San Lucas 17:1 - Zoque Copainalá New Testament

¹ Y ñʌjayaju Jesujsis te' ñe' quiʌ'aŋmayeta'm: Pyʌcpa wa'y ijtu yajcowapa'toyajpapʌ tiyʌ. Pero maŋba quieñaju toya te' pʌn yajcowapa'tyajpapʌ's tyʌwʌ.

San Lucas 17:1 ပူးပေါင်းရင်းမြစ်များ

San Mateo 16:23

Pijche'ca Jesujsis quiʌwitu'ʌyu y ñʌjayu te' Pedro: Jʌcʌ'ʌ ʌs nwi'na'ŋoyj Satanás. Sunbamisʌj nyajwindujcu u'yʌs ndzʌjcu Diojsis šunbašej, porque ja'nmis nʌ ŋguipsu šunbašej Diojsis, sino que quipšajpašej pʌ'nista'm.

San Mateo 18:7

Jene maŋba quieñaju toya najsacopac-pʌ'nista'm, porque jene ijtu yajcowapa'toyajpapʌ tiyʌ. Te'šejta'mbʌ tiyʌ's pyʌcpa wa'y ijtu, pero maŋba quienu toya te' yajcowapa'tpapʌ's tyʌwʌ.

San Lucas 16:31

Pero Abraha'ŋis ñʌjayu: Juca ja'n myato'ŋoyjayay Moisejsis tyotojaye y te' tza'maŋwa'oye'sta'mñe', ja'n maŋu wyʌ'aŋjamyaju ñempe winsa'ʌ iwʌjutiwʌ ca'yajupʌ'ojmoc.

Romanos 14:13

Te'cotoya u'yandʌ ŋguenjayu eyapʌ's jyana oye'ajcuy. Más oye wa'ytyʌ ŋgoquenu cuenta uytyʌ nyajnepcʌschʌmu ni uytyʌ nyajcowapa'tu tʌ atzi.

Romanos 16:17

Pero nwa'cjaytyamba'ʌsmij atzita'm wa'mis ŋgoquendamu cuenta te' yajquipoto'ŋoyajpapʌ y yajwinduquiajpapʌ's Diojsis chame aŋmaytyamupʌmis. Tzactamʌ te'šejta'mbʌ,

1 Corintios 10:32

Uy yajpacwinductame judiota'm, ni te' griegota'm, ni te' Diojsis tyu'mʌquiuy.

1 Corintios 11:19

Porque pyʌcpamaj wa'y ijtu mi'ojmota'm ja'n 'yoyepʌ aŋma'yoquiuy wa'y quiejyaju jujche'ŋ cosujupʌ mi'ojmota'm.

1 Corintios 8:13

Te'wʌcotoya juca te' cu'tcupyit nyajnepcʌschʌmba te' atzi, ja'na'mʌs ŋgʌ'sque'temaj sis, u'yʌs nyajnepcʌschʌmu'ŋmʌjcʌ ʌs atzi.

1 Timoteo 4:1

Pero te' Espíritu Santo's quejuqueju'c chamba que te' minbapʌ aŋsʌ'ŋojmo maŋba ijtu maŋba chaquiajupʌ's te' wʌ'aŋja'moquiuy. Y maŋba quiʌmato'ŋʌyaju aŋgoma'cʌ'oyajpapʌ espirituta'm y yatzi-espiritu'sta'm 'yaŋma'yoquiuy.

El Apocalipsis 2:14

Ja'namʌs nʌ nwʌmʌ'yjayu mista'm itcuy porque ijtu mi'ojmota'm quio'ŋjayajpapʌ's ya'acpʌ Balaa'ŋis 'yaŋma'yoquiuy. Ñe'cʌ's 'yaŋmapya inʌc te' Balac wa'y cowapa'tcuy quie'naŋgʌschi'ʌyaju te' Israel-pʌnda'm. Yajcʌ'šajpa inʌc tiyʌta'm comichʌqui's ñʌquiʌsi yajca'yajupʌ tiyʌ y ya'ispʌquitzʌquiajpa inʌc.

El Apocalipsis 2:20

Ja'namʌs nʌ nwʌmʌ'yjayu mista'm itcuy porque ndzi'tambamis lugar ʌ' yomo Jezabel wa'y 'yaŋma'yoyu y 'yaŋgoma'cʌyjayaju ʌs ŋgoyosata'm jutz wa'y ispʌquitzʌquiaju y wa'y quiu'tyaju tiyʌta'm comichʌqui's ñʌquiʌsi yajca'yajupʌ tiyʌ. Y ñe'cʌ nʌmba que tza'maŋwa'opyapʌ yomote'.