San Lucas 2:11 - Zoque Copainalá New Testament

¹¹ Que yʌtij pʌ'naju te' Davijtis quiumgu'yojmo te' maŋbapʌ'smij nyajcotzoctamu, y te'wʌte' te' CRISTO tʌ Ngomi.

San Lucas 2:11 ပူးပေါင်းရင်းမြစ်များ

San Mateo 1:16

Te' Jacojpis 'yune José, te' Maria's jyayaj. Y Maria's yajpʌ'naju Jesús, ñʌjayajpapʌ Cristo.

San Mateo 1:21

Maŋba ya'ijtu te' 'yune, y maŋbamis ŋgotjayu ñʌy JESUS, porque ñe'cʌ's maŋba yajcotzojcu te' pyʌnda'm quiowa'ojmoc.

San Mateo 16:16

Y 'yaŋdzoŋu te' Simón Pedro's, y nʌmu: Mijte' te' Cristo te' quenbapʌ Diojsis 'Yune.

San Mateo 16:20

Pijche'ca aŋgui'mutʌj, tʌj te' quiʌ'aŋmayeta'm, uytyʌs ya'iwʌ ndzamjayu que ñe'cʌte' te' Jesús, te' Cristo.

San Lucas 1:43

¿Iwa'mʌjyʌ' wa'y ʌs Ngomi's ñana'sʌj cʌ'minu wa'yʌj dyujchi'u?

San Lucas 1:69

Y ñe'cʌ'stʌ tzi'tamu tumʌ yajcotzojco'yoye, pʌmi'ʌyupʌ mumutiyʌcʌsi, Ñe' quioyospapʌ Davijtis wyinboya'ojmocpʌ.

San Lucas 2:26

Y yajquenu Espíritu Santo's que ja'n inʌc maŋu quia'u hasta que quienba te' Cristo tʌ Ngomi'sñe'.

San Lucas 2:4

Ijtu inʌc cumguy Galilea-najsojmo ñʌjayajpapʌ Nazaret. Teymʌ tzu'cumu José y maŋu Judea-najsojmo, y nu'cu Beleŋ-gumgu'yojmo pʌ'najumʌy inʌc David, porque José, Davijtiste' inʌc fyamilia's wyinboya.

San Juan 1:41

Yʌ' Andrejsis wina pya'tu ñe' 'yatzi Simón y ñʌjayu: Mba'twa'ndʌs te' Mesías (juca ndza'maŋwajpatʌ, sunbate' ñʌmu: Te' Cristo).

San Juan 1:45

Yʌ' Felipe's pya'tu Natanael y ñʌjayu: Mba'twa'ndʌs te' Jesús, te' Nazarejtojmopʌ Jose'is 'yune. Yʌ' Jesuste' te' jya'yʌyupʌ Moisejsis te' aŋgui'mgu'yojmo, y te' jya'yʌyajque'tupʌ te' tza'maŋwa'oye'sta'm.

San Juan 11:27

Ñʌjayu Marta's: Ʌs nwʌ'aŋjamwa'mʌs que mijte' te' Cristo, Diojsis 'Yune, te' maŋbapʌ inʌc minu najsacopajcʌsi.

San Juan 20:31

Pero yʌ' ja'yʌyajupʌ tiyʌ ja'yʌyu wa'mis nwʌ'aŋjamdamu que Jesuste' te' Cristo, te' Diojsis 'Yune. Y mista'm nwʌ'aŋjamgupyit nite'tzʌytyambamis ñe'cʌ wa'mis mba'ttamu iscuy-quenguy.

San Juan 4:25

Ñʌjayu te' yomo's: Muspa'ʌs que maŋba minu te' Mesías, te' ñʌjayajpapʌ Cristo. Minba'ca ñe'cʌ, maŋbatʌj tza'maŋwajpʌ'jayu mumutiyʌ.

San Juan 4:42

Y ñʌjayaju te' yomo: yʌtij nwʌ'aŋjambatʌs ja'n na' mis ndzamupʌ tiyʌpit, sino que ne'cʌtʌs matoŋwa'a ŋgowipit. Te'cotoya muspa'ndʌs que yʌ'wʌte' te' Cristo, te' yajcotzocpapʌ's najsacopajcʌsita'mbʌ.

San Juan 6:69

Y tʌs nwʌ'aŋjambatʌs y ispʌcbatʌsmij que mijte' te' Cristo. Mijte' te' Diojsis 'Yune, te' Diojsis ñe' pyʌmipit quengu'yʌyupʌ.

San Juan 7:41

Eyata'mbʌ nʌmyaju: Yʌ'wʌte' te' Cristo. Pero metza tuca'y pʌn nʌmyajque'tu: ¿Galilea'ojmocja jeque maŋba quieju te' Cristo?

Hechos 10:36

Diojsis quiʌ'weju pʌnda'm wa'y chamgopuŋjayaju te' Israel-pʌnda'm te' evangelio tzi'papʌ'stʌ sʌ'mnaquiuy Jesucristopit. Yʌ'wʌte' te' Cowi'na mumu pʌ'nisñe'.

Hechos 13:23

Y Davijtis wyinboya'ojmoc yajtzu'cumu Diojsis te' Jesús wa'y yajcotzojcu Israel-pʌnda'm, ñe'cʌ's chamdzi'oquia'ušej.

Hechos 17:3

y cha'maŋwajayaju, y yajmujšaju te' Totojayepit que pyʌcpapʌte' inʌc wa'y tyoyapʌjcu te' Cristo, y ca'u'ca, wa'y wyinsa'u ca'yajupʌ'ojmoc. Y yʌ' Pablo's 'ya'ŋʌyu y nʌmu: Te' Jesús nʌ'ʌsmij ndzamjaytyamupʌ, te'wʌte' te' Cristo.

Hechos 2:36

Sunba'ʌs wa'y wiyuŋšej myujšaju mumu te' Israel-pʌ'nista'm que quiojtu Diojsis jujcha' Comi y Cristo yʌ' Jesús, ma'mʌytyamupʌmis cruzcʌsi.

Hechos 5:31

Y yʌ'wʌ yajmʌja'ŋaju Diojsis ñe' chʌ'na'ŋojmo y quiojtu jujcha' Rey y Yajcotzojcopyapʌ wa'y yajquipswitu'u te' Israel-pʌnda'm y wa'y yajcotocoyjayu ñe'cʌ's te' quiowa.

1 Corintios 15:47

Te' winbʌ pʌn nascʌsipʌ, y naspʌte'. Y te' myetzo'mopʌ, tʌta'mde' Ngomi, te' minupʌ tzajpojmoc.

Filipenses 2:11

Y myuma'ŋgʌ'y wa'y quiowʌ'aŋjamyaju que Jesucristote' te' Comi, y te'šej wa'y myʌja'ŋwʌcotzamyaju tʌ Ndata Dios.

Filipenses 3:8

Wiyuŋšej mumu yʌ'šejta'mbʌ tiyʌ tocoquiuyše'amʌs nʌ'ijtyaju porque más oye wa'yʌs wiyuŋšej ndumʌtzocoy ispʌjcu Cristo Jesús, ʌs Ngomi. Ñe'cʌcotoya mumutiya'mʌs tocoyupʌ tiyʌšej ndzajcu, y putziše'amʌs ŋgomʌ'pya wa'ytyi'ʌs ndumʌtzocoy nite'tzʌyu yʌ' Cristo.

Colosenses 2:6

Como mbʌjcʌchoŋdamumis nwʌ'aŋjamgupyit tʌ Ngomi Jesucristo, te'šej tu'ŋajojcʌtʌctamʌ ñe'cʌji'ŋ.

1 Juan 4:14

Y tʌs ŋguenutʌs te' Diojsis 'Yune, y ndzamgopuŋbatʌs que te' Tata Diojsis quiʌ'weju te' 'Yune wa'y minu yajcotzojcu te' najsacopajcʌsita'mbʌ.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.