San Lucas 18:13 - Zoque Copainalá New Testament

¹³ Pero te' tze'copyapʌ ya'amyʌctij ja'n inʌc suni quiengui'mu tzajpojmo. Y cucpac pu'ŋu'c inʌc nʌmba: Dios, to'ya'ŋʌ'ʌj, porque cowatzʌquipʌ pʌ'nʌjyʌ'.

San Lucas 18:13 ပူးပေါင်းရင်းမြစ်များ

San Mateo 10:3

Te' Felipe y te' Bartolomé, te' Tomás, y ʌj Mateo te' tze'copyawʌ. Te' Jacobo te' Alfeo's 'yune, y te' Lebeo te' a'ŋʌyupʌ's ñʌy Tadeo.

San Mateo 6:5

Y oto'ŋʌpya'cmis Dios uy tzʌqui chʌquiajpašej wʌ'aŋjamba chʌcpa'sta'm. Te'ta'mbʌ tenayajpa judio'sta'm wyindʌjcojmo y jojtuŋ-aŋguinʌcʌsi, y tey tenayu'c ñʌ'omyajpa wa'y quionucsoyaju. Te'šej chʌquiajpa wa'ytyij quieñaju pʌ'nista'm. Wiyuŋše'ʌsmij ndzamjaytyamba: Te'ta'mbʌ's ijtyajwa'a quioyowa.

San Mateo 9:13

Ma aŋmaytyamʌ jutz sunba ñʌmu yʌ'šej: Sunba'ʌs wa'mij ñdyo'ya'ŋʌ'oytyamu, y ja'n copʌn-yajca'oquiupyʌ cʌna'tzʌ'oquiuy. Jaminʌ'ʌs me'cha justota'mbʌ sino que te' cowatzʌquita'mbʌ wa'y quipswitu'yaju.

San Marcos 11:25

Y oto'ŋʌytyamba'cmis Dios, yajcotocoytyamʌ ndʌwʌ juca tiyʌ'iwʌcʌsimij njyojtʌjcʌyu. Tzʌctamʌ te'šej wa'y tʌ Ndataj tzajpojmo ijtupʌ's yajcotocoyjaquie'tu mista'm ŋgowa.

San Lucas 17:12

Tʌjcʌyu tumʌco cumgu'yojmo y minu choŋyaju majca'y pʌ'nis yatziputzi'ʌyajupʌ. Y te'ta'mbʌ ya'amyʌctij tenachʌ'yaju.

San Lucas 22:41

Jesujsis quia'ŋdzaquiaju ndʌŋnu'cpaše'ŋojmotʌ tza'. Cutcʌne'cu tey y 'yoto'ŋʌyu Dios.

San Lucas 23:48

Y mumu te' tey no'tznayajupʌ wi'na'ŋoyj nʌ quieñajupʌ's quieñaju tiyʌ tujcu y cucpac pu'ŋu'c maŋyaju.

San Lucas 5:8

Y quienu'ca te'šej Simón Pedro's, quiutcʌne'cjayu Jesús y ñʌjayu: Uy tumʌtzʌqui ʌji'ŋ Señor, porque ʌj cowatzʌquipʌ pʌ'nʌjyʌ'.

Hechos 2:37

Myatoŋyaju'ca yʌ'šej, sʌ'myaju chocoy y ñʌjayaju Pedro y te' eyata'mbʌ cʌ'wej: Atzita'm ¿tiya'ndʌs ndzʌcpa?

Romanos 5:8

Pero yajqueju Diojsis que sundambatʌ porque ñempetʌ cowatzʌquita'm Cristo'stʌ minu coca'tamu.

2 Corintios 7:11

Quipstamʌ jeque jutz yojsu mijcotoyata'm yʌ' tuyu'yoquiuy šunbašej Diojsis. Yojsu mista'm ndzoco'yojmo wa'mis ŋgoquiptamu nwin, y wa'mis nʌqui'šca'tamu te' cowa. Yojsu wa'mij ña'tzu tiyʌte' maŋba ŋguiʌtʌcjaytyamu. Sundambamis inʌc wa'yʌsmij nyajcotocoyu. Yojsu wa'mis ndumʌtzocoy ŋgʌme'tztamu te' cowacʌsi y wa'mis nyajco'aŋgʌytyamu te' chʌjcupʌ's. Yʌ'šej mis nyajquejtamba que ja'ndiya' mista'm ŋgowa.

1 Timoteo 1:15

Yʌ'wʌ jeque wiyuŋšejpʌ tzameyʌ', y pyʌcpa wa'y tyumʌtzocoy pyʌjcʌchoŋu mumu pʌ'nis. Wiyuŋšej, te' Cristo Jesús minu najsacopajcʌsi wa'y yajcotzojcu cowapa'tyajupʌ, y te'wo'mocta'm ʌjte' te' más cowatzʌqui.

Hebreos 4:16

Te'cotoya pyʌcpa wa'ytyʌ jana na'chcuy oto'ŋʌytyamu Dios. Y ñe'cʌ'stʌ maŋba tzi'tamu yajya'moquiuy. Y te' ñe' yajya'moquiupyittʌ maŋba to'ya'ŋʌytyamu y cotzoŋdamu nʌše'ŋdʌ sundamu.

Hebreos 8:12

Porque maŋba'ʌs ndo'ya'ŋʌyaju te' cowatzʌquita'mbʌ. Y yajujche'camʌs ja'n maŋu njamwʌtzʌcjayaju ni quiowa ni yacha'cuy.