San Lucas 18:11 - Zoque Copainalá New Testament

¹¹ Te' fariseo tenayu'c inʌc conucsopya ñaytyumʌ. Y nʌmgʌ'yu: Dios, yʌscotoya mis ndzʌcpa porque ja'nʌj eyata'mbʌ pʌnšej. Cota'nupʌ'ʌjyʌ', ja'nʌj nu'mi, ni ja'nʌj ŋgʌtzʌjcʌ'oy, ni ja'nʌj yʌ' tze'copyapʌ pʌnšej.

San Lucas 18:11 ပူးပေါင်းရင်းမြစ်များ

San Mateo 10:3

Te' Felipe y te' Bartolomé, te' Tomás, y ʌj Mateo te' tze'copyawʌ. Te' Jacobo te' Alfeo's 'yune, y te' Lebeo te' a'ŋʌyupʌ's ñʌy Tadeo.

San Mateo 5:20

Porque ʌsmij nʌjaytyamba que juca ja'nmij más njyustota'm que ja'nde' te' aŋgui'mguy-tyayu, y que ja'nde' fariseota'm, ja'nmij maŋu ñdyʌjcʌytyamu aŋgui'mbamʌy te' tzajpojmopʌ Dios.

San Mateo 6:5

Y oto'ŋʌpya'cmis Dios uy tzʌqui chʌquiajpašej wʌ'aŋjamba chʌcpa'sta'm. Te'ta'mbʌ tenayajpa judio'sta'm wyindʌjcojmo y jojtuŋ-aŋguinʌcʌsi, y tey tenayu'c ñʌ'omyajpa wa'y quionucsoyaju. Te'šej chʌquiajpa wa'ytyij quieñaju pʌ'nista'm. Wiyuŋše'ʌsmij ndzamjaytyamba: Te'ta'mbʌ's ijtyajwa'a quioyowa.

San Marcos 11:25

Y oto'ŋʌytyamba'cmis Dios, yajcotocoytyamʌ ndʌwʌ juca tiyʌ'iwʌcʌsimij njyojtʌjcʌyu. Tzʌctamʌ te'šej wa'y tʌ Ndataj tzajpojmo ijtupʌ's yajcotocoyjaquie'tu mista'm ŋgowa.

San Lucas 20:47

Yʌ'ta'mbʌ's ñicu'tpʌ'yajpa se'aŋ-yomota'm, y chʌquiajpa pʌytya'mbʌ conucsoquiuy wa'y cha'maŋjamyaju. Te'cotoya más wʌwʌ maŋba quio'aŋgʌyaju.

San Lucas 22:41

Jesujsis quia'ŋdzaquiaju ndʌŋnu'cpaše'ŋojmotʌ tza'. Cutcʌne'cu tey y 'yoto'ŋʌyu Dios.

Gálatas 3:10

Jujche'ŋ ñite'tzʌyajpapʌ's que Diojsis maŋba jyustococojtyaju porque myato'ŋoyjayajpa te' aŋgui'mguy, tocoyajupa'nde' Diojsis wyi'naŋdʌjqui. Porque yʌ'šej chamba Totojaye's: Tocoyupa'nde' Diojsis wyi'naŋdʌjqui iwʌ'sta'mis ja'n chʌcjojcʌtʌquiay mumu jujche'ŋ ja'yʌyu aŋgui'mguy-libro'ojmo.

Filipenses 3:6

Jene ŋgʌjoŋba'ʌs inʌc ne' religión, y nyacsnutzʌquiajpa'ʌs inʌc te' tu'mʌyajpapʌ Diojsis ñʌquiʌsi. Y juca inʌjcʌs cʌme'chaju te' aŋgui'mgupyit japya'tjaya inʌc nijutzpʌ ʌs ŋgowa.

El Apocalipsis 3:17

Mij jeque, ñʌmdambamij: Ʌs itwa'mʌs mumu ndiyʌ, rico'ajwa'mʌj, y ja'namʌs yajtiyʌcʌsi ŋguene toya. Y te'šejmij ñʌmdamba porque ja'nmis nʌctʌ'ytyame que mij mbyʌnducuta'm mij, ja'ndita'm mis nyajndiyʌ, ñdyumindacata'm mij, ñdyo'tita'm mij y ñicotacata'm mij.