San Lucas 16:16 - Zoque Copainalá New Testament

¹⁶ Te' aŋgui'mguy yojsu y te' tza'maŋwa'oyeta'm tza'maŋwa'oyaju hasta te' Jua'ŋis jyamo'oyjtya'm. Y pijche'c chamgopuŋgʌ'yaju te' evangelio chambapʌ's jutz aŋgui'mba Dios. Mumu pʌ'nis chi'pa pena wa'y tyʌjcʌyu aŋgui'mbamʌy ñe'cʌ.

San Lucas 16:16 ပူးပေါင်းရင်းမြစ်များ

San Mateo 10:7

Y nʌ'cmij myaŋdamu, tzamgopuŋdamʌ: Nʌwa' tyo'mʌyu te' aŋsʌŋ wa'y 'yaŋgui'moyu te' tzajpojmopʌ Dios.

San Mateo 15:11

Te' tʌjcʌyajpapʌ tiyʌ mis aŋnaco'mo, te'wʌ's ja'nmij nyajyu'qui. Te' pujtyajpapʌ tiyʌ mis aŋnaco'moc, te'wʌ'smijte' nyajyu'cpa.

San Mateo 21:32

Porque minu te' Juan Bautista mi'ojmota'm wa'mij 'yaŋmaytyamu jutiwʌte' te' wiyuŋbʌ tuŋ, y janwyʌ'aŋjamdamʌmis. Pero te' tze'coyajpapʌ's, y te' malejyomo'sta'm wyʌ'aŋjamyaju. Y mista'm, ñempemis te'šej ŋguendamu, jaŋguipswitu'tamʌmij ni janwyʌ'aŋjamdamʌmis.

San Mateo 3:2

Y nʌmba inʌc: Quipswitu'tamʌ, porque jʌ'nʌ'a maŋba 'yaŋgui'moyu te' tzajpojmopʌ Dios.

San Mateo 4:17

Pijche'c chamgopuŋgʌ'yu Jesujsis y nʌmu: Quipswitu'tamʌ, porque jʌ'nʌ'a maŋba 'yaŋgui'moyu te' tzajpojmopʌ Dios.

San Mateo 4:23

Y wyitjojca'mu Jesujsis mumu te' Galilea-nas, y aŋma'yopya inʌc te' judio'sta'm wyindʌjcojmo. Chamgopuŋba inʌc te' evangelio chambapʌ's jutz aŋgui'mopya Dios. Y yajtzojcu mumu ca'eta'mbʌ y mumu toya'ojmota'mbʌ te' pʌ'nojmota'm.

San Marcos 1:14

Šomyaju'ca Juan, maŋgue'tutij Jesús te' Galilea-najsojmo. Nʌ inʌc chamgopuŋu te' evangelio chambapʌ's jutz aŋgui'mopya Dios.

San Marcos 1:45

Pero tzu'cumu te' pʌn y yʌmʌc teymʌc chamgopuŋu, y yʌ'wʌ te'wʌ inʌc chamjapya jutz tzojcu. Te'wʌcotoyate' Jesús ja'na inʌc musi tyʌjcʌyu quejuqueju'c te' cumgu'yojmo. Itcʌwʌ'nu wyin ja'itʌnʌmʌmʌy. Y teymʌ inʌc maŋba mye'chaju yʌmʌc teymʌcta'mbʌ pʌ'nis.

San Lucas 10:11

Yʌ' cumgupyo'yo tzʌ'yupʌ tʌs ne'ŋbajcʌsi, ŋgopujpatʌs mi'ojmota'm. Pero mustamʌ que tijtʌ'u Dios wa'y 'yaŋgui'moyu mi'ojmota'm, jašundamʌmis.

San Lucas 10:9

Yajtzoctamʌ ca'eta'mbʌ te' cumgu'yojmo ijtyajupʌ, y nʌjaytyamʌ te' pʌnda'm: Tijtʌ'u Dios wa'y 'yaŋgui'moyu mi'ojmota'm, jašundamʌmis.

San Lucas 16:29

Y Abraha'ŋis ñʌjayu: Ijtu te' Moisejsis tyotojaye y te' tza'maŋwa'oye'sta'mñe'. Yajmato'ŋoyjaya.

San Lucas 16:31

Pero Abraha'ŋis ñʌjayu: Juca ja'n myato'ŋoyjayay Moisejsis tyotojaye y te' tza'maŋwa'oye'sta'mñe', ja'n maŋu wyʌ'aŋjamyaju ñempe winsa'ʌ iwʌjutiwʌ ca'yajupʌ'ojmoc.

San Lucas 9:2

Y pijche'c quiʌ'wejyaju wa'y yajtzoquiaju ca'eta'mbʌ y wa'y maŋu chamgopuŋyaju jutz aŋgui'mopya Dios.

San Juan 1:45

Yʌ' Felipe's pya'tu Natanael y ñʌjayu: Mba'twa'ndʌs te' Jesús, te' Nazarejtojmopʌ Jose'is 'yune. Yʌ' Jesuste' te' jya'yʌyupʌ Moisejsis te' aŋgui'mgu'yojmo, y te' jya'yʌyajque'tupʌ te' tza'maŋwa'oye'sta'm.

San Juan 11:48

Juca ja'ndʌ nyajwinductame, mumu pʌ'nis maŋba wyʌ'aŋjamyaju ñe'cʌ. Y maŋba miñaju romanota'm, y maŋba yajʌcʌ'jayaju tʌta'm masanbʌ ndemplo y tʌta'm nacion-itcuy.

San Juan 12:19

Pero te' fariseota'm nʌmyaju ñe'co'mo: ¿Nguendamwa'ja que yajtiyʌtʌ ja'n nʌwʌ'ajtame? Quendamʌ naswindumʌpʌ's nʌ wyʌ'aŋjamyaju y nʌ quiʌ'maŋyaju ñe'cʌ.

San Juan 5:4

Porque nu'cpa'c aŋsʌŋ wanacpa inʌc ángeles y yajmi'cspa inʌc te' nʌ' te' tanque'ojmo. Iwʌ wina tʌjcʌpya nʌ'c myi'csu te' nʌ', tzocpa inʌc wempe jutzpʌ ca'cuy.

Hechos 3:18

Pero te'šej chʌcwa'a Diojsis chamušej wina te' cha'maŋwa'oye'sta'm 'yaŋnacapit que maŋba inʌc tyoyapʌjcu te' Cristo.