San Lucas 2:47 - Zoque Copainalá New Testament

⁴⁷ Y jujche'ŋ quiʌmato'ŋʌyajupʌ's maya'yaju jutz inʌc nʌctʌ'yopya y aŋdzoŋba.

San Lucas 2:47 ပူးပေါင်းရင်းမြစ်များ

San Mateo 13:54

Minu te' ñe' quiumgu'yojmo, y aŋma'yoyu te' judio'sta'm wyindʌjcojmo. Y ñʌmayajayajpa inʌc 'yaŋma'yoquiuy, y nʌmyaju: ¿Juta' jequeyʌ' aŋmayu yʌ'wʌ wa'y minu yʌy 'yaŋma'yoyu y wa'y chʌjcu yʌ'šejta'mbʌ isaŋwʌ'ajcuy?

San Mateo 22:33

Myatoŋyaju'ctij yʌ'šej te' pʌ'nista'm, maya'yaju te' 'yaŋma'yoquiupyit.

San Mateo 7:28

Y chamu'ca Jesujsis yʌ'šejta'mbʌ tiyʌ, ñʌmayajayajpa inʌc pʌ'nista'm te' ñe' 'yaŋma'yoquiuy,

San Marcos 1:22

Y te' pʌ'nista'm ñʌmayajayajpa inʌc ñe' 'yaŋma'yoquiuy porque ñe'cʌ's 'yaŋmayajpa wʌpʌ aŋgui'mʌtʌjcupyit y ja'nde' te' aŋgui'mguy-tyayušej.

San Marcos 11:18

Myatoŋyaju te' aŋgui'mguy-tyayu'sta'm y te' sacerdote-cowi'na'sta'm tiyʌta'm chʌjcu Jesujsis y chʌcme'chaju jutz wa'y yajca'yaju. Ña'chajpa inʌc Jesús porque mumu cumgupyʌ'nis ñʌmayajayaju ñe' 'yaŋma'yoquiuy.

San Marcos 6:2

Nu'cu'ca te' sabado-jama, aŋma'yoquiʌ'yu te' judio'sta'm wyindʌjcojmo. Y myatoŋyaju te' wʌwʌta'mbʌ pʌ'nis y ñʌmaya'yaju. Y nʌmyaju: ¿Juta' jeque 'yaŋmayu yʌ'wʌ's yʌ'šejpʌ quipsoquiuy? ¿Y juta' jeque pyʌjcu yʌ'šejpʌ mujsoquiuy? ¿Y jutzayʌ' yʌ' isaŋwʌ'ajcuy ñe' quiʌ'pit tujcupʌ?

San Lucas 2:18

Y mumu myatoŋyajupʌ's te' ñchowambe-coqueñajpapʌ's chame, maya'yaju.

San Lucas 2:46

Tuca'y jamapitmaj pya'tyaju Jesús te' templo'ojmo, aŋgui'mguy-'yaŋma'yoye pʌngucmʌ inʌc pocsu. Quiʌmato'ŋʌyajpa inʌc y quiʌ'aŋwa'quiajpa inʌc Jesujsis.

San Lucas 4:22

Y mumupʌ's wyʌcotzamyaju ñe'cʌ y ñʌmaya'yajpa inʌc porque chamu yajya'moquiuyji'ŋbʌ tzame. Pero nʌmyaju: ¿Ja'nja jequete' yʌ'wʌ te' Jose'is 'yune?

San Lucas 4:32

Y ñʌmayajayajpa inʌc ñe' 'yaŋma'yoquiuy porque chamba inʌc aŋgui'mbapʌšej.

San Juan 7:15

Ñʌmaya'yajpa inʌc judio'sta'm y nʌmyaju: ¿Jutza myuspa yʌ'wʌ's te' Totojaye juca jatyiyʌ 'yaŋmayʌ?

San Juan 7:46

Aŋdzoŋyaju te' policiata'm: Yajujche'cmajtʌs jamyatoŋdʌ'ʌ te'šej tzamdzamnapyapʌ pʌn.