San Lucas 16:6 - Zoque Copainalá New Testament

⁶ Y ñe'cʌ nʌmu: Mojsi's barril aceite. Pijche'ca te' co'aŋgui'moye's ñʌjayu: Pʌcʌ misyʌ' nja'tzi-toto y pocsa jʌnʌc y ja'yʌ wʌstʌjqui's-co-mac barril.

San Lucas 16:6 ပူးပေါင်းရင်းမြစ်များ

San Mateo 20:8

Y maŋba'ca tyʌ'pu jama, te' yojsaŋ-gomi's ñʌjayu te' quio'aŋgui'moye: Wejya te' yojšajpapʌ y coyojaya. Winac coyojya te' yʌmajtya' yostʌjcʌyajupʌ. Y último coyojya te' wina yostʌjcʌyajupʌ.

San Lucas 16:12

Y juca eyane'cʌsimis jañchʌctamʌ ta'nupʌ tiyʌ, ¿iwʌ'samij maŋba ñchi'tamu ŋgowindzʌmdambaše'ŋmis?

San Lucas 16:5

Y wyejyaju tumduma'ŋbʌn te' jya'tzjayajpapʌ's inʌc ñe' quiomi. Te' winbʌ ñʌjayu: ¿Jujche'ŋa nja'tzjapya ʌs ŋgomi?

San Lucas 16:7

Pijche'ca ñʌjaquie'tu eyapʌ: ¿Y mij, jujche'ŋa njya'tzpa? Ñe'cʌ nʌmu: Mojsi's muqui trigo. Pijche'ca te' co'aŋgui'moye's ñʌjayu: Pʌcʌ misyʌ' nja'tzi-toto y ja'yʌ mactajsi's.

San Lucas 16:9

Ʌsmij nʌjaytyamba: Amigotzʌctamʌ yʌ' yʌtijta'mbʌ's rico'ajcupyit wa'mij mbyʌjcʌchowatʌjtamu ja'n yayepʌ itcu'yojmo yaju'cande' te' rico'ajcuy.

San Juan 2:6

Tey inʌc ijtyaju tujta'y tza'ta'mbʌ tinaja nʌ'-cotcuquiotoya wa'y che'cowajyaju judio'sta'm quiʌ' pyʌcpašej inʌc ñe' quiʌna'tzʌ'oquiu'yis.

Tito 2:10

Aŋnʌctza'mʌya wa'y jana ñinu'myaju quiomi, wa'y yajqueñaju quiomita'm que ñe'cʌ ñijamyatʌjpapʌ pʌnda'mde'. Pyʌcpa wa'y chʌquiaju te'šej wa'y wyʌcotzamyaju pʌ'nista'm te' Diojsis 'yaŋma'yoquiuy. Ñe'cʌte' tʌta'm nyajcotzojcopyapʌ.