San Lucas 17:26 - Zoque Copainalá New Testament

²⁶ Nʌ inʌc chʌquiajušej pʌ'nista'm Noe'is 'yaŋsʌ'ŋoyj, te'še'ʌs maŋba mba'tyaju minba'camʌj, ʌj te' Pʌ'nis 'Yune.

San Lucas 17:26 ပူးပေါင်းရင်းမြစ်များ

San Lucas 17:22

Y ñʌjayu ñe' quiʌ'aŋmayeta'm te' Jesujsis: Maŋba ñu'cu aŋsʌŋ sunba'camis ŋguendamu yajtya' tumʌc jama jujcha' maŋba ijtupʌ minba'camʌj, ʌj te' Pʌ'nis 'Yune, y ja'nmis maŋu ŋguendamu.

San Lucas 17:24

Porque maŋba'camʌj mingue'tu, ʌj te' Pʌ'nis 'Yune, ja'nʌj maŋu minu nu'mdij. Mumu pʌ'nisʌj maŋba quenu jujcha' quieñajpa ne'mgʌ' tzi'muŋbapʌ y sʌ'ŋjojpacpapʌ tzajpojmo desde tumniwoya hasta emʌc.

San Lucas 17:27

Nʌ inʌc quiu'tyaju y 'yuquiaju y nʌ inʌc quio'tʌjcajyaju y šajyaju 'yune wa'y quio'tʌjcajyaju hasta que tʌjcʌyu Noé te' arca'ojmo. Minu te' mʌja tuj y sucsca'pʌ'yaju.

San Lucas 17:7

Juca ijtu mis ŋgoyosa nʌ tyajcu'mupʌ's nas o nʌ quioquenupʌ's copʌn, y minba yoscu'yojmoc, ¿maŋbasʌ'ŋmis nʌjayu nu'cu'ctij: Tʌjcʌ, ma pocsa mesa'ojmo?

San Lucas 18:8

Ʌsmij ndzamjaytyamba que ja'n maŋu ya'yu wa'y quioquipyaju. Pero minba'camʌj ʌj, te' Pʌ'nis 'Yune, ¿maŋbasʌ'ŋʌs mba'tu wʌ'aŋja'moquiuy najsacopajcʌsi?

Hebreos 11:7

Wyʌ'aŋjamu Noe'is te' Dios, te'cotoya na'tzipit chʌjcu te' mʌja barco, yajmujsu'c Diojsis te' maŋbamaj inʌc tyujcupʌ toya. Te'wo'mo cotzojcu fyamiliaji'ŋ. Te'šejpʌ wʌ'aŋjamgupyit yajqueju Noe'is que pyʌcpa wa'y yajnʌco'aŋgʌyaju te' jana wʌ'aŋja'moyeta'm. Y Diojsis ñʌcma'yʌyu justopʌšej wyʌ'aŋjamgupyit.

2 Pedro 2:5

Te'šejtijque' jayajcotocoya Diojsis te' ya'ajca cowapa'tyajupʌ pʌnda'm, sino que na' Noetij yajcotzojcu cu'ya'pyʌ tyʌwʌji'ŋda'm. Y yʌ' Noe'is chamgopuŋba inʌc que ijtupʌte' pyena wa'ytyʌ ittamu justo'ajcu'yojmo. Y te'ta'mbʌ jamo'oyj Diojsis yajquejcu mʌtuj wa'y šu'csca'pʌ'yaju te' ja'n ña'chapyʌ's Dios.

2 Pedro 3:6

Y Diojsis jʌsa'ca nʌ'pittijque' yajca'pʌ'yaju te' ya'acta'mbʌ pʌn yajwʌŋu'c yʌ' najsacopac nʌ'cʌ'mʌ mʌja tu'oyj.