San Lucas 16:9 - Zoque Copainalá New Testament

⁹ Ʌsmij nʌjaytyamba: Amigotzʌctamʌ yʌ' yʌtijta'mbʌ's rico'ajcupyit wa'mij mbyʌjcʌchowatʌjtamu ja'n yayepʌ itcu'yojmo yaju'cande' te' rico'ajcuy.

San Lucas 16:9 ပူးပေါင်းရင်းမြစ်များ

San Mateo 19:21

Ñʌjayu Jesujsis: Juca sunbamis ndzʌcta'nu Diojsis šunbašej, ma ma'ʌpyʌ'ʌ ndiyʌta'm mis ijtu y tzi'ya te' tumin te' yacsnuwijtyajpapʌ. Te'šej maŋbamij itʌpa'tu tzajpojmo. Y minʌ co'ŋa'ʌj.

San Mateo 6:19

Uy jene tzʌctame itʌpa'tcuy ne'cʌcotoya yʌy najsacopajcʌsi, porque yʌy mo'tpʌ'pa y tinbo'pʌ'pa, y yʌy wijtyajpa te' nu'myajpapʌ wa'y ñu'myaju.

San Mateo 6:24

Ni'iwʌ's ja'n musi yosjayu tumnacacʌsi metzapʌ comi, porque maŋba qui'nisu tumʌ y maŋba šunu te' eyapʌ, o maŋba myʌja'ŋgomʌ'yu tumʌ y te' eyapʌ ja'n myʌja'ŋgomʌ'i. Ja'nmis musi nyosjaytyamu Dios y nyosjaytyaŋgue'tu te' itʌpa'tcuy.

San Lucas 11:41

Pero tzi'oquiu'yajtamʌ te' ndzocoy jujcha' limosna y pijche'ca mumutiyʌ cowaju mijcotoyata'm.

San Lucas 12:33

Ma'ʌytyamʌ tiyʌta'm mis nʌ'ittamu y sajtzi'tamʌ te' pobreta'm. Tzʌctamʌ tzunu ja'n pyeca'epʌ y tzʌctamʌ tzajpojmopʌ itʌpa'tcuy ja'n yayepʌ. Tey tzajpojmo ja'n ñu'qui nu'mbawʌ ni ja'n myo'te ji'iji'is yajtiyʌ.

San Lucas 14:14

Y dichosomij ñchʌ'pya, porque ja'nmij musi ŋguioyojyaju. Pero maŋbamis mbʌjcu ŋgoyowa winsa'yajpa'ca justota'mbʌ.

San Lucas 16:11

Pero juca jañchʌctamʌmis ta'nupʌ tiyʌ yʌ' yʌtijta'mbʌ's rico'ajcupyit, ¿iwʌ'sa ŋguionfiatzʌcjaytyamba te' wiyuŋšejpʌ rico'ajcu'yojmo?

San Lucas 16:13

Ni'iwʌpʌ coyosa's ja'n musi yosjayu tumnacacʌsi metzapʌ comi, porque maŋba qui'nisu tumʌ y maŋba šunu te' eyapʌ o maŋba myʌja'ŋgomʌ'yu tumʌ y te' eyapʌ ja'n myʌja'ŋgomʌ'i. Ja'nmis musi nyosjaytyamu Dios y nyosjaytyaŋgue'tu te' itʌpa'tcuy.

San Lucas 16:4

Muspa'mʌs tiyʌ'ʌs maŋba ndzʌjcu wa'yʌj pʌjcʌchoŋyaju ñe'ta'm tyʌjcojmo, yajʌcʌ'jayajpa'ca'mʌs ŋgo'aŋgui'moquiuy.

Hechos 10:31

Y nʌjayu'ʌj: Cornelio, myatoŋwa' Diojsis que oto'ŋʌyumis, y ja'n jyambʌ'i jutz mis sajpa yajya'moquiuy pobre'ojmota'm.

Hechos 10:4

Y quiengʌpʌjcu ñe'cʌ's y na'tzinʌmu: ¿Tiya'a Señor? Y ñʌjayu: Myatoŋu Diojsis oto'ŋʌyu'cmis, y quienwa'a nʌmis saju'c yajya'moquiuy, y ñe'cʌ's ja'n jyambʌ'i.

2 Corintios 4:17

Porque yʌtijtʌs nʌ ŋguenupʌ toya chʌlʌy horacotoya. Te'wʌ's nʌtʌj nimejcʌyjayu maya'aŋbʌ y ja'n yayepʌ mʌja'ŋajcuy.

Judas 1:21

Como Diojsis jene sundambatʌ, coquendamʌ nwin wa'mis sundaŋgue'tu ñe'cʌ. Pacienciapit jo'ctamʌ wa'mij ŋguiotzococtuctamu y wa'mij ñchi'tamu ja'n yayepʌ quenguy tʌ Ngomi Jesucristo's te' tyo'ya'ŋʌ'oquiupyit.