San Lucas 2:26 - Zoque Copainalá New Testament

²⁶ Y yajquenu Espíritu Santo's que ja'n inʌc maŋu quia'u hasta que quienba te' Cristo tʌ Ngomi'sñe'.

San Lucas 2:26 ပူးပေါင်းရင်းမြစ်များ

San Mateo 2:12

Pero angelejsis yajmujšaju y yajqueñaju 'yʌwyo'mo u'ya wyitu'yaju Herodesaŋʌ. Te'cotoya pyʌquiaju eyapʌ tuŋ wa'y myaŋyaju ñe'ta'm ñajsojmo.

San Lucas 2:29

Yʌtij, Señor, sʌ'mnayu'cʌj yajtuŋgʌpʌcʌ, ʌj mis ŋgoyosa, mis ndzamušej.

San Lucas 9:27

Wiyuŋše'ʌsmij ndzamjaytyamba: Ijtu yʌy mi'ojmota'mbʌ ja'n maŋu quia'yajupʌ hasta que quieñajpa jutz aŋgui'mba Dios.

San Juan 1:41

Yʌ' Andrejsis wina pya'tu ñe' 'yatzi Simón y ñʌjayu: Mba'twa'ndʌs te' Mesías (juca ndza'maŋwajpatʌ, sunbate' ñʌmu: Te' Cristo).

San Juan 20:31

Pero yʌ' ja'yʌyajupʌ tiyʌ ja'yʌyu wa'mis nwʌ'aŋjamdamu que Jesuste' te' Cristo, te' Diojsis 'Yune. Y mista'm nwʌ'aŋjamgupyit nite'tzʌytyambamis ñe'cʌ wa'mis mba'ttamu iscuy-quenguy.

San Juan 4:29

Ñʌjayaju: Mindamʌ. Minʌ quendamʌ yʌ' pʌn cʌ'ñʌchambʌ'jawya'mʌj tiyʌta'mamʌs ndzʌjcu. ¿Ja'nsʌ'ŋde' yʌ'wʌ te' Cristo?

San Juan 8:51

Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

Hechos 17:3

y cha'maŋwajayaju, y yajmujšaju te' Totojayepit que pyʌcpapʌte' inʌc wa'y tyoyapʌjcu te' Cristo, y ca'u'ca, wa'y wyinsa'u ca'yajupʌ'ojmoc. Y yʌ' Pablo's 'ya'ŋʌyu y nʌmu: Te' Jesús nʌ'ʌsmij ndzamjaytyamupʌ, te'wʌte' te' Cristo.

Hechos 2:36

Sunba'ʌs wa'y wiyuŋšej myujšaju mumu te' Israel-pʌ'nista'm que quiojtu Diojsis jujcha' Comi y Cristo yʌ' Jesús, ma'mʌytyamupʌmis cruzcʌsi.

Hechos 9:20

Pijche'ctij chamgopuŋgʌ'yu te' Cristo judio'sta'm wyindʌjcojmo, y nʌmgʌ'yu: Yʌ'wʌte' te' Diojsis 'Yune.

Hebreos 11:5

Wyʌ'aŋjamu Enojquis te' Dios, te'cotoya ñʌmaŋu tzajpojmo wa'y jana quia'u. Y yajuta'a jaquieña porque ñʌmaŋu Diojsis. Pero maŋba'cmaj ñʌmaŋu wyʌcotzamba te' Totojaye's que yajtzocopyajcu Dios.