San Lucas 17:24 - Zoque Copainalá New Testament

²⁴ Porque maŋba'camʌj mingue'tu, ʌj te' Pʌ'nis 'Yune, ja'nʌj maŋu minu nu'mdij. Mumu pʌ'nisʌj maŋba quenu jujcha' quieñajpa ne'mgʌ' tzi'muŋbapʌ y sʌ'ŋjojpacpapʌ tzajpojmo desde tumniwoya hasta emʌc.

San Lucas 17:24 ပူးပေါင်းရင်းမြစ်များ

San Mateo 24:27

Porque maŋba'camʌj mingue'tu, ʌj te' Pʌ'nis 'Yune, ja'nʌj maŋu minu nu'mdij. Mumu pʌ'nisʌj maŋba queñaju jujcha' quieñajpa ne'mgʌ' sʌ'ŋjojpacpapʌ chojtaŋgʌsmʌc y hasta tyʌ'paŋgʌsmʌc.

San Mateo 24:30

Pijche'ca mumu najsacopajcʌsita'mbʌ pʌn maŋba jyʌyaju y tyoyapʌquiaju nʌ'ca quieju tiyʌ'iwʌ tzajpojmo quiotzambapʌ's que nʌwa'mʌj minu, ʌj te' Pʌ'nis 'Yune. Maŋba'ʌj queñaju ʌj, nʌ'camʌj minu tzajpojmopʌ o'na'ojmo ʌs mʌja'ŋajcu'yojmo, y ʌs wʌwʌpʌ ndzi'muŋgʌ'ojmo.

San Mateo 25:31

Minba'camʌj, ʌj te' Pʌ'nis 'Yune, ʌs ndzi'muŋgʌ'ojmo, maŋba miñaju mumu te' masanda'mbʌ ángeles ʌji'ŋ. Pijche'c ʌs mʌja'ŋajcupyit maŋba'ʌj mbocsu ʌs aŋgui'mʌtʌjcuy-pyocscu'yojmo.

San Mateo 26:64

Jesujsis 'yaŋdzoŋu: Pijtʌjyʌ', mis nʌ ndzamušej. Y nyajmustaŋgue'tpa'ʌsmij que jʌsa'ca maŋbamisʌj ŋguendamu ʌj, te' Pʌ'nis 'Yune, pocsu'camʌj te' mʌja'ŋbʌ Diojsis chʌ'na'ŋojmoc te' ñe'cʌ aŋgui'mbamʌy. Y maŋbamisʌj ŋguendaŋgue'tu nʌ'cʌj minu tzajpojmopʌ o'na'ojmo.

San Mateo 5:15

Ya'iwʌ's ja'n ño'e sʌ'ŋgʌ' wa'y ñimucsʌyu tzicapit, sino que quiotpa te' sʌ'ŋgʌ'-cotcuquiʌsi wa'y šʌ'ŋjojpajcu mumu te' tʌjcojmo.

1 Corintios 1:8

Yʌ'wʌ'ste' maŋba pyaquitzi'jayu mista'm ndzocoy hasta co'yajcu'yojmo, wa'y jana ijtu tiyʌcʌsimij wa'y ŋguionoquiatʌju te' jamo'oyj minba'ca Ngomi Jesucristo.

1 Tesalonicenses 5:2

porque mista'm mustambamis oye que te' jama maŋba'ca minu tʌ Ngomi maŋba ñu'cu jujcha' nu'cpa nu'mbapʌ tzu'cʌsi.

2 Tesalonicenses 2:2

umis ñempetiyʌcʌsi ŋgacpʌ'tame mista'm ŋguipsoquiuy. Uy jopi'ttame ñempe miña Diojsis ñʌquiʌsi y ñempemij sa'sa ñʌtzamʌtʌjtamʌ, ñempe ñʌmya que tʌsmijte' njayjaytyamu que nʌwa' tyo'mʌyu te' jama que maŋba minu tʌ Ngomi Jesucristo.

2 Tesalonicenses 2:8

Pijche'c maŋba quieju te' nimeque yajcowapa'topyapʌ pʌn. Pero tʌ Ngomi Jesujsis maŋba yajca'u te'wʌ 'yaŋnaca'ojmoc putpapʌ je'ejpit, te' maŋba yajyajupʌ ñe' chi'muŋgʌpit minba'ca.

Santiago 5:8

Te'šej pyʌcpa mista'm wa'mis nʌ'ittamu paciencia. Yajpaquipʌctamʌ mista'm ndzocoy porque nʌ tyo'mʌyu te' tʌ Ngomi's minguy.

2 Pedro 3:10

Y te' jama maŋba'ca minu tʌ Ngomi, maŋba minu jujcha' nu'mbapʌ tzu'cʌsi, ja'ndʌ tiyʌ nʌ nijamdamu'c. Pijche'cpʌ aŋsʌ'ŋoyj maŋba yaju te' tzap maya'aŋbʌ aŋjʌquiʌ'ojmo y maŋba ñemu te' tzajpojmo y najsacopajcʌsi ijtyajupʌ tiyʌ. Y pijche'c maŋba pyoŋbʌ'u yʌ' nas y jujche'ŋ yojsaŋ ijtyajupʌ naswindumʌ.