San Lucas 20:44 - Zoque Copainalá New Testament

⁴⁴ Juca David jequete' te' tataj, ¿tiyajca' ñʌjayu te' Cristo, ʌs Ngomi, juca 'yunete'?

San Lucas 20:44 ပူးပေါင်းရင်းမြစ်များ

San Mateo 1:23

Musʌ que mu'šapʌ yomo maŋba chejcʌyu, Y maŋba ijtu jyaya-une, Y maŋba quiotjayaju ñʌy, Emanuel. Te' ñʌy sunbate' ñʌmu: Tʌji'ŋ ijtu Dios.

San Lucas 2:11

Que yʌtij pʌ'naju te' Davijtis quiumgu'yojmo te' maŋbapʌ'smij nyajcotzoctamu, y te'wʌte' te' CRISTO tʌ Ngomi.

San Lucas 20:43

Nyajmaŋgopajcʌyajpa'cše'ŋo'yʌsmij te' ŋgui'nišajpapʌ'smij.

San Lucas 20:45

Y nʌ quiʌmato'ŋʌyaju'c mumu pʌ'nis, Jesujsis ñʌjayaju ñe' quiʌ'aŋmaye:

Romanos 9:5

Ñe'cʌta'mde' te' winata'mbʌ tata's wyinboya, y ñe'co'mocta'm minu pyʌ'naju te' Cristo. Y yʌ'wʌte' te' Dios, te' aŋgui'mbapʌ mumutiyʌcʌsi, y oye wa'ytyʌ nwʌcotzamu mumu jamacotoya. Amén.

Gálatas 4:4

Pero nu'cu'cande' jama yajpʌ'naju Diojsis te' 'Yune Jesús yʌy najsacopajcʌsi, y yomo's yajpʌ'naju. Y ijtu inʌc pyena wa'y pyʌ'naju judio'sta'm 'yaŋgui'mguquiʌ'mʌ.

1 Timoteo 3:16

Tiene que wa'ytyʌ ndzamu que mʌja'ŋbʌte' te' nʌtʌ nwʌ'aŋjamdamupʌ, te' Diojsis jayajqueyapʌ cʌtʌquiajupʌ aŋsʌ'ŋojmo. Yʌ'šejte' tujcu: Minu yajqueju Diojsis te' Cristo pʌnšej, Y chamu que justopʌte' Espíritu Santopit. Y quieñaju ñe'cʌ angelejsista'm. Chamgopuŋyajwa'a pʌ'nista'm te' nacio'ŋojmota'm. Wyʌ'aŋjamyajwa'a najsacopajcʌsita'mbʌ's. Y yajmʌja'ŋajwa'a Diojsis tzajpojmo.

El Apocalipsis 22:16

Ʌs, Jesús, ŋgʌ'weju'ʌs ʌsne' ángeles wa'mij nyajmustamu Diojsis tyu'mʌquiu'yojmota'm yʌ'šejta'mbʌ tiyʌ. Ʌjte' te' winboya Rey Davijtis fyamilia'ojmoc pujtupʌ. Ʌjte' te' namdzuctya'a tzi'muŋu'c tzotpapʌ matza.