San Lucas 17:16 - Zoque Copainalá New Testament

¹⁶ Y mucscʌñe'cu wyinnacapit Jesujsis ñe'ŋbajcʌ'y y ñʌjayu yʌscotoya. Y yʌ'wʌ Samaria-pʌnde' inʌc.

San Lucas 17:16 ပူးပေါင်းရင်းမြစ်များ

San Mateo 10:5

Y macwʌstʌjca'pyʌnitʌj cʌ'weju Jesujsis, y nʌjayutʌj: Uy maŋdame te' genti'lojmota'm, ni uy tʌjcʌytyame te' Samaria-pʌ'nista'm quiumgu'yojmo.

San Mateo 2:11

Y tʌjcʌyaju'c te' tʌjcojmo, quieñaju te' une ñana Mariaji'ŋ, y cutcʌne'quiaju y quiʌna'tzʌyaju te' une. Ya'aŋwajyaju te' quiojtoquiuytya'm y chi'yaju oro, pomoj y mirra.

San Marcos 5:33

Como te' yomo's myuspa inʌc que pyi'quisu'c tzojcu te' quia'cuy, na'tzisʌtʌjtu'c maŋu quiutcʌne'cu Jesujsis wyi'na'ŋoyj y chamu mumu te' quiʌtʌcjayupʌ tiyʌ.

San Lucas 17:17

Aŋdzoŋu Jesús y ñʌjayu: ¿Ja'nja jequete' majca'y pʌn ŋguiowajtamu mbutzipit? ¿Y juta' ijtyaju te' macstujta'ytya'mbʌ?

San Lucas 5:8

Y quienu'ca te'šej Simón Pedro's, quiutcʌne'cjayu Jesús y ñʌjayu: Uy tumʌtzʌqui ʌji'ŋ Señor, porque ʌj cowatzʌquipʌ pʌ'nʌjyʌ'.

San Juan 4:9

Y te' Samaria'ojmopʌ yomo's ñʌjayu: Mij njyudio-pʌn mijyʌ', y ʌj Samaria-yomo'ʌjyʌ'. ¿Tiyajca'mʌjte' nwa'cjapya nʌ'? Porque te' judio-pʌnda'm naqui'nisʌtʌjyajpa Samaria-pʌnji'ŋ.

San Juan 5:23

Yʌ'šej chʌjcu wa'yʌj cʌna'tzʌyaju ʌj jujcha' quiʌna'tzʌyajpa ñe'cʌ ʌs Ndata Dios. Iwʌ'sʌj ja'n cʌna'tzʌy ʌj, te' 'Yune, ja'n quiʌna'tzʌyjay ʌs Ndataj cʌ'wejupʌ'sʌj.

San Juan 8:48

Pijche'ca aŋdzoŋyajque'tu te' judiota'm y ñʌjayaju: Nʌtijtʌjte' nʌmu Šamaria-pʌnmijyʌ', y ñʌc'ijtʌyumij yatzi-espiritu's.

Hechos 1:8

Pero maŋba minu mijcʌsita'm te' Espíritu Santo y maŋbamij ñchi'tamu pyʌmi. Maŋbamisʌj ŋgowʌ'aŋjamdamu Jerusaleŋ-gumgu'yojmo, mumu Judea y Samaria-najsojmo y mumu naswindumʌ.

1 Corintios 14:25

Y quejyajpa te' cʌwʌ'ñajupʌ tiyʌ te' ñe' choco'yojmo ijtyajupʌ. Pijche'ca mucscʌne'cpa wyinnacapit wa'y quiʌna'tzʌyu Dios. Y maŋbamij ñʌjaytyamu: Wiyuŋšej Dioste' ijtu mi'ojmota'm.

El Apocalipsis 19:10

Y mucscʌne'cu'ʌj te' angelejsis ñe'ŋbajcʌ'y wa'yʌs ŋgʌna'tzʌyu. Y ñe'cʌ's nʌjayu'ʌj: Uy mucsnay ʌs nwi'naŋdʌjqui. Coyosati'ʌjyʌ'que' pʌnšej, jujcha' mij y mis atzita'm, te' quiotestigosajyajpapʌ's Jesucristo. Mucsnayja, pero Dios. Porque ŋgotestigosajpa'ctʌ Jesús, pyʌcpa wa'ytyʌ ndumʌquipsoyu quipsoyajušej Diojsis cha'maŋwa'oye.

El Apocalipsis 4:10

Y jujche'ŋ naca te'šej wyʌcotzamyajpa, pijche'c inʌc cutcʌne'cpʌ'yajpa te' ips-co-macšcu'ytya'mbʌ ancianota'm te' aŋgui'mʌtʌjcuy-pyocscu'yojmo pocsupʌ's wyi'naŋdʌjqui, y quiujnayjayajpa inʌc te' itjojcʌtʌcpapʌ mumu jamacotoya. Y quiojtyajpa inʌc quiorona te' aŋgui'mʌtʌjcuy-pyocscu'yis wyi'naŋdʌjqui, y nʌmyajpa inʌc:

El Apocalipsis 5:14

Y te' macšcu'pyʌ copʌn nʌmyajpa inʌc: Amén. Y te' ips-co-macšcu'ytya'mbʌ anciano-pʌ'nis quiujnayjayaju y quiʌna'tzʌyaju te' itjojcʌtʌcpapʌ mumu jamacotoya.