San Lucas 2:14 - Zoque Copainalá New Testament

¹⁴ Wʌcotzamda'mitʌy Dios tzajpojmopʌ, Chi'papʌ's sʌ'mnaquiuy te' najsacopajcʌsita'mbʌ pʌn, te' ñe'cʌ's yajyambapʌ.

San Lucas 2:14 ပူးပေါင်းရင်းမြစ်များ

San Mateo 21:9

Y te' wyi'na'ŋojmo nʌ myaŋyajupʌ's, y 'yucaŋgʌ'mʌc nʌ quio'ŋyajupʌ's weju'c inʌc nʌmyajpa: Viva yʌ' Davijtis 'Yune. Wʌcotzamda'mitʌy yʌ'wʌ yʌy nʌ minupʌ Diojsis ñʌquiʌsi. Viva. Yajwʌcotzamya yʌ'wʌ hasta tzajpojmo ijtyajupʌ's.

San Lucas 1:79

Te'šej maŋba chʌjcu wa'y šʌ'ŋgʌtzʌcjayaju pi'tza'ŋajcu'yojmo ijtyajupʌ's chocoy, te' maŋba inʌc quia'yajupʌ. Y maŋbatʌ tuŋdzi'tamu wa'ytyʌ maŋu sʌ'mnaquiu'yojmo.

San Lucas 19:38

Nʌmyaju: Wʌcotzamda'mitʌy te' Rey yʌy nʌ minupʌ Diojsis ñʌquiʌsi. Sʌ'mnanʌmu tzajpojmo. Yajwʌcotzamya yʌ'wʌ hasta tzajpojmo ijtyajupʌ's.

San Lucas 2:13

Mecša'ŋoyj quejyaju wʌwʌ tzajpojmocta'mbʌ ángeles te' tey ijtupʌ angelesji'ŋ, y nʌ inʌc myʌja'ŋwanjayaju Dios y nʌmyaju:

San Lucas 2:15

Y yʌ'šej jeque tujcu: Maŋyaju te' ángeles tzajpojmo y tzʌ'yaju te' ñchowambe-coqueñajpapʌ. Pijche'ctij nañʌmjayatʌju: Maŋda'mitʌy te' Bele'ŋojmo. Ma'ndʌ ŋguendamu tiyʌyʌ' tujcu, tʌ Ngomi'stʌj yajmustamupʌ.

San Lucas 3:22

Y quenequene'c wanajcu Espíritu Santo ñe'cʌcʌsi wiyuŋšejpʌ palomašej. Y pujtu tzajpojmocpʌ otowe, nʌmupʌ: Mijte' ʌs Une sunbapʌ'ʌs. Mijpi'tʌj tzocopyacpa.

San Juan 14:27

Sunba'ʌs wa'mij sʌ'mnayu'c ittamu, ʌj sʌ'mnayu'c itpašej te'še'ʌs sunba wa'mij sʌ'mnayu'c ittamu. Te' ja'n wyʌ'aŋja'moyapyʌ's ñʌjaytyambamij wa'y ittamu mista'm sʌ'mnaquiuy, pero ʌs ja'ʌs te' najsacopac sʌ'mnaquiuy ndzame. Uy yajopi'ttame mista'm ndzocoy, ni uy na'tztame.

San Juan 17:4

Ʌs nyajqueñajwa'mʌs najsacopajcʌsita'mbʌ pʌn mis mʌja'ŋajcuy. Nyajta'nwa'mʌs te' yoscuy aŋgui'mušejmisʌj wa'yʌs ndzʌjcu.

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

Hechos 10:36

Diojsis quiʌ'weju pʌnda'm wa'y chamgopuŋjayaju te' Israel-pʌnda'm te' evangelio tzi'papʌ'stʌ sʌ'mnaquiuy Jesucristopit. Yʌ'wʌte' te' Cowi'na mumu pʌ'nisñe'.

Romanos 5:1

Justococottamwa'ndʌ Diojsis tʌ nwʌ'aŋjamgupyit, y te'cotoya ittamu tʌ sʌ'mnaquiuy Diojsis wyi'naŋdʌjqui tʌ Ngomi Jesucristopit.

Efesios 1:6

Te'cotoya wʌcotzamda'mitʌy Dios porque sa'sapʌte' te' ñe' yajya'moquiuy. Jenetʌ yajyamdamba jeque porque ñe' šunbapʌ 'Yune'stʌ yajcotzojcu.

Efesios 1:9

Diojsis nʌtʌ yajmustamu tiyʌta'm quipsu y šunu wina wa'y chʌjcu, te' jayajqueyapʌ tiyʌ ya'ajca. Yajmustambatʌ tiyʌta'm quipsu wa'y chʌjcu Cristopit.

Efesios 2:4

Pero Diojsis, jenetʌ to'ya'ŋʌytyamba y sundamba.

Efesios 2:7

Como Diojsistʌ yajyamdamu y yajtumʌtzʌctamu Cristo Jesusji'ŋ, te'cotoya te' minbapʌ aŋsʌ'ŋojmo maŋba yajqueju mumupʌ's wyi'naŋdʌjqui yʌ' yʌ'šejpʌ yajya'moquiuy tʌcotoyata'm.

Filipenses 2:11

Y myuma'ŋgʌ'y wa'y quiowʌ'aŋjamyaju que Jesucristote' te' Comi, y te'šej wa'y myʌja'ŋwʌcotzamyaju tʌ Ndata Dios.

Filipenses 2:13

Y Diojsis pyaquitzi'japya mista'm ndzocoy wa'mis sundamu oyeta'mbʌ tiyʌ, y wa'mis ndzʌctamu šunbašej ñe'cʌ's.

Colosenses 1:20

Y Cristopit yajtumʌtzʌjcu Diojsis mumutiyʌ ñe'cʌcotoya, te' najsacopajcʌsita'mbʌ tiyʌ y te' tzajpojmota'mbʌ, porque ca'u'c te' Cristo cruzcʌsi, 'yumbʌ'u ñʌ'pin pʌngotoyata'm wa'y chʌjcu našunʌtʌjcuy pʌnji'ŋ y Diosji'ŋ.

2 Tesalonicenses 2:16

Tʌ Ngomi Jesucristo's y tʌ Ndata Diojsis sunutʌj y tzamdzocopyaquiajutʌj wa'ytyʌ ndumʌtzocoy njo'cu mumu jama, y paquitzi'utʌj ñe' yajya'moquiupyit.

El Apocalipsis 5:13

Mumu Diojsis yojsaŋ tzapcʌsi ijtyajupʌ, nascʌsita'mbʌ, najsacʌ'mʌta'mbʌ, ma'rojmota'mbʌ y jujche'ŋ tiyʌ's ñʌc'ijtʌyaju, yʌ'ta'mbʌ matoŋu'ʌs nʌ ñʌmyaju: Te' pocsupʌ aŋgui'mʌtʌjcuy-pyocscu'yojmo y te' Ñchowambe Jesucristo yajwʌcotzamya, yajcʌna'tzʌya y yajmʌja'ŋgotzamya, ñe'cʌta'm wa'y 'yaŋgui'moyaju mumu jamacotoya.