San Lucas 21:12 - Zoque Copainalá New Testament

¹² Pero maŋba'cmaj tyujcu mumu yʌ'šejta'mbʌ tiyʌ, maŋbamij ñucʌtʌjtamu y nyacsnutzʌcʌtʌjtamu. Y maŋbamij ñchi'oquia'ʌtʌjtamu windʌjcojmota'm y preso'mota'm. Y maŋbamij ñʌmawʌtʌjtamu re'yis y gobierno's wyi'naŋdʌjquita'm porque ŋgo'ŋdambamisʌj.

San Lucas 21:12 ပူးပေါင်းရင်းမြစ်များ

San Mateo 22:6

Y eyata'mbʌ's ñucjayaju te' re'yis quioyosata'm y yacsnutzʌquiatʌju'ca yajca'yatʌju.

San Mateo 24:8

Yʌ'šejta'mbʌ tiyʌ tzo'tzcumyajte'. Maŋbamaj quieñaju maya'aŋda'mbʌ toya pʌ'nista'm.

San Lucas 21:11

Maŋba ijtyaju maya'aŋda'mbʌ mi'cscʌ', y yʌmʌc teymʌc maŋba ijtu yu' y yatzi-ca'cuytya'm. Y maŋba quieju na'chaŋda'mbʌ tiyʌ y maya'aŋda'mbʌ señalta'm tzajpojmo.

San Juan 15:20

Jamwʌtzʌctamʌ tiyʌta'ma'mʌsmij nʌ ndzamjaytyamu ʌs: Ja'n maŋu más myʌja'ŋgomʌ'yaju te' coyospapʌ que ja'nde' quiomi. Yacsnutzʌquiajuše'ʌj, te'šej mij maŋba nyacsnutzʌcʌtʌjtaŋgue'tu. Juca quiojamjayaju ʌs ndzame, te'šej maŋba quiojamjayajque'tu mista'mne'.

San Juan 15:21

Pero mumu yʌ'šejta'mbʌ tiyʌ maŋbamij ñchʌcjatʌjtamu porque ŋgowʌ'aŋjamjaytyambamis ʌs nʌy, porque ñe'cʌ'sta'm ja'n ispʌquiay te' cʌ'wejupʌ'sʌj.

Hechos 22:30

Y jo'pit sunba inʌc wyiyuŋdzoco'yaju tiyʌcotoyate' ñicotza'mʌyajpa judio'sta'm, y pyu'pʌ'u te' si'numʌy y yajweyatʌju sacerdote-cowi'nata'm y jujche'ŋ aŋgui'myajpapʌ tyʌwʌ. Y ñʌpujtu Pablo y ñʌ'aŋgueju ñe'ta'm wyi'naŋdʌjqui.

Hechos 5:40

Myato'ŋoyjayaju Gamaliel, y wyejyatʌju te' cʌ'wejta'm. Y ñacstochʌquiatʌju'ca ñʌjayatʌju: U'ya tzamjaytyame ya'iwʌ Jesujsis ñʌy. Y chʌcʌpʌ'yatʌju.

Hechos 8:3

Pijche'cta'm myaŋdochʌcpa inʌc Saulo's te' tu'mʌquiuytya'm y tʌcnamaye inʌc maŋba wa'y ñuctu'mʌyaju pʌn y yomota'm wa'y šomyatʌju preso'mo.

Hechos 9:4

Y cunu najsojmo te' Saulo, y myatoŋu otowe ñʌjayupʌ's: Saulo, Saulo, ¿tiyajca'mʌjte' nyacsnutzʌcpa?

1 Pedro 2:13

Mato'ŋoyjaytyamʌ pʌ'nista'm 'yaŋgui'mʌtʌjcuy, porque te'šej šunba tʌ Ngomi's. Mato'ŋoyjaytyamʌ jeque, juca mʌja'ŋbʌ re'yisñe'

El Apocalipsis 2:10

Pero uy na'tztame te' maŋbamis ŋguendamupʌ toya. Yʌtij jeque te' diablo's maŋba yajsomatʌju iwʌjutiwʌ mi'ojmota'mbʌ wa'mij ñchʌjquisatʌjtamu toyapʌjcu'yojmo. Y majca'y jamamij maŋba nyacsnutzʌcʌtʌjtamu. Paquic ittamʌ nwʌ'aŋjamgu'yojmo hasta que ŋguia'tambamij, y ʌsmij maŋba ndzi'tamu jujcha' corona te' iscuy-quenguy wa'yʌsmij nyajmʌja'ŋajtamu.