San Lucas 18:1 - Zoque Copainalá New Testament

¹ Chamjayajque'tu Jesujsis tumʌ comparación que ijtupʌte' pyena wa'ytyʌ oto'ŋʌyu Dios mumu jama y uytyʌ ndzocomyocha'tamu.

San Lucas 18:1 ပူးပေါင်းရင်းမြစ်များ

San Lucas 11:10

Porque iwʌ's wya'cpa tiyʌ'iwʌ, pyʌjcʌchoŋba. Y iwʌ's mye'tzpa, pya'tpa. Y iwʌ wejwindzo'ŋopya, 'yaŋdzoŋyajpa.

San Lucas 21:36

Coquendamʌ cuenta jeque. Oto'ŋʌyjojcʌtʌctamʌ Dios tumdumʌ jama wa'mij ñe'cʌ's ñʌcma'yʌytyamu jujcha' myerecetzʌcpapʌ's cotzojcuy, y wa'mis mbʌ'mgopajcʌytyamu mumu yʌ'šejta'mbʌ toya maŋba miñajupʌ. Te'šej jana na'chcuy mij maŋba 'yaŋguejtamu, ʌj te' Pʌ'nis 'Yune's wyi'naŋdʌjqui.

Romanos 12:12

Oma'oma jo'ctamʌ tʌ Ngomi. Pʌ'mgopajcʌytyamʌ toyapʌjcuy. Oto'ŋʌytyamʌ Dios mumu jama.

2 Corintios 4:1

Te'wʌcotoya, como nʌtʌj nyojsu te' evangeliocotoya, y como to'ya'ŋʌyutʌj Diojsis, ja'ndʌj mochcʌtʌwi ndzoco'yojmo.

Gálatas 6:9

Te'cotoya uytyʌ ndzocomyocha'tamu, sino que ndzʌcta'mitʌy oyeta'mbʌ tiyʌ, porque nu'cpa'cande' te' aŋsʌŋ maŋbatʌ mbʌjcʌchoŋdamu te' ja'n yayepʌ quenguy juca ja'ndʌ ndzocomyocha'tame.

Efesios 6:18

Y wa'mis ndzʌcjojcʌtʌctamu mumu yʌ'šejta'mbʌ tiyʌ, pyʌcpa wa'mis oto'ŋʌytyamu Dios mumu jama mumutiyʌcʌsi. Y wa'ctamʌ tiyʌ'iwʌ te' Espíritu Santo's šunbašej. Coquendamʌ cuenta jeque wa'mis oto'ŋʌyjojcʌtʌctamu Dios, y nimeque'ctij nitza'mʌytyamʌ Dioscʌsi mumu masanda'mbʌ pʌn.

Filipenses 4:6

Uy pʌcjaytyame maya'cuy yajtiyʌ, sino que tiyʌta'm mis sundamba wa'coyjojcʌtʌctamʌ Dioscʌsi, y nwya'coytyamba'cmij nʌjaytyamʌ yʌscotoya.

Colosenses 4:12

Ñdyujchi'tambamij Epafrajsis, tumʌ te' Cristo's quioyosa miji'ŋda'm tu'mʌpyapʌ. Ñe'cʌ wa'coyjojcʌtʌcpa Dioscʌsi mijcotoyata'm wa'mij paquic ittamu y wa'mij cota'nu'c mbyaquipʌctamu ndzoco'yojmo wa'mis mumutiyʌ ndzʌctamu šunbašej Diojsis.

Colosenses 4:2

Oto'ŋʌyjojcʌtʌctamʌ Dios y uy mochcʌtʌŋdame ndzoco'yojmo y uy jambʌ'tame wa'mis nʌjaytyamu Dios yʌscotoya.

1 Tesalonicenses 5:17

Oto'ŋʌytyamʌ Dios mumu jama'c.