San Lucas 18:23 - Zoque Copainalá New Testament

²³ Ñe'cʌ's myatoŋu yʌ'šej y jene triste'aju, porque jene itʌpa'tupʌte' inʌc.

San Lucas 18:23 ပူးပေါင်းရင်းမြစ်များ

San Mateo 19:22

Myatoŋu'ctij te' jaya-une's yʌ'šej, triste tzu'cumu porque jene itʌpa'tupʌte' inʌc.

San Marcos 10:22

Pero myatoŋu'ctij ñe'cʌ's yʌ'šej, tuyuquiʌñe'cu y tzu'cumu porque jene itʌpa'tupʌte' inʌc.

San Lucas 12:15

Y ñʌjayaju: Coquendamʌ cuenta, umis aŋsundamu itʌpa'tcuy. Porque wa'y ñʌ'ijtu pʌ'nis wʌwʌ yosquejupʌ tiyʌ, ja'nde' te'wʌ te' quienguy.

San Lucas 18:22

Y myatoŋu'ca Jesujsis yʌ'šej, ñʌjayu: Faltamaj tumʌpʌ tiyʌ. Ma ma'ʌpyʌ'ʌ ndiyʌta'm mis ijtu, y tzi'ya te' tumin te' yacsnuwijtyajpapʌ. Te'šej maŋbamij itʌpa'tu tzajpojmo. Y minʌ co'ŋa'ʌj.

San Lucas 18:24

Quienu Jesujsis jutz tuyuquiʌñe'cu y nʌmu: Penapit maŋba tyʌjcʌyaju te' itʌpa'tyajupʌ te' aŋgui'mbamʌy Dios.

San Lucas 19:8

Pijche'ca Zaqueo's tenayu'c ñʌjayu tʌ Ngomi: Señor, jujche'ŋ ijtu ʌs ndiyʌjanatiyʌ, cucwene ndzi'yajpa'ʌs pobreta'm. Juca aŋgoma'cʌwya'mʌs iwʌjutiwʌ tiyʌ'iwʌcʌsi, nyajwitu'pa'ʌs macšcu'y ñaca te'še'ŋ.

San Lucas 21:34

Coquendamʌ cuenta ndzoco'yojmo, uy quipsjojcʌtʌctame cu'tco'tzco'tznaquiuy ni te' no'tcuy ni yʌ' najsacopajcʌsipʌ yoscuy, uytya'mij te'šej nʌ ŋguipsoytyamu'c maŋba ñu'cu tumnacacʌsi te' pijche'cpʌ jama.

San Lucas 8:14

Y te' tʌmbu cuñajupʌ apijtojmo, yʌ'wʌte' te' pʌnda'm myatoŋyajupʌ's te' tzame pero nʌ'ca ñʌtu'ŋajyaju'c, minba yajsucsca'yaju te' yosjojcʌtʌjcu'yis y itʌpa'tcu'yis y sʌ'ŋajcu'yis, y ja'n tyʌ'may te' tzame.

Efesios 5:5

Wiyuŋšej mustamba'mis que ja'n maŋu pyʌjcʌchoŋyaju yajtiyʌ aŋgui'mbamʌy Dios Cristoji'ŋ te' ispʌquitzʌcpapʌ's, ni te' chʌcpapʌ's mʌjša'ŋda'mbʌ tiyʌ ni te' ni'aŋsu'nopyapʌ's, porque te' ni'aŋsu'nopyapʌ's ja'n šuni Dios, eyata'mbʌ tiyʌ 'yaŋsunba.

Filipenses 3:8

Wiyuŋšej mumu yʌ'šejta'mbʌ tiyʌ tocoquiuyše'amʌs nʌ'ijtyaju porque más oye wa'yʌs wiyuŋšej ndumʌtzocoy ispʌjcu Cristo Jesús, ʌs Ngomi. Ñe'cʌcotoya mumutiya'mʌs tocoyupʌ tiyʌšej ndzajcu, y putziše'amʌs ŋgomʌ'pya wa'ytyi'ʌs ndumʌtzocoy nite'tzʌyu yʌ' Cristo.

Colosenses 3:5

Te'cotoya yajʌcʌ'tamʌ mis ne'ta'm yatzipʌ su'noquiuy ndzoco'yojmo: te' ispʌquitzʌjcuy, te' tzi'sʌmguy, te' jaragan itcuy y eyata'mbʌ tiyʌ mʌjša'ŋda'mbʌ. Y uy aŋsundame yatzita'mbʌ tiyʌ ni uy ni'aŋsundame ndʌwʌ porque juca te'šej mis ndzʌctamba, ja'nmis nʌ sundamu Cristo pyʌcpašej.

1 Juan 2:15

Uy tzi'tame ndzocoy te' yatzipʌ najsacopac, ni uy cʌñʌñdyame najsacopajcʌsita'mbʌ tiyʌ. Juca iwʌ's chi'pa chocoy najsacopac, tʌ Ndata Diojsis šu'noquiuy ja'ndiyʌmaj yʌ' pʌ'nis choco'yojmo.