San Lucas 16:22 - Zoque Copainalá New Testament

²² Yʌ'šej tujcu: Ca'u te' wa'cpapʌ y ñʌmaŋyaju angelejsista'm ijtumʌy te' Abrahán. Y ca'que'tu te' itʌpa'tupʌ y maŋu ñipyaju.

San Lucas 16:22 ပူးပေါင်းရင်းမြစ်များ

San Mateo 18:10

Coquendamʌ cuenta umis menoscocottamu ya'iwʌ wʌ'aŋjambapʌ'sʌj, ñempe chicspʌ. Porque ʌsmij nʌjaytyamba que ñe'ta'm 'yangelejsis quioqueñatʌjpa, y tzajpojmo ijtyaju. Y 'yoto'ŋʌyjayajpa tzajpojmo ijtupʌ ʌs Ndata Dios.

San Mateo 24:31

Y paqui maŋba myu'sonoñaju. Pijche'cʌs maŋba ŋgʌ'weju ʌs angelesta'm wa'y yajtu'mʌyjayaju te' ʌs ŋgopiwi-pʌnda'm mumu naswindumʌ desde chojtaŋgʌsmʌc hasta tyʌ'paŋgʌsmʌc.

San Mateo 8:11

Y ʌsmij nʌjaytyamba que jene maŋba miñaju pʌnda'm chojtaŋgʌsmʌc y tyʌ'paŋgʌsmʌc, y maŋba tyʌjcʌyaju aŋgui'mbamʌy te' tzajpojmopʌ, y oma'ojmo maŋba pyocšaju Abrahaŋji'ŋ, Isaacji'ŋ y te' Jacobji'ŋ.

San Marcos 8:36

¿Tiya'sʌ'ŋ ñʌwʌ'ajpa pʌ'nis juca mumutiyʌ quiʌpa'tpa najsacopajcʌsi pero yajtocopya iscuy-quenguy?

San Lucas 12:20

Y ñʌjayu Diojsis: Njowi, yʌ' tzu' maŋba yajʌcʌ'jayaju mis ŋguenguy. Y te' nyajtu'mʌyajupʌ tiyʌmis, ¿iwʌ'sasʌ'ŋ maŋba ñe'aju?

San Lucas 16:21

Sunba inʌc quiu'tu te' cʌtupu te' itʌpa'tupʌ's myesacʌ'mʌ cunbapʌ. Te' tuwi'sta'm minba inʌc quiatjayaju te' llaga.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 13:23

Y ʌj, te' Jesujsis quiʌ'aŋmaye jene šunbapʌ, te'yʌj inʌc te'tznapocsu che'ŋna'oyj.

San Juan 21:20

Y tzeŋewitu'u Pedro y quenu'ʌj, ʌj te' cʌ'aŋmaye jene šunbapʌ Jesujsis, que te'yʌj inʌc nʌ maŋu 'yucaŋgʌ'ytya'm. Ʌjtijte'que' inʌc te' ujcaŋbajcu'yojmo Jesujsis che'ŋna'oyj te'tzna pocsupʌ inʌc. Y ʌste' ŋgʌ'aŋwa'que'tu: Señor, jutiwʌ'sasʌ'ŋ mijte' maŋba ñchi'oquia'u?

Hebreos 1:14

Nijutipʌ jañʌjaya te'šej porque te' angelesta'm espirituta'mdijte'. Te'ta'mbʌ quiʌ'wejyatʌjpa Diojsis wa'y quiotzoŋyaju pʌn hasta que cotzojcoctuquiajpa.

Hebreos 2:14

Tʌta'm Diojsistʌyʌ' 'yuneta'm, y pʌnda'mdʌyʌ'. Te'cotoya te'šejtijque' minu pyʌ'najque'tu ñe'cʌ pʌnšej. Y ca'u wa'y yaju ñe'cʌ's te' diablo, porque te'wʌ'stʌte' yajca'tamba pyʌmipit.

Santiago 1:11

Tumdumʌ jama'a nʌ ñembiju'c jama, tʌjchajpa te' ta'nʌta'm y yajpa te' sa'sa tʌ ŋguenjayajpapʌ jyʌyʌ. Te'šej maŋba yaju te' ricopʌ pʌn nʌmaj mye'tzupʌ's wa'y 'ya'ŋʌyu najsacopajcʌsipʌ rico'ajcuy.

1 Pedro 2:24

Yʌ' Cristo'ste' chi'oquia'u wyin tʌcotoyata'm y ñʌmaŋjayu tʌta'm ŋgowa ñe' cuerpocʌsi ca'u'c cruzcʌsi. Te'cotoya pyʌcpa wa'ytyʌ ca'uwʌšej ndzʌctamu nwin cowa's wyi'naŋdʌjqui u'yandʌ ŋgowapa'ttamu. Y pyʌjque'tpa wa'ytyʌ ndzʌcjojcʌtʌctamu justota'mbʌ tiyʌ. Porque te' ñe' tyoyapʌjcu'yis yajʌcʌ'jawya'a tʌta'm ŋgowa.

El Apocalipsis 14:13

Pijche'ca matoŋgue'tu'ʌs tumʌ otowe pujtupʌ tzajpojmoc nʌjayupʌ'sʌj: Ja'yʌ tiyʌ'ʌsmij nʌ ndzamjayu: Te' maŋbamaj quia'yajupʌ tʌ Ngomi's ñʌquiʌsi jene dichosota'm. Aŋdzoŋu te' Espíritu Santo: Jʌ'ʌ jeque, sapʌquiajpa porque chaquiajpa yʌpyʌ yoscuy, y tiyʌta'm chʌquiaju najsacopajcʌsi Diojsis ja'n jyambʌ'i.