San Lucas 2:10 - Zoque Copainalá New Testament

¹⁰ Pero te' angelejsis ñʌjayaju: Uy na'tztame, porque minu'ʌsmij nyajmustamu oyeta'mbʌ tiyʌ yajtzi'ŋbʌ'papʌ's mumu pʌn:

San Lucas 2:10 ပူးပေါင်းရင်းမြစ်များ

San Mateo 14:27

Pijche'ctij Jesujsis oto'ŋʌyutʌj, y nʌmu: Uy tzocomyocha'tame. Ʌjyʌ', uy na'tztame.

San Mateo 28:18

Y ca'ŋmi'ŋa'ŋʌyu Jesús wa'ytyʌj oto'ŋʌyu y nʌjayutʌj: Ʌs Ndata Diojsis tzi'u'ʌj aŋgui'mʌtʌjcuy wa'yʌj aŋgui'moyu tzajpojmo y najsacopajcʌsi.

San Mateo 28:5

Y te' angelejsis ñʌjayaju te' yomota'm: Uy na'tztame, porque muspa'ʌs que nʌmis me'tztamu Jesús, te' mya'mʌyajupʌ cruzcʌsi.

San Marcos 1:15

Y nʌmba inʌc: Ta'nwa'nde' te' aŋsʌŋ. Jʌ'nʌ'a maŋba 'yaŋgui'moyu Dios. Quipswitu'tamʌ, wʌ'aŋjamdamʌ te' evangelio.

San Marcos 16:15

Y ñʌjayaju Jesujsis: Maŋdamʌ naswindumʌ, tzamgopuŋdamʌ te' evangelio mumu pʌ'nojmo.

San Lucas 1:13

Pero ñʌjayu te' angelejsis: Uy na'tze, Zacarías, porque Diojsis myatoŋwa'a nʌmis oto'ŋʌyu'c y maŋba ijtu 'yune mis nyomo Elisabejtis y maŋbamis ŋgotjayu ñʌy, Juan.

San Lucas 1:19

Y te' angelejsis 'yaŋdzoŋu: Ʌjte' te' Gabriel, Diojsis wyi'na'ŋoyj itpapʌ, y ñe'cʌ'sʌj cʌ'weju wa'yʌsmij minu ndzamjayu yʌ' oyeta'mbʌ tiyʌ.

San Lucas 1:30

Pijche'cande' te' angelejsis ñʌjayu: Uy na'tze, María, porque ñchʌ'yumij oye Diojsis wyi'naŋdʌjqui.

San Lucas 2:11

Que yʌtij pʌ'naju te' Davijtis quiumgu'yojmo te' maŋbapʌ'smij nyajcotzoctamu, y te'wʌte' te' CRISTO tʌ Ngomi.

San Lucas 24:47

Y pyʌcpa wa'y chamgopuŋyaju ñe' ñʌquiʌsi wa'y quipswitu'yaju, y wa'y yajcotocoyjayatʌju Diojsis te' quiowa mumu pʌ'nista'mñe', y wa'y ñʌcʌtzo'chaju wa'y chamgopuŋyaju Jerusale'ŋojmo.

San Lucas 8:1

Y jʌsa'ca maŋu wyijtu Jesús tumdumʌ cumgu'yojmo y ribera'ojmo wa'y chamgopuŋu y cha'maŋwaju te' evangelio, chambapʌ's jutz aŋgui'mba Dios. Ñe'cʌji'ŋ maŋyaju te' macwʌstʌjca'ytya'mbʌ pʌn.

Hechos 13:32

Te'šejtijque' tʌs ndzamgopuŋjaytyambatʌsmij que oyepʌ tiyʌte' te' chamdzi'jayatʌjupʌ tʌ ndatajta'm.

Romanos 10:15

¿Y jutza' jeque maŋba chamgopuŋyaju te' pʌ'nis juca ja'n quiʌ'wejyatʌy? Yʌ'šej ja'yʌyu: Jene sa'sata'm ñe'ŋbac te' chamgopuŋyajpapʌ's te' evangelio tzi'papʌ'stʌ sʌ'mnaquiuy, y te' chamgopuŋyajpapʌ's oyeta'mbʌ tiyʌ.

Efesios 3:8

Ñempe'ʌj más cʌmaŋ que ja'nde' te' más cʌmaŋda'mbʌ masanbʌn, pero Diojsisʌj tzi'u yʌ' yajya'moquiuy wa'yʌsmij ndzamgopuŋjaytyamu yʌ' evangelio mijta'm, gentil-pʌn. Tzi'u'ʌj jeque wa'yʌsmij ndzamjaytyamu jutzte' mʌja'ŋ te' Cristo's yajya'moquiuy mijcotoyata'm.

Colosenses 1:23

Yʌ'šejmij jeque muspa ittamu juca wiyuŋšej paqui mij ittamu te' Cristocʌsipʌ wʌ'aŋja'moquiu'yojmo, y juca nʌmis njo'cjojcʌtʌctamu te' chambapʌ tiyʌ te' evangelio's, te' matoŋušejmis wina. Y yʌ' evangelio nʌ quiopuŋu mumu naswindumʌpʌ pʌ'nojmo. Y ʌj Pablo, Diojsisʌjyʌ' cʌ'weju wa'yʌs ndzamgopuŋu yʌ' evangelio.