San Lucas 20:16 - Zoque Copainalá New Testament

¹⁶ Maŋba minu, y maŋba yajca'pʌ'yatʌju yʌ' cowe'nducʌta'm. Y maŋba chi'oquia'u te' ñe' uva-nipi eyata'mbʌ cowe'nducʌcʌsi. Myatoŋyaju'ca pʌ'nista'm te'šej, nʌmyaju: Diojsistʌ yajcotzowa.

San Lucas 20:16 ပူးပေါင်းရင်းမြစ်များ

San Mateo 21:34

Nu'cu'cande' uva-aŋsʌŋ, quiʌ'weju te' quioyosata'm ijtyajumʌy te' cowe'nducʌta'm wa'y minu pyʌjcʌchoŋyaju ñe'cʌ's quiowindzʌmbapʌ tʌm.

San Mateo 21:41

Ja'n maŋu tyo'ya'ŋʌyatʌju yʌ' yatzi-pa'ajta'm. Mumu maŋba yajca'pʌ'yatʌju. Y maŋba chi'oquia'u te' uva-nipi eyata'mbʌ cowe'nducʌcʌsita'm, pumñayu'c chi'oquia'yajpapʌ's te' uva-tʌm tʌ'majque'tu'ca.

San Mateo 22:7

Y myujsu'ctij yʌ'šej te' re'yis, jene qui'šca'u. Quiʌ'weju soldadota'm wa'y maŋu yajca'yaju te' yajca'oyajupʌ, y wa'y pyoŋbʌ'jayaju quiumguy.

San Marcos 12:9

¿Tiya'sʌ'ŋ maŋba chʌjcu te' uva-nipi comi's? Maŋba minu, y maŋba yajca'pʌ'yatʌju te' cowe'nducʌta'm. Y maŋba chi'oquia'u te' ñe' uva-nipi eyata'mbʌ cowe'nducʌcʌsi.

San Lucas 19:27

Pero nʌmindamʌ yʌy te' qui'nišajpapʌ'sʌj, te' ja'n inʌc šuñapyʌ's wa'yʌj aŋgui'moyu ñe'cʌcʌsita'm. Y yajcopajcotʌcšatʌ' ʌs nwi'naŋdʌjqui.

San Lucas 20:15

Myacpujtyaju te' uva-nipi'ojmoc y yajca'yaju ¿Tiya'sʌ'ŋ maŋba chʌcjayatʌju te' uva-comi's?

Hechos 13:46

Pijche'ca jana na'chcuy nʌmyaju te' Pablo y te' Bernabé: Wiyuŋšej pyʌcpapʌte' inʌc wa'ytyʌsmij mijta'm wina ndzamgopuŋjaytyamu te' Diojsis chame. Pero como ja'nmis suni mbʌjcʌchoŋdamu y como ŋgomʌ'ytyambamis que ja'nmis merecetzʌctame wa'mis mbʌjcʌchoŋdamu te' ja'n yayepʌ quenguy, yʌtij ŋgʌ'maŋyajpatʌs gentilta'm.

Romanos 11:1

Ngʌ'aŋwa'cpa jeque'ʌs: ¿Chajcuwa'sʌ'ŋde' Diojsis ñe' pyʌnda'm? Ja'ne nijutz. Porque ʌj Israel-pʌndi'ʌjyʌ'que', Abraha'ŋis wyinboya, y Benjami'ŋis raza'ojmocpʌ.

Romanos 11:11

Nʌmba jeque'ʌj: ¿Nepcʌschʌmyajusʌ'ŋ Israel-pʌnda'm wa'y tyocoyaju? Ja'ne nijutz. Pero ñe'ta'm ñepcʌschʌmgupyit maŋba quiotzoquiaju te' gentilta'm, y te'šej maŋba yajcʌjoŋyaju te' Israel-pʌnda'm.

Romanos 3:31

¿Ndzʌctocopyasʌ'ŋdʌ te' aŋgui'mguy te' wʌ'aŋjamgupyit? Ja'ne nijutz, mastʌ mbʌmitzi'tamba te' aŋgui'mguy.

Romanos 3:4

Nijutz ja'ne, sino que muspatʌ que Dios wiyuŋdzamba ñempe mumu pʌn sujchajpa. Yʌ'šej ja'yʌyu: Wa'y myujšaju que nwyiyuŋdzambapʌmijte' te' mis ndzamepit, y wa'mis nwʌyaju ñchʌjqui'šajpa'camij.

Romanos 3:6

Dios justopʌte'. Juca inʌc ja'n jyusto Dios, ¿muspasʌ'ŋ quiʌme'tzu te' najsacopajcʌsita'mbʌ?

Romanos 6:15

¿Tiya' jeque? ¿Cowapa'tpasʌ'ŋdʌ porque ja'nandʌ aŋgui'mguquiʌ'mʌ ittame, sino que yajya'moquiuquiʌ'mʌ? Ja'ne nijutz.

Romanos 6:2

Ja'ne nijutz. Porque jujche'ŋbʌndʌ ca'uwʌše'a ndzʌctamu nwin uytyʌ ŋgowapa'ttamu, ¿jutza'ndʌ maŋba ŋgowapa'ttaŋgue'tumaj?

Romanos 7:13

¿Y minusʌ'ŋʌj yajca'u te' oyepʌ aŋgui'mgu'yis? Ja'ne, sino que te' cowa'sʌj ca'uwʌcotzʌjcu te' oyepʌ tiyʌpit, wa'y quieju que cowate'. Te'šej tujcu te' aŋgui'mgupyit wa'y quieju te' cowa que saŋyatzipʌte'.

Romanos 7:7

¿Tiya'ndʌ jeque ndzamba? ¿Cowasʌ'ŋde' te' aŋgui'mguy? Ja'ne nijutz. Juca inʌc te'šej jamyusʌ'ʌs inʌc tiyʌte' cowa, pero mujsu'ʌs te' aŋgui'mgupyit. Porque jamyusʌ'ʌs inʌc ni'aŋsu'noquiuy juca inʌc ja'n ñʌmi te' aŋgui'mguy: Uy ni'aŋsu'noy.

Romanos 9:14

¿Tiya'ndʌ jeque ndzamba? ¿Chʌcpasʌ'ŋ ja'n jyustopʌ tiyʌ Diojsis? Ja'ne nijutz.

1 Corintios 6:15

¿Ja'nja mustame que mista'm ŋgüerpo Cristo'ste'ñe'? ¿Nyajʌcʌ'japyasʌ'ŋʌs yʌ' cuerpo Cristo'sñe' wa'yʌs ndumʌtzʌjcu malejyomoji'ŋ? Ja'ne, nijutz.

Gálatas 2:17

Te'šej jeque tʌta'm me'tztambatʌ wa'ytyʌ justococojtu Jesucristopit, pero mba'ttambatʌ que te'šejtijque' tʌta'm cowatzʌquita'mdʌyʌ' jujcha' ñe'cʌta'm. ¿Cotzoŋbasʌ'ŋdʌ Cristo's wa'ytyʌ ŋgowapa'tu? Ja'ne, Cristo's ja'ndʌ cotzowe.

Gálatas 3:21

¿Ñʌquijpasʌ'ŋ te' aŋgui'mgu'yis te' Diojsis chamdzi'oquia'upʌ tiyʌ? Ja'ne nijutz. Porque juca inʌc quiojtu Diojsis aŋgui'mguy šajpapʌ's iscuy-quenguy, pijche'c wiyuŋšej justococotpatʌ inʌc Diojsis ŋgojamba'ctʌ inʌc te' aŋgui'mguy.

Gálatas 6:14

Pero ʌs nunca'ʌs ja'n aŋgui'moyešej ndzʌqui nwin, sino que nwi'naŋgotpa'ʌs que tʌta'm Ngomi Jesucristo ca'u cruzcʌsi. Porque ñe'cʌpit ca'uwʌše'ʌs ndzʌcpa nwin u'yʌs aŋsunu najsacopajcʌsita'mbʌ tiyʌ, y yajupʌ tiyʌšejte' te' najsacopajcʌsita'mbʌ tiyʌ ʌs nwi'naŋdʌjqui.