San Lucas 21:34 - Zoque Copainalá New Testament

³⁴ Coquendamʌ cuenta ndzoco'yojmo, uy quipsjojcʌtʌctame cu'tco'tzco'tznaquiuy ni te' no'tcuy ni yʌ' najsacopajcʌsipʌ yoscuy, uytya'mij te'šej nʌ ŋguipsoytyamu'c maŋba ñu'cu tumnacacʌsi te' pijche'cpʌ jama.

San Lucas 21:34 ပူးပေါင်းရင်းမြစ်များ

San Mateo 13:22

Te' tʌmbu cuñajupʌ apijtojmo, yʌ'wʌte' te' pʌnda'm myatoŋyajpapʌ's te' tzame, pero quipšajpa najsacopajcʌsipʌ yosjojcʌtʌjcuy, y ñʌ'omyajpa itʌpa'tcuy. Y yʌ'šejta'mbʌ tiyʌ's yajambʌ'yajpa te' tzame choco'yojmo, y ja'na tyʌ'may.

San Marcos 13:9

Pero mista'm coquendamʌ cuenta mis nwin. Porque maŋbamij ñchi'oquia'ʌtʌjtamu tu'mʌyajpamʌy te' aŋgui'myajpawʌ. Y maŋbamij ñacsʌtʌjtamu te' windʌjcojmo y maŋbamij ñʌmawʌtʌjtamu gobierno's y re'yis wyi'naŋdʌjquita'm porque ŋgo'ŋdambamisʌj. Yʌ'šej maŋba ñdyestigusajtamu ñe' wyi'naŋdʌjquita'm.

San Marcos 4:19

pero quipšajpa najsacopajcʌsipʌ yosjojcʌtʌjcuy, y ñʌ'omyajpa itʌpa'tcuy y ñi'aŋsuñajpa sone eyata'mbʌ tiyʌ. Y yʌ'šejta'mbʌ tiyʌ's yajambʌ'yajpa te' tzame choco'yojmo y ja'na tyʌ'may.

San Lucas 10:41

Pero 'yaŋdzoŋu Jesujsis: Marta, Marta, na' yoscuy mis ŋguipspa, y soneta'mbʌ tiyʌ'smij nyajopi'tpa.

San Lucas 12:40

Te'šejtijque' jeque mista'm, nimejcʌyu'c coquendamʌ nwin, porque ja'nmis tiyʌ nʌ ŋguipstamu'c maŋba'ʌj minu, ʌj te' Pʌ'nis 'Yune.

San Lucas 17:3

Coquendamʌ cuenta, juca iwʌ'smij minba njyojtʌjcʌyu, tzamnʌctʌ'yʌ que cowate', y juca quipswitu'pa, yajcotocoya.

San Lucas 21:35

Porque jujcha'nde' copatze's tumnacacʌsi chʌcna'tzpa te' copʌn, te'šejtij maŋba chʌcna'chatʌjque'tu mumu te' najsacopajcʌsita'mbʌ pʌn.

San Lucas 21:8

Pijche'ca nʌmu Jesús: Coquendamʌ cuenta umij ya'iwʌ's 'yaŋgoma'cʌytyamu. Porque maŋba miñaju wʌwʌ pʌn ʌs nʌquiʌsi sujchajpapʌ y nʌmyajpapʌ: Ʌjte' te' Cristo. Y maŋba ñʌmyajque'tu: Nʌ tyo'mʌyu te' aŋsʌŋ. Te'cotoya'ʌsmij nʌjaytyamba, uy co'ŋdame.

San Lucas 8:14

Y te' tʌmbu cuñajupʌ apijtojmo, yʌ'wʌte' te' pʌnda'm myatoŋyajupʌ's te' tzame pero nʌ'ca ñʌtu'ŋajyaju'c, minba yajsucsca'yaju te' yosjojcʌtʌjcu'yis y itʌpa'tcu'yis y sʌ'ŋajcu'yis, y ja'n tyʌ'may te' tzame.

1 Corintios 5:11

Pero yʌtij nʌ'ʌsmij njayjaytyamu que juca ijtu iwʌjutiwʌ ñʌjayajpapʌ atzi ispʌquitzʌcpa, o juca aŋsunba itʌpa'tcuy, o juca quiʌna'tzʌpya comichʌqui, o juca otowewʌ'ajpa, o juca no'tpa, o juca nu'mba, ni umij ñdyumʌcu'ttamu te'wʌji'ŋ.

1 Corintios 6:10

ni te' nu'myajpapʌ's, ni te' quiʌñʌñbapʌ's itʌpa'tcuy, ni te' no'tyajpapʌ's, ni te' otowewʌ'ajpapʌ's, ni te' ninu'moyajpapʌ's ja'n maŋu pyʌjcʌchoŋyaju yajtiyʌ aŋgui'mbamʌy Dios.

Gálatas 5:20

Wyʌ'aŋjamyajpa comichʌquita'm, chʌquiajpa brujo'ajcuy, naqui'nisʌtʌjyajpa, ñʌcʌpo'yajpa quipcuy, naquiʌjowatʌjyajpa, mawʌqui'šca'yajpa, na' ñe' 'yoye'ajcuy mye'chajpa, y yajquipswe'noyajpa.

Filipenses 4:6

Uy pʌcjaytyame maya'cuy yajtiyʌ, sino que tiyʌta'm mis sundamba wa'coyjojcʌtʌctamʌ Dioscʌsi, y nwya'coytyamba'cmij nʌjaytyamʌ yʌscotoya.

Hebreos 12:15

Coquendamʌ cuenta oye'c uy ya'iwʌ's myatzwindujcu Diojsistʌ sunba tzi'upʌ yajya'moquiuy wa'ytyʌ cotzoŋu. Juca te'šej chʌcpa nʌte' tyaca'yaju chocoy, y te' tacapyʌ tzocopyit maŋba yajtaca'yaju eyata'mbʌ's chocoy.

2 Pedro 3:10

Y te' jama maŋba'ca minu tʌ Ngomi, maŋba minu jujcha' nu'mbapʌ tzu'cʌsi, ja'ndʌ tiyʌ nʌ nijamdamu'c. Pijche'cpʌ aŋsʌ'ŋoyj maŋba yaju te' tzap maya'aŋbʌ aŋjʌquiʌ'ojmo y maŋba ñemu te' tzajpojmo y najsacopajcʌsi ijtyajupʌ tiyʌ. Y pijche'c maŋba pyoŋbʌ'u yʌ' nas y jujche'ŋ yojsaŋ ijtyajupʌ naswindumʌ.

2 Pedro 3:14

Te'cotoya, tʌwʌy, como nʌmis njo'ctamu yʌ'šejta'mbʌ tiyʌ, tzʌcme'tztamʌ oye'c wa'mij sʌ'mnayu'c ittamu Diosji'ŋ, y 'yaŋguejtamba'camij ñe' wyi'naŋdʌjqui wa'mij cowajuwʌ y cowatacapʌ ñu'ctamu.

El Apocalipsis 3:3

Jamwʌtzʌctamʌ jutzta'm mij ñchamjayaju y tiyʌta'm mis matoŋdamu y sa'sa'c cojamya, pero quipswitu'cuyji'ŋ. Y juca ja'nmis ŋgoquendame cuenta, maŋba'ʌj minjumbʌ'u jujcha' nu'mbawʌ y ja'nmis maŋu mustamu tiyʌ hora'ʌj minjumbʌ'pa.