San Lucas 17:30 - Zoque Copainalá New Testament

³⁰ Te'šejte' maŋba tyujcu minba'ca'mʌs nyajqueñaju nwin, ʌs te' Pʌ'nis 'Yune's.

San Lucas 17:30 ပူးပေါင်းရင်းမြစ်များ

San Mateo 16:27

Porque ʌj, te' Pʌ'nis 'Yune, maŋba'ʌj minu Ndata's chi'muŋgʌ'ojmo ñe' 'yangelesji'ŋda'm. Pijche'cʌs maŋba ŋgoyojayaju tumduma'ŋbʌ'nis yojsaŋ.

San Mateo 24:3

Y teymʌ pocscu'c Jesús Olivo-tʌc pu'mnacʌsi ŋgʌnu'cʌyutʌs, tʌs te' quiʌ'aŋmaye's, wa'ytyʌs nʌnu'mdzamu, y ŋgʌ'aŋwa'cutʌs: Tzamjaytyʌ'ʌtʌj, ¿jujche'casʌ'ŋde' maŋba tyujcu yʌ'šejta'mbʌ tiyʌ? y ¿tiyʌ'sasʌ'ŋ maŋba quiotzamu maŋba'camij minu, y maŋba'ca yaju yʌ' najsacopac?

San Mateo 24:37

Nʌ inʌc chʌquiajušej pʌ'nista'm Noe'is 'yaŋsʌ'ŋoyj, te'še'ʌs maŋba mba'tyaju minba'camʌj, ʌj te' Pʌ'nis 'Yune.

San Mateo 24:39

Jawyʌ'aŋjamya tiyʌte' maŋba tyujcu hasta que quejcu te' mʌja tuj, y sucsca'pʌ'yaju. Te'šejtij maŋba tyujque'tu minba'camʌj, ʌj te' Pʌ'nis 'Yune.

San Mateo 26:64

Jesujsis 'yaŋdzoŋu: Pijtʌjyʌ', mis nʌ ndzamušej. Y nyajmustaŋgue'tpa'ʌsmij que jʌsa'ca maŋbamisʌj ŋguendamu ʌj, te' Pʌ'nis 'Yune, pocsu'camʌj te' mʌja'ŋbʌ Diojsis chʌ'na'ŋojmoc te' ñe'cʌ aŋgui'mbamʌy. Y maŋbamisʌj ŋguendaŋgue'tu nʌ'cʌj minu tzajpojmopʌ o'na'ojmo.

San Marcos 13:26

Pijche'cʌj, te' Pʌ'nis 'Yune, mumu pʌ'nisʌj maŋba queñaju nʌ'camʌj minu o'na'ojmo y wʌwʌpʌ ʌs mʌja'ŋajcu'yojmo y ndzi'muŋgʌ'ojmo.

San Lucas 17:24

Porque maŋba'camʌj mingue'tu, ʌj te' Pʌ'nis 'Yune, ja'nʌj maŋu minu nu'mdij. Mumu pʌ'nisʌj maŋba quenu jujcha' quieñajpa ne'mgʌ' tzi'muŋbapʌ y sʌ'ŋjojpacpapʌ tzajpojmo desde tumniwoya hasta emʌc.

San Lucas 17:29

Pero tzu'cumu'ca Lot te' Sodoma-cumgu'yojmo, pijche'ctij quejcu jucʌtʌc-tuj azufreji'ŋbʌ tzajpojmoc, y poŋbʌ'yaju mumu.

San Lucas 21:22

Porque ta'nu'cande' jama wa'y quio'aŋgʌyu, wa'y tyujcu mumu te' ja'yʌyušej.

San Lucas 21:27

Pijche'cʌj maŋba queñaju ʌj, te' Pʌ'nis 'Yune, nʌ'camʌj minu o'na'ojmo, y mʌja'ŋajcu'yojmo y wʌwʌpʌ ʌs ndzi'muŋgʌ'ojmo.

1 Corintios 1:7

Ja'n fyaltatzʌqui nijutzpʌ tzi'ʌtʌjcuy mi'ojmota'm nʌ'cmajmis njo'ctamu wa'y quieju tʌ Ngomi Jesucristo.

1 Corintios 1:8

Yʌ'wʌ'ste' maŋba pyaquitzi'jayu mista'm ndzocoy hasta co'yajcu'yojmo, wa'y jana ijtu tiyʌcʌsimij wa'y ŋguionoquiatʌju te' jamo'oyj minba'ca Ngomi Jesucristo.

Colosenses 3:4

Cuando minba'ca Cristo, te' tzi'papʌ'stʌ iscuy-quenguy, pijche'cmij maŋba ŋguieñajque'tu mijta'm ñe'cʌji'ŋ ñe' myʌja'ŋajcu'yojmo.

2 Tesalonicenses 1:7

Y maŋbamij nyajtoyapʌjcaŋjejtamu Diojsis, y te'šejtijque' tʌj, maŋba'candʌ ŋguendamu tʌ Ngomi Jesucristo nʌ minu'c tzajpojmoc pʌmi'ʌyajupʌ 'yangelesji'ŋda'm.

1 Pedro 1:13

Te'cotoya paquic ittamʌ nʌctʌ'yoquiu'yojmo y aŋgui'mdamʌ ne' nwin, y tumʌtzocoy nite'tzʌytyamʌ Dios te' maŋbapʌ'smij ñchi'tamu ñe' yajya'moquiuy maŋba'camis ŋguendamu Jesucristo.

1 Pedro 1:7

Ñchʌjquisʌtʌjtamba'cmij yʌ'šej, maŋba quieju que mista'm nwʌ'aŋja'moquiuy wiyuŋbʌ tiyʌte' y Diojsis wyi'naŋdʌjqui te'wʌ más valetzʌcpa que ja'nde' oro jucʌtʌjcojmo chʌjquišajupʌ, porque te' oro yajpapʌ tiyʌte'. Pero mista'm nwʌ'aŋja'moquiupyit tʌ Ngomi Jesucristo'smij maŋba nwyʌcotzamdamu y nyajmʌja'ŋajtamu ñe' chi'muŋgʌ'ojmo maŋba'candʌ ŋguendamu ñe'cʌ.

1 Pedro 4:13

Juca Cristošejmij nyacsnutzʌcʌtʌjtamba, nʌ'omdamʌ porque nʌmis ŋguenjaytyamu Cristo's tyoya quienušej ñe'cʌ's. Pero minba'ca y yajquejpa'ca ñe' wyin chi'muŋgʌ'ojmo, maŋbamis maya'aŋ oma'oma mbʌjcʌchoŋdamu.

1 Juan 2:28

Yʌtij jeque, tʌwʌy, co'ŋjojcʌtʌctamʌ ñe'cʌ, uytyʌ maŋu na'tztamu ndzoco'yojmo ni ndza'ajtamu ñe' wyi'naŋdʌjqui tzajpojmo'ca nʌ wyanajcu'c nʌ'ca minu.

1 Juan 3:2

Tʌwʌy sundamba'ʌsmij. Yʌtij jeque, Diojsisandʌyʌ' 'yuneta'm, pero ja'nmaj quieye jutztʌ maŋba nductamu. Pero mustambatʌ que ñe'cʌšejtʌ maŋba nductamu minba'ca. Porque maŋbatʌ ŋguendamu ñe'cʌ mero jutzpʌte'.

El Apocalipsis 1:7

Ñe'cʌ jeque, maŋba minu o'na'ojmo y mumu pʌ'nis maŋba quienu y hasta te' wyojchajupʌ's. Y jujche'ŋ najsacopac-iti's maŋba jyʌyjayaju. Jʌ'ʌ, te'šej yajtucʌ. Amén.