San Lucas 17:21 - Zoque Copainalá New Testament

²¹ Ni ja'n maŋu ñʌmyaju: Yʌy nʌ 'yaŋgui'moyu Dios, ni ja'n maŋu ñʌmyaju: Tey nʌ 'yaŋgui'moyu Dios. Porque nʌjaytyamba'ʌsmij que nʌ 'yaŋgui'moyu Dios mista'm ŋgucmʌ.

San Lucas 17:21 ပူးပေါင်းရင်းမြစ်များ

San Mateo 12:28

Pero ʌs, macputpa'ʌs yatzita'mbʌ espíritu Diojsis 'Yespiritupit. Te'cotoya yʌtij Diojsis 'yaŋgui'mʌtʌjcuy yʌy ijtu mi'ojmota'm.

San Marcos 13:21

Pijche'ca juca iwʌjutiwʌ'smij ñʌjaytyamba: Quena, yʌy ijtu te' Cristo, o juca ñʌjaytyambamij: Teymʌ ijtu, ʌsmij nʌjaytyamba: Uy wʌ'aŋjamdame.

San Lucas 17:23

Y juca ñʌjatʌjtambamij: Yʌ'ya ijtu te' Cristo, o juca nʌmyajpa: Teymʌ ijtu, ʌsmij nʌjaytyamba: Uy maŋdame ni uy co'ŋdame.

San Lucas 21:8

Pijche'ca nʌmu Jesús: Coquendamʌ cuenta umij ya'iwʌ's 'yaŋgoma'cʌytyamu. Porque maŋba miñaju wʌwʌ pʌn ʌs nʌquiʌsi sujchajpapʌ y nʌmyajpapʌ: Ʌjte' te' Cristo. Y maŋba ñʌmyajque'tu: Nʌ tyo'mʌyu te' aŋsʌŋ. Te'cotoya'ʌsmij nʌjaytyamba, uy co'ŋdame.

San Juan 1:26

Jua'ŋis 'yaŋdzoŋyajque'tu: Ʌj yajnʌ'yʌ'opya'ʌj nʌ'pit, pero mista'm ŋgucmʌ ijtu tumʌ pʌn mis ja'n ispʌctamepʌ.

San Juan 18:36

Aŋdzoŋu Jesús: Ʌs aŋgui'mʌtʌjcuy ja'nde' yʌy najsacopajcʌsi. Juca inʌc najsacopajcʌsi ʌs aŋgui'mʌtʌjcuy coquipyajpa inʌjcʌj ʌs ŋgoyojšajpapʌ's wa'yʌj jana tzi'oquia'yaju judiocʌsita'm. Pero ʌs aŋgui'mʌtʌjcuy ja'nde' najsacopajcʌsi.

Romanos 14:17

Diojsistʌ aŋgui'mba, pero ja'n wa'ytyʌ mba'ttamu cu'tcuy y ujcuy, sino que wa'ytyʌ tzi'tamu ñe'cʌ's justo'ajcuy, sʌ'mnaquiuy y oma, te' Espíritu Santopit.

Colosenses 1:27

Porque Diojsis nʌ inʌc jyo'cu hasta yʌtij wa'mij nyajquendamu mij, te' gentilta'm, te' oyepʌ y mʌja'ŋbʌ myujsoquiuy jayajqueyapʌ wina. Yʌ'šejte': Itjojcʌtʌcpa Cristo mista'm ndzoco'yojmo y ñe'cʌpit njo'ctambamis mʌja'ŋda'mbʌ tiyʌ minbapʌ aŋsʌ'ŋojmo.