San Lucas 18:14 - Zoque Copainalá New Testament

¹⁴ Ʌsmij nʌjaytyamba que yʌ'wʌ justopa' wanajcu ñe' tyʌjcaŋʌ, y te' eyapʌ, ja'ne. Porque iwʌ's myʌja'ŋgomʌ'pya wyin, maŋba yajcʌma'ŋajyaju. Y iwʌ's quiʌmaŋdzʌcpa wyin, maŋba yajmʌja'ŋajyaju.

San Lucas 18:14 ပူးပေါင်းရင်းမြစ်များ

San Mateo 23:12

Porque iwʌ's myʌja'ŋgomʌ'pya wyin, te'wʌ maŋba yajcʌma'ŋajyaju. Y iwʌ's quiʌmaŋdzʌcpa wyin, te'wʌ maŋba yajmʌja'ŋajyaju.

San Mateo 5:3

Dichoso te' ñʌctʌ'yajpapʌ's que ja'ndiyʌ oyepʌ tiyʌ choco'yojmota'm, porque ñe'cʌcotoyata'mde' te' aŋgui'mbaše'ŋ te' tzajpojmopʌ Dios.

San Lucas 1:52

Yajʌcʌ'jayaju te' 'yaŋgui'mʌtʌjcuy te' aŋgui'myajpapʌ'sñe', y yajmʌja'ŋajyaju te' yumijta'mbʌ.

San Lucas 10:29

Pero ñe'cʌ's, como sunba inʌc 'yoyecocojtu wyin, ñʌjayu te' Jesús: ¿Iwa'sʌ'ŋde' ʌs ndʌwʌ?

San Lucas 14:11

Porque iwʌ's myʌja'ŋgomʌ'pya wyin, maŋba yajcʌma'ŋajyaju. Y iwʌ's quiʌmaŋdzʌcpa wyin, maŋba yajmʌja'ŋajyaju.

San Lucas 16:15

Pero ñe'cʌ's ñʌjayaju: Mista'm, oyecocottambamis ne' nwin pʌ'nista'm wyi'naŋdʌjqui, pero ispʌcpa Diojsis tiyʌ mis sundamba ndzoco'yojmo. Tiyʌ myʌja'ŋgomʌ'yajpa pʌ'nis, qui'nispa Diojsis.

Romanos 3:20

Porque ñempetʌ inʌc ŋgojamdamʌ te' aŋgui'mguy, ja'n te'wʌcotoya tʌ maŋba justococojtu Diojsis, porque te' aŋgui'mgupyit muspatʌ que cowatzʌquita'mdʌyʌ'.

Romanos 4:5

Pero iwʌ's ja'n chʌqui oyepʌ tzʌqui, pero wyʌ'aŋjamba Dios, te' jyustococotpapʌ's te' cowatzʌqui, ñʌcma'yʌpya Diojsis justopʌšej te' wyʌ'aŋjamgupyit.

Romanos 5:1

Justococottamwa'ndʌ Diojsis tʌ nwʌ'aŋjamgupyit, y te'cotoya ittamu tʌ sʌ'mnaquiuy Diojsis wyi'naŋdʌjqui tʌ Ngomi Jesucristopit.

Romanos 8:33

¿Iwʌ'sasʌ'ŋ ñicotza'mʌyjayajpa Diojsista'm quiopiwi? Te'ta'mbʌ Diojsiste' jyustococojtyajpapʌ.

Gálatas 2:16

Pero mustambatʌ que Diojsis ja'n jyustococote te' pʌnda'm te' ñe'ta'm chʌquipit ñempe quiojamyajpa te' Moisejsis 'yaŋgui'mguy, sino que jyustococojtyajpa porque wyʌ'aŋjamyajpa Jesucristo. Te'cotoya tʌta'm nwʌ'aŋjambatʌ Jesucristo wa'ytyʌ justococojtu Diojsis porque nwʌ'aŋjamdambatʌ ñe'cʌ y ja'n tʌta'm ndzʌquipit porque ŋgojamdambatʌ te' aŋgui'mguy. Ja'n jyustococote ni'iwʌ pʌn ñe' chʌquipit ñempe chʌcʌ te' chambašej te' aŋgui'mgu'yis.

Santiago 4:10

Yajyumi'ajtamʌ nwin tʌ Ngomi's wyi'naŋdʌjqui, y ñe'cʌ'smij maŋba nyajmʌja'ŋajtamu.

Santiago 4:6

Y Diojsis maya'aŋdʌ yajyamba wa'ytyʌ pʌmitzi'tamu. Yʌ'šej chamba Totojaye's: 'Yotoŋwinduquiajpa Diojsis te' myʌja'ŋdzʌquiajpapʌ's wyin y yajyamba te' yumijta'mbʌ wa'y pyʌmipʌquiaju.