San Lucas 16:1 - Zoque Copainalá New Testament

¹ Ñʌjayajque'tu Jesujsis te' quiʌ'aŋmaye: Ijtu inʌc tumʌ pʌn itʌpa'tupʌ. Yʌ'wʌ's ijtu inʌc tumʌ quio'aŋgui'moye y yʌ'wʌ ñicotza'mʌyaju te' quiomicʌsi que nʌ yajayu te' yojsaŋ.

San Lucas 16:1 ပူးပေါင်းရင်းမြစ်များ

San Mateo 20:8

Y maŋba'ca tyʌ'pu jama, te' yojsaŋ-gomi's ñʌjayu te' quio'aŋgui'moye: Wejya te' yojšajpapʌ y coyojaya. Winac coyojya te' yʌmajtya' yostʌjcʌyajupʌ. Y último coyojya te' wina yostʌjcʌyajupʌ.

San Lucas 12:42

Y nʌmu tʌ Ngomi: ¿Iwa'sʌ'ŋde' te' ñijamyajpapʌ y nʌctʌ'yopyapʌ co'aŋgui'moye, te' quiomi's muspa quiojtupʌ te' ñe' quioyosacʌsita'm wa'y myucjayaju jyamacʌtʌjcuy nu'cpa'ca hora?

San Lucas 15:13

Jaquiʌtʌcʌ sone jama, yajtu'mʌpyʌ'u te' potzo's mumutiyʌta'm chi'yaju, y maŋu ya'ay eya najsojmo. Teymʌ yaju ijtuše'ŋbʌ tyiyʌ jyowi-itcu'yojmo.

San Lucas 15:30

Pero minu misyʌ' une, te' tijupʌ's yajayu mis nyojsaŋ malejyomoji'ŋda'm. Y yʌtij minu'ŋmʌjcʌ nyajca'jayumis tzaŋgapʌ wacas-une.

San Lucas 16:19

Ijtu inʌc tumʌ pʌn itʌpa'tupʌ, yambapʌ's inʌc yʌc-tzapaspʌ pama wʌwʌ coyowapʌ. Tumdumʌ jama inʌc chʌcpa mʌja'ŋ-gu'tcuy.

San Lucas 16:2

Y wyeju te' quiomi's y ñʌjayu: Šujayajwa'mʌs ŋgowi. ¿Tiya'nde' nʌ ndzʌjcu? Yʌtij tzamja'ʌj jutz mis nʌ nʌtu'ŋaju mis ŋgo'aŋgui'moquiuy, porque ja'namij maŋu mujsu ŋguio'aŋgui'moyu.

San Lucas 19:20

Mingue'tu eyapʌ y nʌmu: Señor, yʌy ijtu mis ndumin. Yʌ'wʌ ŋgoquenjayu'ʌs payo'mo.

San Lucas 8:3

y te' Juana te' Chuza's yomo, (y yʌ' Chuza te' Herodejsiste' inʌc quio'aŋgui'moye), y te' Susana, y sone eyata'mbʌ yomo. Yʌ'ta'mbʌ's ñʌwe'ñajpa inʌc Jesús te' ñe'ta'm tyiyʌ'iwʌ.

Tito 1:7

Porque juca iwʌ's sunba quio'aŋgui'moyu Diojsis wyʌ'aŋja'moye'ojmota'm, pyʌcpa wa'y tyu'ŋaju oye'c uy yajtiyʌcʌsi quionoquiaju, porque ñe'cʌte' te' Diojsis quio'aŋgui'moye. Ja'n pyʌqui wa'y myʌja'ŋdzʌjcu wyin, ja'n myawʌqui'šca'epʌ, ja'n ño'tepʌ, ja'n quipcuy šunipʌ, ja'n ñi'aŋsunipʌ's tyʌwʌ wa'y ñijujpu.

Santiago 4:3

Y ñempe mis nwa'ctamʌ Dioscʌsi, ja'nmij ñchi'tame, porque ja'nmis nwa'ctame oyepʌ quipsoquiupyit sino que nwa'ctambamis wa'mis ndzʌctamu ne'ta'm su'noquiuy.

1 Pedro 4:10

Diojsismij nwye'nbʌ'jaytyamušej tumduma'ŋbʌn te' tzi'ʌtʌjcuy, te'wʌ nʌyostamʌ wa'mis naquiotzowatʌjtamu ne'co'mo. Te'šejmis maŋba ndzʌcjaytyamu bien mis atzita'm te' Diojsis wi'ni eyata'mbʌ yajya'moquiupyit.