San Lucas 15:8 - Zoque Copainalá New Testament

⁸ O juca tumʌpʌ yomo's ñʌ'ijtu majca'y dracma-tumin y yajtocopya tumʌ, ¿ja'nsʌ'ŋ ño'e sʌ'ŋgʌ' y tyacspete tyʌc wa'y chijpana-me'tzu hasta que pya'tpa?

San Lucas 15:8 ပူးပေါင်းရင်းမြစ်များ

San Mateo 5:15

Ya'iwʌ's ja'n ño'e sʌ'ŋgʌ' wa'y ñimucsʌyu tzicapit, sino que quiotpa te' sʌ'ŋgʌ'-cotcuquiʌsi wa'y šʌ'ŋjojpajcu mumu te' tʌjcojmo.

San Lucas 15:7

Ndzamjaytyamba'ʌsmij yʌ'šej: Más maŋba ñʌ'omyaju tzajpojmota'mbʌ's quipswitu'pa'c tumʌ cowatzʌquipʌ pʌn que ja'nde' noventa y nueve justota'mbʌ ja'na pyʌquiapyʌ's wa'y quipswitu'yaju.

San Lucas 15:9

Y pya'tu'ca, wyejtu'mʌyajpa te' yoma'ŋdʌwʌ y tyʌjca'ŋoyjtya'mbʌ. Y ñʌjayajpa: Nʌnʌ'omdamʌ'ʌj, porque mba'twa'mʌs te' dracma tocoyupʌ inʌc.

San Lucas 19:10

Porque ʌs, te' Pʌ'nis 'Yune's, minu'ʌs me'tzu wa'yʌs nyajcotzojcu te' tocoyajupʌ.

San Juan 10:16

Ijtyajque'tumaj eyata'mbʌ ja'ndiyʌta'mbʌ yʌy ʌs nwe'que'ojmo. Te'ta'mbʌ pyʌcpa wa'yʌs nʌmiñaju, y maŋba ñʌctʌ'yjayaju ʌs nwejcʌ'. Y maŋba ñʌctʌ'yjayaju ʌs ndzame. Y tumʌco necstoyoquiuy maŋba ijtu y tumʌtya'a quioqueñajpapʌ's.

San Juan 11:52

Y ja'n na' te' nacioŋgotoyatij, sino que wa'y tyumʌwʌ'aŋja'moyaju mumu pʌn titnayajupʌ naswindumʌ, jujche'ŋ Diojsis maŋba 'yune'ajyajupʌ.

Hechos 19:19

Te'šejtijque' sone chʌquiajpapʌ's inʌc brujo'ajcuy ñʌmiñaju sone libro y te' pʌ'nista'm wyi'naŋdʌjqui pyoŋbʌ'yaju. Y pyiŋbʌ'yaju y myapyʌ'yaju te' libro jujche'ŋ-goyowata'mbʌte' y nu'cu te' quioyowa wʌstʌjqui's-co-mac mil plata-tumin.

Efesios 2:17

Minu jeque Cristo y ñe'cʌ'smij nyajmustamu oyepʌ tiyʌ, que ijtu sʌ'mnaquiuy mijcotoyata'm Diojsis wyi'naŋdʌjqui. Y mijta'm ya'ay mij inʌc ittamu wina Diojsis wyi'naŋdʌjqui. Te'šejtijque' Cristo'stʌj yajmusque'tu que ijtu sʌ'mnaquiuy Diojsis wyi'naŋdʌjqui tʌjcotoya. Y tʌs ja'ndʌs inʌc ya'ay nʌ ŋguenu Dios.