San Lucas 16:11 - Zoque Copainalá New Testament

¹¹ Pero juca jañchʌctamʌmis ta'nupʌ tiyʌ yʌ' yʌtijta'mbʌ's rico'ajcupyit, ¿iwʌ'sa ŋguionfiatzʌcjaytyamba te' wiyuŋšejpʌ rico'ajcu'yojmo?

San Lucas 16:11 ပူးပေါင်းရင်းမြစ်များ

San Mateo 6:24

Ni'iwʌ's ja'n musi yosjayu tumnacacʌsi metzapʌ comi, porque maŋba qui'nisu tumʌ y maŋba šunu te' eyapʌ, o maŋba myʌja'ŋgomʌ'yu tumʌ y te' eyapʌ ja'n myʌja'ŋgomʌ'i. Ja'nmis musi nyosjaytyamu Dios y nyosjaytyaŋgue'tu te' itʌpa'tcuy.

San Lucas 12:33

Ma'ʌytyamʌ tiyʌta'm mis nʌ'ittamu y sajtzi'tamʌ te' pobreta'm. Tzʌctamʌ tzunu ja'n pyeca'epʌ y tzʌctamʌ tzajpojmopʌ itʌpa'tcuy ja'n yayepʌ. Tey tzajpojmo ja'n ñu'qui nu'mbawʌ ni ja'n myo'te ji'iji'is yajtiyʌ.

San Lucas 16:12

Y juca eyane'cʌsimis jañchʌctamʌ ta'nupʌ tiyʌ, ¿iwʌ'samij maŋba ñchi'tamu ŋgowindzʌmdambaše'ŋmis?

San Lucas 16:9

Ʌsmij nʌjaytyamba: Amigotzʌctamʌ yʌ' yʌtijta'mbʌ's rico'ajcupyit wa'mij mbyʌjcʌchowatʌjtamu ja'n yayepʌ itcu'yojmo yaju'cande' te' rico'ajcuy.

San Lucas 18:22

Y myatoŋu'ca Jesujsis yʌ'šej, ñʌjayu: Faltamaj tumʌpʌ tiyʌ. Ma ma'ʌpyʌ'ʌ ndiyʌta'm mis ijtu, y tzi'ya te' tumin te' yacsnuwijtyajpapʌ. Te'šej maŋbamij itʌpa'tu tzajpojmo. Y minʌ co'ŋa'ʌj.

Efesios 3:8

Ñempe'ʌj más cʌmaŋ que ja'nde' te' más cʌmaŋda'mbʌ masanbʌn, pero Diojsisʌj tzi'u yʌ' yajya'moquiuy wa'yʌsmij ndzamgopuŋjaytyamu yʌ' evangelio mijta'm, gentil-pʌn. Tzi'u'ʌj jeque wa'yʌsmij ndzamjaytyamu jutzte' mʌja'ŋ te' Cristo's yajya'moquiuy mijcotoyata'm.

Santiago 2:5

Sundambapʌ atzita'mʌsmij, cʌmato'ŋʌytyamʌ'ʌj: Diojsis quiopiŋwa'a te' pobreta'm najsacopajcʌsi wa'y tumʌtzocoy wyʌ'aŋja'moyaju y te'ta'mbʌ's wa'y ijtyaju pyarte aŋgui'mbamʌy Dios. Yʌ'šej jeque chamdzi'yaju Diojsis mumu jujche'ŋ šuñajpapʌ's ñe'cʌ.

El Apocalipsis 3:18

Te'cotoya yʌtij aŋnʌctza'mʌytyamba'ʌsmij wa'mis ʌjpit me'tztamu mista'm ŋgotzojcuy, porque te' cotzojcuy jucʌtʌjcojmo copoŋupʌ orošejpʌte'. Te'wʌte' te' wiyuŋšejpʌ rico'ajcuy Diojsis wyi'naŋdʌjqui. Y aŋnʌctza'mʌytyamba'ʌsmij, yamdamʌ popopʌ mista'm meque wa'mij jana maŋu ncha'ajcuchi'tamu mista'm nicotacapʌ ŋgüerpo's Diojsis wyi'naŋdʌjqui. Tzo'yʌytyamʌ ndzocoy ʌs ndzamepit jaspašejtʌ coliriopit nwitʌm wa'y chojcu.