San Lucas 2:1 - Zoque Copainalá New Testament

¹ Y yʌ'šej tujcu ʌ'ta'mbʌ jamo'oyj, quiojtu aŋgui'mguy Augusto Cesa'ris wa'y naswindumʌ jyapyʌjcoyaju.

San Lucas 2:1 ပူးပေါင်းရင်းမြစ်များ

San Mateo 22:17

Tzamjatʌj jeque: ¿Tiyʌ ŋguipspa mis? ¿Yajwinducpasʌ'ŋdʌ aŋgui'mgu'yis uytyʌ ŋgocoyo'oyu rey Cesarcʌsi, o ja'ne?

San Mateo 24:14

Y naswindumʌ maŋba chamgopuŋyaju te' evangelio chambapʌ's jutz aŋgui'mba Dios, wa'y myujšaju mumu najsacopajcʌsita'mbʌ pʌ'nis. Pijche'cte' maŋba yaju najsacopac.

San Marcos 14:9

Wiyuŋše'ʌsmij ndzamjaytyamba, que mumu jutʌta'm chamgopuŋyajpa te' evangelio najsacopajcʌsi, te'šejtijque' maŋba chamyaju yʌ' yomo's chʌjcupʌ tiyʌ wa'y jyamwʌtzʌquiaju ñe'cʌ.

San Marcos 16:15

Y ñʌjayaju Jesujsis: Maŋdamʌ naswindumʌ, tzamgopuŋdamʌ te' evangelio mumu pʌ'nojmo.

San Lucas 2:3

Y mumu pʌn maŋyaju wa'y jyapyʌquiatʌju tumdumʌ cumguy jutʌta'm quiowindzʌmyajpa.

San Lucas 2:5

Maŋu te' José Mariaji'ŋ wa'y jyapyʌcjayatʌju te' ñʌy, y emprendatzʌquiaju'cmajte', y checji'ŋ inʌc María.

San Lucas 3:1

Yʌjta'y ame'a nʌ myʌja'ŋaŋgui'moyu'c Tiberio César, te' Poncio Pilato gobernadorte' inʌc Judea-najsojmo, y te' Herodes gobernadorte' inʌc Galilea-najsojmo. Y Herodejsis pyotzo Felipe nʌ inʌc 'yaŋgui'moyu Iturea y Traconite-najsojmo, y Lisanias nʌ inʌc 'yaŋgui'moyu Abilinia-najsojmo.

Hechos 11:28

Y tenaqui'mu ñe'co'mocta'mbʌ tuma'ŋbʌn ñʌjayajpapʌ Agabo, y cha'maŋwaju Espíritu Santopit que maŋba inʌc ijtu maya'aŋbʌ yu' mumu nascʌsita'mbʌ pʌ'nojmo. Yʌ'šej tujcu nʌ 'yaŋgui'moyu'c te' Claudio.

Hechos 25:11

Juca ndzʌjcu'ʌs tiyʌ'iwʌ cowa pyʌcpapʌ's wa'yʌj yajca'yaju, ja'nʌj nje'ŋe wa'yʌj ŋga'u. Pero juca yajtiyʌ ŋgowa'ʌs ja'ndiyʌ yʌ'ta'mbʌ'sʌj nicotza'mʌyajpašej, ya'iwʌ'sʌj ja'n musi tzi'oquia'u ñe'cʌcʌsita'm. Cesa'raŋʌ ʌj maŋba.

Hechos 25:21

Pero wya'cu Pablo's te'šejmaj wa'y chʌ'yu Augusto'sa wa'y quiʌme'tzu. Ngojtu'ʌs aŋgui'mguy wa'y quioqueñaju hasta que ŋgʌ'wejpa'ʌs Cesa'raŋʌ.

Romanos 1:8

Wina'ʌs nʌjapya Dios yʌscotoya Jesucristopit mumu mijcotoyata'm porque cʌ'ŋʌpa chamyajpa naswindumʌ jutzmij nwyʌ'aŋja'moytyamba.

Filipenses 4:22

Mumu te' yʌytya'mbʌ wʌ'aŋja'moye's ñdyujchi'ʌtʌjtambamij, y nimeque'ctij te' rey Cesa'ris tyʌjcaŋʌ yojšajpapʌ's.