San Lucas 17:2 - Zoque Copainalá New Testament

² Pyʌcpa wa'y ši'nʌyjayaju mʌja waquiuycha' quiʌnʌcʌ'y y te'šej wa'y tyʌŋdʌjcʌyaju ma'rojmo iwʌ's yajcowapa'tpa tumʌc yʌ'šej chicsta'mbʌ.

San Lucas 17:2 ပူးပေါင်းရင်းမြစ်များ

San Mateo 17:27

Pero wa'y jana ñʌmyaju que maŋgocʌtʌctambatʌ te' templo, mawʌ ma'rojmo, ma cota mis suquiuy. Y te' winbʌ coquej mis nu'cpawʌ, pʌcʌ y ya'aŋwaja 'yaŋnaca. Teymʌ maŋbamis mba'tu tumin macšcu'y dracma coyowapʌ. Ma cocoyowa ʌj, y cocoyowa ne' nwin.

San Mateo 18:10

Coquendamʌ cuenta umis menoscocottamu ya'iwʌ wʌ'aŋjambapʌ'sʌj, ñempe chicspʌ. Porque ʌsmij nʌjaytyamba que ñe'ta'm 'yangelejsis quioqueñatʌjpa, y tzajpojmo ijtyaju. Y 'yoto'ŋʌyjayajpa tzajpojmo ijtupʌ ʌs Ndata Dios.

San Mateo 18:14

Te'šej jequete', te' tzajpojmo ijtupʌ mista'm Ndata's ja'n šunjo'y wa'y tyocoyu ni tumʌc yʌ' chicsta'mbʌ.

San Mateo 26:24

Wiyuŋšej, ʌj te' Pʌ'nis 'Yune, maŋba'mʌj nduŋgʌpʌjcu, ja'yʌyajuše'ʌj Totojaye'ojmo. Pero ay te' pʌn maŋbapʌ'sʌj tzi'oquia'u, ʌj te' Pʌ'nis 'Yune. Más inʌc oye te' pʌngotoya juca inʌc japyʌ'na.

San Marcos 9:42

Iwʌ's yajcowapa'tpa tumʌc yʌ'šej chicsta'mbʌ, te' wʌ'aŋjambawʌ'sʌj, pyʌcpa wa'y ši'nʌyjayaju mʌja waquiuycha' quiʌnʌcʌ'y y te'šej wa'y tyʌŋdʌjcʌyaju ma'rojmo.

San Juan 21:15

Y cu'tu'candʌ ñʌjayu Jesujsis te' Simón Pedro: Simón, Jonajsis 'yune, ¿sunbasʌ'ŋmisʌj más mis que ja'n yʌ'ta'mbʌ's? 'Yaŋdzoŋu Pedro's: Jʌ'ʌ, Señor, muspatijmis que sunba'ʌsmij. Ñʌjayu Jesujsis: Pʌ'nʌyjaya ʌs ñchowambe-uneta'm, porque ñchowambeše'ʌs ujchajpa te' wʌ'aŋjamyajpapʌ'sʌj.

1 Corintios 9:15

Pero ʌs janwya'cjaytya'ndʌ'ma'ʌsmij yajtiyʌ, jujcha' muspa'ʌs inʌc, ni ja'nʌs nʌ nja'yʌyu yʌ'šej wa'misʌj ndzi'tamu. Más oye wa'yʌj ŋga'u y ja'nʌj wa'y yajwinduquiaju wa'yʌs mʌja'ŋgomʌ'yu nwin yʌ'wʌpit.

1 Corintios 9:22

Y wijtu'ʌj jujcha' mochipʌ te' mochita'mbʌ's wyi'naŋdʌjqui, wa'ytyi'ʌs nyajwʌ'aŋjamyaju mochita'mbʌ. Wijtyajpašej tumduma'ŋbʌn, te'še'ʌj witque'tu ʌj, wa'yʌs ndzʌcme'tzu jutz ʌs wa'y nyajcotzoquiaju iwʌjutiwʌta'm.