San Lucas 16:2 - Zoque Copainalá New Testament

² Y wyeju te' quiomi's y ñʌjayu: Šujayajwa'mʌs ŋgowi. ¿Tiya'nde' nʌ ndzʌjcu? Yʌtij tzamja'ʌj jutz mis nʌ nʌtu'ŋaju mis ŋgo'aŋgui'moquiuy, porque ja'namij maŋu mujsu ŋguio'aŋgui'moyu.

San Lucas 16:2 ပူးပေါင်းရင်းမြစ်များ

San Mateo 12:36

Te'cotoya'ʌsmij nʌjaytyamba: Jujche'ŋ jecse tzame ja'n yosepʌ chamyajpapʌ pʌ'nista'm, te'wʌ maŋba cha'maŋguejyaju Diojsis wyi'naŋdʌjqui te' cʌme'tzoquiuy jamo'oyj.

San Mateo 20:8

Y maŋba'ca tyʌ'pu jama, te' yojsaŋ-gomi's ñʌjayu te' quio'aŋgui'moye: Wejya te' yojšajpapʌ y coyojaya. Winac coyojya te' yʌmajtya' yostʌjcʌyajupʌ. Y último coyojya te' wina yostʌjcʌyajupʌ.

San Lucas 12:20

Y ñʌjayu Diojsis: Njowi, yʌ' tzu' maŋba yajʌcʌ'jayaju mis ŋguenguy. Y te' nyajtu'mʌyajupʌ tiyʌmis, ¿iwʌ'sasʌ'ŋ maŋba ñe'aju?

San Lucas 12:42

Y nʌmu tʌ Ngomi: ¿Iwa'sʌ'ŋde' te' ñijamyajpapʌ y nʌctʌ'yopyapʌ co'aŋgui'moye, te' quiomi's muspa quiojtupʌ te' ñe' quioyosacʌsita'm wa'y myucjayaju jyamacʌtʌjcuy nu'cpa'ca hora?

San Lucas 16:1

Ñʌjayajque'tu Jesujsis te' quiʌ'aŋmaye: Ijtu inʌc tumʌ pʌn itʌpa'tupʌ. Yʌ'wʌ's ijtu inʌc tumʌ quio'aŋgui'moye y yʌ'wʌ ñicotza'mʌyaju te' quiomicʌsi que nʌ yajayu te' yojsaŋ.

San Lucas 16:3

Pijche'cande' te' co'aŋgui'moye quipsoyu choco'yojmo: ¿Tiya'mʌs ndzʌcpa yʌtij? Ʌsyʌ' ŋgomi's maŋba yajʌcʌ'jayu ʌs ŋgo'aŋgui'moquiuy. Ja'ʌs musi ndaju nas y tza'ajpa'ʌj wa'yʌj nwa'cwijtu.

Romanos 14:12

Te'šej jeque tumduma'ŋbʌ'nis maŋbatʌ ŋgotzamdamu nwin Dioscʌsi.

1 Corintios 1:11

Porque yajmujšaju'ʌj te' Cloe'is fyamilia's que mijta'm, atzita'm, ŋguipotoŋdambamij ne'co'mo.

1 Corintios 4:2

Pero pyʌcpa jujche'ŋ coque'noye's wa'y chi'nda'nu chocoy.

1 Corintios 4:5

Te'šej jeque uy cʌme'tztame windij yajtiyʌ. Uy cʌme'tztame hasta que minba tʌ Ngomi. Te'wʌ's maŋba cha'maŋwajpʌ'u pi'tza'ŋajcu'yojmo cʌwʌ'ñajupʌ tiyʌ, y maŋba yajqueju mumu tzoco'yis quipsaŋgospo'ʌyušej. Pijche'ca maŋba wyʌcotzamu Diojsis tumduma'ŋbʌn myerecetzʌcpaše'ŋ.

2 Corintios 5:10

Porque ijtupʌ te' pyena wa'ytyʌ muma'ŋgʌ'y aŋguejtamu Cristo's wyi'naŋdʌjqui cʌme'tzopyamʌy. Pijche'c maŋba quioyojyatʌju tumduma'ŋbʌn tiyʌta'm chʌquiaju cuerpo'ojmomaj ijtyaju'c, juca oyepʌ tiyʌ o ja'n 'yoyepʌ.

1 Timoteo 4:14

Coquena cuenta yʌ' tzi'ʌtʌjcuy mi'ojmo ijtupʌ, ñchi'upʌmij Diojsis, quiojtyaju'c quiʌ' mijcʌsi anciano'sta'm, mij ñchamyaju'c Diojsis ñʌquiʌsi.

1 Timoteo 5:24

Wene pʌ'nista'm quiowa nʌwa' yajquejyaju wa'ytyʌ ŋgʌme'chaju, pero eyata'mbʌ'sñe' maŋba quieju jʌsa'ca.

1 Pedro 4:10

Diojsismij nwye'nbʌ'jaytyamušej tumduma'ŋbʌn te' tzi'ʌtʌjcuy, te'wʌ nʌyostamʌ wa'mis naquiotzowatʌjtamu ne'co'mo. Te'šejmis maŋba ndzʌcjaytyamu bien mis atzita'm te' Diojsis wi'ni eyata'mbʌ yajya'moquiupyit.

1 Pedro 4:5

Uy pʌcjaytyame maya'cuy. Porque minba'cande' te' Diojsis ñimejcʌyupʌ, maŋbapʌ's quiʌme'chaju queñajpapʌ y ca'yajupʌ, yʌ' genti'lista'm maŋba quiowʌ'aŋjamyaju ñe'ta'm quiowa.

El Apocalipsis 20:12

Y ŋguenu'ʌs te' ca'yajupʌ inʌc y yʌtij tenayaju'c Diojsis wyi'naŋdʌjqui, mʌja'ŋda'mbʌ y cʌmaŋda'mbʌ. Y ŋguengue'tu'ʌs sone libro pejtzaŋwajyajupʌ y te'šejtijque' emʌ pejtzaŋwajque'tupʌ libro. Y te'wʌte' te' libro ja'yʌyajumʌy ñʌy te' iscuy-quengu'yojmo maŋba tyʌjcʌyajupʌ'sñe'. Y quiʌme'chatʌju te' winsa'yajupʌ jutzta'm ja'yʌyušej te' libro'ojmo tiyʌta'm chʌquiaju yʌy najsacopajcʌsi.