdʌjqui, y iwʌ'sta'mis myatoŋyajpa y quiojamyajpa tiyʌta'm ja'yʌyu yʌ' totocʌsi, porque nʌwa' tyo'mʌyu wa'y tyujcu yʌ'šejta'mbʌ tiyʌ.

El Apocalipsis 12:9

Y tyʌŋdzi'po'tyaju tzajpojmoc te' maya'aŋbʌ dragón, te' ya'acpʌ tzan, ñʌjayajpapʌ diablo y Satanás, te' 'yaŋgoma'cʌ'pyapʌ's mumu najsacopac-pʌn. Tyʌŋdzi'po'tyaju jeque ñe'cʌ y te' 'yangelesta'm najsacopajcʌsi.